Jaceuq 16:8 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Aqmyanluf, ngar, Ya’we Miqyaer-anr ngaq-euq maeqshi bijawr ma. Aqyawf, ngaq-euq armar paw jawr-eu mirnae, ngar nyinyi-aer maq ghaelarni zif-eu ma.

Akha

⁸ SahˬpaˬMiˬyehˇngaˬnehˇjawˇ-eu, aˬmyah luꞈ ngaˇsiˬnya-eu ma. Ngaˬ-euˬdawˬpeh aˬyawꞈjawˇ-awˇ, laˆciˆ laˇ-eu jeˬ maˬjaˆ-a.

Jaceuq 16:8 Referans Kwoze

Jaceuq 121:5

Ya’we Miqyaer-aq, nawq-anr hawpir-eu ghaq pyeuf-eu mae; Ya’we Miqyaer-aq, Nawq-euq armar paw, nawr narshmr awduq pyeuf-eu mae.

Jaceuq 62:6

Aqyawf taef-aer ngaq-euq logur hawr-eu ngaq-anr kakhof-eu ghaq pyeuf-awr; Aqyawf, ngaq-anr deuvpir naeqlaf-eu ghaq pyeuf-eu mae; Ngar, nyinyi-aer maq ghaelar.

Jaceuq 73:23

Aerkhawf, ngar aqmyanluf, nawq naeq-aer jawr-awr; Nawr, ngaq-euq armar laf-anr nyaeftaeq naeqlaf-euq mae.

Jaceuq 110:5

Sanqpaq Miqyaer, nawq-euq armar paw jawrluf-eu mae. Aqyawf nuima paer-eu arnan-anr, Mirkhanq sanqpaq deuq-anr nawqpyaevsaef taef-a.

Jaceuq 73:26

Ngaq-euq nuima hawr-eu ngaq-euq shiqshaq ghaq baq-ir khawf; Miqyaer-aq, ngaq-euq nuima gharduq ghaq pyeuf-awr, Mqmaq maqbyav yarzir ngaq-euq shaqbymr ma.

Jaceuq 109:31

Aqjeq mirnae aernar-aq, aqyawf, shaqzaq zanqzaq-euq armar paw yawf-awr; Aqyawf, laeq nga laer yarkhaq dartsaev-eu deuq-anr nae, Aqyawf-anr bibuq-ir-eu mae.

HeˬByehˇ 11:27

Aqyawf jan-eu mirnae, sanqpaq nuima paer duidui-eu gar maqguvni, Irjirtuv-anr nae dov-ir-euq mae. Aqjeq mirnae aernar-aq, maq mawrlar-eu Miqyaer-anr mawrhaw-euq lof-aer, aqyawf nuima zif-eu mae.

Jaceuq 15:5

Jirjeuq ardzaeq yurdzaq-eu laer pyur maq bifdov ghae-aer, Yawlaeq maqanr-eu tsawrhaq-anr coeqlerni mr-eu gharduq lafnmf nmflar-eu gar maq hageuf-eu tsawrhaq yajawr-eu mae. Heudeuq mr-eu tsawrhaq-aq, tiqjawr-iq nyinyi-aer maq ghaelarni zifnya taef-a.

Jaceuq 139:18

Ngar, nawq-euq nuinoeq heudeuq gui-eu le laer nar-aq, Kharshuif myavmaqtser myaq-eu gar ya’mawr taef-a. Ngar noeqlar ngae khawf, nawq naeq-aer jawr ma.

Jaceuq 21:8

Nawq-euq aqlaf, nawq-anr kharmuir-eu deuq-anr povmawr-awr; Nawq-euq armar laf, nawq-anr byae-eu deuq-anr povmawr taef-a.

Jaceuq 62:3

Nawmaf, tsawrhaq tiq ghaq-anr aqmyan keuvni cae-eu laer ghae-eu le? Nawmaf dawqtawvluf coq-ir luf-eu kmrcaer, Hawr-eu yawf-ir taq-euq lanr lof-aer yabi saefdzaejir taef-a.

Jaceuq 62:7

Ngaq-anr kakhof-eu jeq hawr-eu ngaq-euq khanqsaer, Miqyaer-euq lafkhoer jav-eu mae. Ngaq-euq ghaq pyeuf-eu logur hawr-eu ngar caevzafduq, Miqyaer-euq lafkhoer jav-eu mae.