Jaceuq 18:20 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁰ Ngar tsaq-awr dawr-eu gar geuxni, Ya’we Miqyaer, ngaq-anr mrpoeq lafsawq bifnaeq laf-awr; Ngaq-euq aqlaf shawr-eu gar tsaqni, ngaq-anr yawmuiq jeq janrkhof naeqlaf-eu mae.

Akha

²⁰ Ngaˇyaw tsaˬjeˬmˇ-eu miˇneh, SahˬpaˬMiˬyehˇlaꞈsawˬbiꞈ-awˇ, yaw lehˬjeˬmaˬmˇ-eu miˇneh, ngaˬ-ahˇguiˬlahˬbiꞈlaꞈ-eu meh.

Jaceuq 18:20 Referans Kwoze

Jaceuq 24:4

Aqlaf shawr-awr nuima shawrjaevni ghae-eu tsawrhaq, Nuima saflar, tanqpanq aqma mawrkawr-anr maq ciqnaeq-aer, Maershuir shuir-eu laer maqkamq-eu tsawrhaq mae.

1 Gawˇliˬtu 3:8

Ka-eu ghaq hawr-eu ircuf shaeq-eu ghaq-aq tiqkawv mae. Yawqghaq navluf yawqha nae mrtaq-euq lof-aer yawqha-euq mrpoeq lafsawq za taef-a.

Maꞈtehˬ 6:4

Nawr bifnaeq gamfnaeq ngae, aqcawq maqmawr-eu gar mr-awq. Tsawrhaqzaq maq mawrnya-eu gar hawmawr nya-eu nawq-euq Aqda, nawq-anr aqcawq-euq maeqshi mrpoeq lafsawq bifnaeqlaf taef-a.

Dawqdaq 11:18

Tsawrcawv-aq, jaqmyawf maershuir-euq gar mr-eu mae. Aerkhawf, tsaq-awr dawr-eu siqyoeq saeq-eu tsawrhaq-aq, Mrpoeq lafsawq za-eu yawduq baw-eu mae.

Jaceuq 58:11

Khoer-euq baqda’nae, tsawrhaqzaq heulof-aer aer taef-a, “Tsaq-awr dawr-eu tsawrhaq deuq-euq gharduq, aqdir mrpoeq lafsawq jav-eu ngar-a; Mirtsaq tanqkhawr-anr yarkhaq dar-eu Miqyaer aqdir jawr-eu ngar-a.”

HeˬByehˇ 7:26

Heulof-aer ghae-eu Pirma yawhuiq ghaq-aq, aqdui-anr tsaq duidui-eu mae. Aqyawf-aq, yawjawf hawr-eu yawlaeq maqanr-eu uqtaf, yawshawr mae. Iqbaxzaq-anr nae bi tserpav dov-awr, mq-euq navmaqtser bi ciqgor taq-euq mae.

Jaceuq 26:6

Ya’we Miqyaer-or! Ngar, nawq-euq lawrduq jawqjawq-aer cannya’ni, Ngar shawrjaevni ghae-eu ma laer aqlaf dzuifshawrler ma.

Jaceuq 18:24

Khoer baqda’nae, aqyawf-euq maeqshi ngaq-euq aqlaf shawr-eu gar tsaq-awr, Ngar tsaq-awr dawr-eu gar tsaqni, Ya’we Miqyaer, ngaq-anr janrtsaq naeqlaf-euq mae.

Jaceuq 7:8

Ya’we Miqyaer, tsawrhaqzaq-anr, yarkhaqdar taef-a. Ya’we Miqyaer-or! Ngar tsaq-awr dawr-eu gar hawr-eu, Ngaq-euq lafkhoer anr-eu muiq-awr dawr-eu gar haw-awr, Ngaq-anr yarkhaq darnaeq laf-awq.

Jaceuq 7:3

Ngaq-euq Miqyaer pyeuf-eu Ya’we Miqyaer-or! Ngar heulof-aer mr-euq jav nar-aq, Ngar, ngaq-euq aqlaf nae lavlaeq lavca-euq law nar-aq,

Jaceuq 31:9

Ya’we Miqyaer-or! Ngar shaq-awr zanqluf-eu mirnae, Ngaq-anr ghawqshaq gaqnaeq laf-awq. Ngar nuima cawv-eu mirnae, ngaq-euq myavnuiv ghaq baq-awr, Ngaq-euq nuima saflar hawr-eu ngaq-euq mawrdo khawf, ghaq baq mir-a.

Jaceuq 118:5

Ngar nuima cawvluf ngae, Ya’we Miqyaer-anr kur-euq ma. Aqyawf, ngaq-anr narhaq naeqlaf-awr, Jerloni ghae-eu gar sheuqtaq naeqlaf-euq mae.