Jaceuq 18:29 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁹ Khoermirnae, ngar, nawq-anr ghoe-awr, guirmaf-anr nae caevpavdov nya-awr; Ngar, ngaq-euq Miqyaer-anr ghoe-awr nae meuqlanr tsawqdzeur nya-eu ma.

Akha

²⁹ Nawˬ-euˬbaoˬ-ahˇgʼoe-eu laꞈkʼoeˇ, guiˇmaꞈmaꞈma tahˬpaˆgʼeh-awˇ, meuˬlahˇgoˇ-eu tsawˬdzeuˇnya ma.

Jaceuq 18:29 Referans Kwoze

Panmaeq 3:21

Ngar ghaqler-euq mirnae, ngaqDa-euq nuirmanq-anr ngaqDa naeq-aer tiqkawv lof-aer nuirluf-eu lof-aer, ngar khawf ghaqler-eu tsawrhaq-anr ngaq naeq-aer ngaq-euq nuirmanq-anr binuir ma.

Gawˇlawˇsehˇ 2:15

Aqyawf heu-euq lafkhoer, mqsanr hawr-eu aryaq deuq-anr ghaqler-awr, aqyawfmaf shafdawr paq-aer aqcawq-euq maeqshi byacaevni janrnaeq-euq mae.

1 Gawˇliˬtu 15:10

Aerkhawf, Miqyaer-euq guiqlanq yawdzanr baqda’nae ngar heulof-aer pyeufluf-eu ma. Aqyawf nae ngaq-anr bifnaeq laf-euq guiqlanq yawdzanr-aq yawqngaef maqngeur-a. Ngar, ghaqkhaer nuideuq dawqtawv luf-euq navmaqtser gar mr-euq ma. Aqdir aernar-aq, ngaq nae mr-euq maqngeur, ngaq-euq lafkhoer anr-eu Miqyaer-euq guiqlanq yawdzanr nae mr-euq mae.

Jaceuq 144:10

Aqyawf-aq, mirkhanq sanqpaq-anr kakhof-eu ghaq pyeuf-awr, Aqyawf-euq kuirlaf zaqkhav Daqbir-anr, Deuvlar-eu doer-awr cawv-eu micaer-anr nae bibuq-ir-euq ghaq mae.

Jaceuq 144:1

Ngaq-euq logur pyeuf-eu Ya’we Miqyaer-anr jaceuq ma. Aqyawf, ngaq-euq lafnoer guirdeuv deuvnya’ni hawr-eu, Ngaq-euq aqlaf deuvcae caenya’ni maeqnya naeqlaf-euq mae.

Jaceuq 27:1

Ya’we Miqyaer-aq, ngaq-euq yawshaef hawr-eu ngaq-anr bibuq-ir-eu ghaq mae. Ngar, aqsur ghaq-anr yaguv-eu la? Ya’we Miqyaer-aq, ngaq-euq daefzir-euq ghaq pyeuf-eu mae. Ngar, aqsur ghaq-anr guvkhar parza-eu la?