Jaceuq 17:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Ya’we Miqyaer-or! Dawr-awr tsaq-eu jeq shar-eu gar narhaq naeqlaf-awq. Ngar shar-eu dawq-anr narhaq naeqlaf. Jaqmyawf maershuir maqanr-eu ngaq-euq maeqluq-euq guiqlanq shardawq-anr, nawq-euq naqbawr ciqkhmr naeqlaf-awq!

Akha

¹ Sahˬpaˬ Miˬyehˇ-oˇ, yaw tsaˬyaw dawˇbi keuˆ le ni, guiˬlahˬshaˇgaˇ naˇhaˬnehˬlaꞈ. Nui ma dawˇcoe ni shaˇluꞈngeh, nawˬ-euˬnaˬbawˇciˬkʼmˇnehˬlaꞈ.

Jaceuq 17:1 Referans Kwoze

Jaceuq 142:6

Ngar gur-eu gar narhaq naeqlaf-awq. Aqjeq mirnae aernar-aq, Ngar ardzaeq-aer aw-eu gar bi gheuka taq-euq nya; Ngaq-anr khaeq-awr khav-eu deuq-anr nae bibuq-ir naeqlaf-awq. Aqjeq mirnae aernar-aq, Aqyawfmaf, ngaq-euq navmaqtser ghaq khavdzaeq-eu mae.

Jaceuq 61:1

Miqyaer-or! Ngar gur-eu gar narhaq naeqlaf-awq; Ngaq-euq guiqlanq shardawq-anr narhaq naeqlaf-awq.

1 Yoˇhaˬ 3:21

Ngar zawr gaq-eu cawqdeuq-or! Aqdui-euq nuima yawqhar yawqha yarkhaq maqdar nar-aq, Miqyaer-euq maeqshi aqdui-euq nuima zifdanni jav-eu ma.

Maꞈtehˬ 15:8

‘Tsawrhaq heudeuq-aq, khaqmae nae ngar jawr-eu gar lar-awr, Maeqluq nae taqhuiq taqmanr-eu khawf, Aqyawf maf-euq nuima-aq, ngaq-anr nae garmanr kaq-eu gar javluf-eu mae.

Jaceuq 145:18

Ya’we Miqyaer-aq, aqyawf-anr kharkur-eu tsawrhaq deuq-euq dawqpae jawr-eu mae. Yawtsaq yawdawr-euq lafkhoer kharkur-eu tsawrhaq-euq dawqpae jawr-eu mae.

Jaceuq 142:1

Ngar, ngaq-euq tersar nae Ya’we Miqyaer-anr gurgaq ma. Ngar, ngaq-euq tersar nae Ya’we Miqyaer-anr tanqshar-eu dawqdzawr mr ma.

Jaceuq 140:12

Ya’we Miqyaer, bikhaeq-euq deuq-anr hawpir naeq-awr, Irshaqzaq-anr dawr-awr tsaq-eu jeq janrnaeq mae laer ngar siqnya ma.

Jaceuq 86:1

Ya’we Miqyaer-or! Nawq-euq naqbawr ciqkhmr lef-awr, Ngaq-anr narhaq naeqlaf-awq. Aqjeq mirnae aernar-aq, Ngar-aq, shaqzaq zanqzaq pyeuf-eu irshaqzaq ma.

Jaceuq 66:19

Aerkhawf, ngaq-euq dawq aqdir Miqyaer-anr gaqler-awr, Aqyawf, ngar guiqlanq shar-eu tersar-anr narhaq naeqlaf-euq mae.

Jaceuq 43:1

Miqyaer-or! Ngaq-anr japir naeqlaf-awr, Miqyaer-anr yawzeu maqbaw-eu tsawrjeuq tsawrca naeq-aer, Ngaq-euq garkawv yarkhaq jadan naeqlaf-awq. Jaqmyawf maershuir hawr-eu maqdawr maqtsaq-eu tsawrhaq-anr nae, Ngaq-anr bibuq-ir laf-awq.

Jaceuq 18:20

Ngar tsaq-awr dawr-eu gar geuxni, Ya’we Miqyaer, ngaq-anr mrpoeq lafsawq bifnaeq laf-awr; Ngaq-euq aqlaf shawr-eu gar tsaqni, ngaq-anr yawmuiq jeq janrkhof naeqlaf-eu mae.

Jaceuq 7:8

Ya’we Miqyaer, tsawrhaqzaq-anr, yarkhaqdar taef-a. Ya’we Miqyaer-or! Ngar tsaq-awr dawr-eu gar hawr-eu, Ngaq-euq lafkhoer anr-eu muiq-awr dawr-eu gar haw-awr, Ngaq-anr yarkhaq darnaeq laf-awq.

Jaceuq 5:2

Ngaq-euq Sanqpaq hawr-eu ngaq-euq Miqyaer-or! Ngar gur-eu tersar-anr narhaq naeqlaf-awq. Ngar, nawq-anr guiqlanq shar-eu ma.

Yoˇhaˬ 1:47

Naqdaqneqlar, Yeqsur jawr-eu gar larluf-eu gar Yeqsur ya’mawr ngae, Naqdaqneqlar-euq garkawv heulof-aer aer-eu mae, “Aqdir Irsaqleqlav tsawrhaq pyeuf-eu ghaq-anr hawsher-eq. Aqyawf-euq nuima-euq lafkhoer jaqmyawf maershuir maqanr-a.”

Jaceuq 18:44

Aqyawfmaf, ngaq-euq garkawv yagaq-euq naeq-aer, ngaq-euq dawq narhaq geuf-awr; Aqcawq tsawrjeuq, ngaq-euq maeqshi awbyav lar-eu mae.

Jaceuq 54:4

Hawde-eq, Miqyaer-aq, ngaq-anr cawba-eu ghaq pyeuf-eu mae. Sanqpaq Miqyaer-aq, ngaq-euq daefzir-anr ngaeqghae naeqlaf-eu ghaq mae.

Jaceuq 55:18

Ngaq-anr caelar-euq deuq ghawqmya’ni myaq-eu mirnae, Aqyawf, ngaq-anr guirdeuv deuvlar-eu gar nae, nuisar of-eu lafkhoer, Ngaq-euq nuima saflar-anr kakhof naeqlaf-euq mae.

Jaceuq 61:2

Ngaq-euq nuima shaqzanq naf duidui-eu lafkhoer, Ngar mqdzer mirdzer jawr-awr nae nawq-anr gurgaq luf-eu ma; Ngar taf-aer gordzaeq-eu logur-anr, ngaq-anr sheuqghae naeqlaf-awq.

Jaceuq 84:9

Miqyaer-or! Nga’maf-euq daeqdaqduq-anr hawsher-eq! Nawq nae tsaqtsov-euq ghaq-euq myavpyawq-anr hawcawq naeq-awq.

Jaceuq 86:6

Ya’we Miqyaer-or! Ngaq-euq guiqlanq shardawq-anr, Naqbawr ciqkhmr naeqlaf-awq. Ngar tanqshar-eu tersar-anr narhaq naeqlaf-awq.

Jaceuq 88:3

Aqjeq mirnae aernar-aq, ngaq-anr gardzaq garkawv tiqbyanni keuvle taq-awr; Ngaq-euq daefzir lmqbymr-euq dawqpae keuv-ir shaw-iq mir-a.

Jaceuq 102:2

Ngaq-anr gardzaq garkawv keuvle taq-euq arnan-anr, Ngaq-anr nae nawq-euq myavpyawq taq ciqzaf naeqlaf. Ngar, nawq-anr kur-eu arnan-anr, Nawq-euq naqbawr, ngaq-anr ciqkhmr naeqlaf-awr, Ngaq-anr yawkawr-aer oq toqnaeq laf-awq.

Jaceuq 143:1

Ya’we Miqyaer-or! Ngaq-euq guiqlanq shardawq-anr narhaq naeqlaf-awq. Ngar tanqshar-eu jeq-anr nawq-euq naqbawr ciqkhmr naeqlaf-awq. Nawq-euq sarjax zif-awr, tsaq-awr dawr-eu lafkhoer, ngaq-anr dawq ngaeqkhof naeqlaf-awq.