Jaceuq 17:8 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Nawr, nawq-euq myavnuiv myavsiq-anr hawpir-eu lof-aer, Ngaq-anr hawpir naeqlaf-awq. Ngaq-anr, nawq-euq aqdanr-euq narshmr-euq uqmov, bi caevzaf naeqlaf-awq.

Akha

⁸ Myaˆnuiˆ-ahˇha lahˇ-eu loꞈ-ehˇ, ngaˬ-ahˇnawˇha lahˇnehˬlaꞈ-awˬ. Nawˬ-euˬaˬdahˇnaˇshmˇuˬmoˆ, ngaˬ-ahˇnawˇciˬzaꞈnehˬlaꞈ-awˬ.

Jaceuq 17:8 Referans Kwoze

Jaceuq 91:4

Aqyawf-euq aqdanr nae nawq-anr danrkhawv khawvkaq-awr; Nawr, aqyawf-euq aqdanr-euq uqmov caevzaflar taef-a. Aqyawf-euq yawtsaq yawdawr-aq, Nawq-euq daeqdaqduq hawr-eu tanqdaqduq pyeuf taef-a.

Jaceuq 91:1

Gor duidui-eu ghaq nae zaftaq-euq jawrduq-anr jawr-eu tsawrhaq-aq, Baoq zawr huiq-eu Miqyaer-euq narshmr-euq uqmov yajawr taef-a.

Dawqdaq 7:2

Ngaq-euq khaerdawq-anr mrcaw-awr yawdaef daef-awq. Nawq-euq myavnuiv myavsiq-anr lavsav-eu lof-aer, Ngaq-euq zanrdawq-anr lavsav-awq.

Luˇkaꞈ 13:34

“Yeqlursaqlaeq-or! Or, Yeqlursaqlaeq, nawr, Miqyaer gharduq ngaeqdan-eu tsawrhaq deuq-anr saef-awr, nawr jawr-eu gar bi’oe-euq deuq-anr khawf, khaqlo nae biqsaef-eu mae. Yaciv ya’ma, yazaq deuq-anr danrkhawv khawvuiq-eu lof-aer, ngar, nawq-euq zaqdeuq-anr armyav pov khawvuiq mawf-eu khawf, nawmaf maqbi khawvuiq naeqlaf-a.

Jaceuq 36:7

Miqyaer-or! Nawr ghoer-awr gaq-eu jeq, Arnavni poeq-awr lawq-eu nga! Heu-euq baqda’nae, nawq-euq aqdanr-euq narshmr-euq uqmov, Tsawrhaqzaq ghoelar-eu mae.

Jaceuq 57:1

Miqyaer-or! Ngaq-anr ghawqshaq gaqnaeq laf-awq! Ngaq-euq nuima saflar, nawq-anr ghoe-eu mirnae, Ngaq-anr ghawqshaq gaqnaeq laf-awq! Lavbyov lavbyav-eu jeq maqdzeur-ir-euq khoerkeuvni, Ngar, nawq-euq aqdanr narshmr-euq uqmov caevzaflar ma.

Jaceuq 61:4

Ngar, nawq-euq aqdanr-euq uqmov jav-eu caevzafduq-anr ghoe ma. Ngar, mqmaq maqbyav yarzir nawq-euq saeqghawv-euq lafkhoer jawr ma. Sela.

Maꞈtehˬ 23:37

“Yeqlursaqlaeq-or! Or, Yeqlursaqlaeq, nawr, Miqyaer gharduq ngaeqdan-eu tsawrhaq deuq-anr saef-awr, nawr jawr-eu gar bi’oe-euq deuq-anr khawf khaqlo nae biqsaef-eu mae. Yaciv ya’ma, yazaq deuq-anr danrkhawv khawvuiq-eu lof-aer, ngar, nawq-euq zaqdeuq-anr armyav pov khawvuiq mawf-eu khawf, nawmaf maqbi khawvuiq naeqlaf-eu beu.

Jaceuq 63:7

Nawr, ngaq-anr cawba naeqlaf-euq mirnae, Ngar, nawq-euq aqdanr-euq narshmr-euq uqmov, laqkhaq caer-eu ma.

Jaceuq 16:1

Miqyaer-or! Ngaq-anr hawpir naeqlaf-awq. Ngar, nawq-euq lafkhoer caevzaflar ma.

Jaceuq 36:8

Nawq-euq nymr-euq lafkhoer javbyan taq-euq jeq-euq baqda’nae, Aqyawfmaf tiqbyan tiqlof nuikhanr shir-awr; Nawr, aqyawf maf-anr, nawq-euq laqkhaq caer-eu lawrgawv-anr nae bidawr-euq mae.

Jaceuq 57:2

Ngaq-euq gharduq yawqjeq navluf janrnaeq laf-eu Miqyaer-anr, Gor duidui-eu Miqyaer-anr ngar gurgaq ma.

Jaceuq 61:5

Aqjeq mirnae aernar-aq, Miqyaer-or! Nawr, ngaq nae kamq-euq dawq gaq-awr; Nawr, nawq-euq tsawrmyanr-anr guv-eu deuq-anr of-eu jeqbir, Ngaq-anr bifnaeq laf-euq mae.