Jaceuq 16:7 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Ngar, ngaq-anr maeqbawq bifnaeq laf-eu Ya’we Miqyaer-anr jaceuq ma. Uqcif paw khawf, ngaq-euq nuima, yawqhar yawqha maeqdawq bifluf-eu mae.

Akha

⁷ Ngaˬ-ahˇsheuˬgʼeh laꞈ-eu miˇneh, SahˬpaˬMiˬyehˇ-ahˇja ceuˬma. Ngaˬ-euˬsiˬnya-eu nui ma heu, uˬciꞈngaˬ-ahˇ bi noeˬ-eu meh.

Jaceuq 16:7 Referans Kwoze

Jaceuq 73:24

Nawr, ngaq-anr nawq-euq maeqbawq nae sheuqghae naeqlaf-awr; Arsaq saqlar ngae nawr, ngaq-anr yawshaef khanqsaer-euq lafkhoer, Hageuf naeqlaf taef-a.

Jaceuq 77:6

Ngar, uqcif paw ngaq nae car-euq cardawq-anr noeqmawrlar mir-a; Ngar, ngaq-euq nuima dzardziv dziv-awr, Ngaq-euq saflar yawmuiq-aer povtser haw-euq ma.

Jaceuq 17:3

Nawr, ngaq-euq nuima-anr pyaevtserhaw ngae, Uqcif paw ngar jawr-eu gar oe-awr, Ngaq-anr tsermrhaw ngae, maqtsaq-eu jeq anr-eu maqmawr-aq. Ngar, ngaq-euq khaqmae nae yawbanq yawlaeq jeq maqngaeq laer noeqtsov taq-euq ma.

Jaceuq 63:6

Ngar yufzar-anr yufluf ngae, nawq-anr noeqmawr-euq ma. Uqcif mirlan-aer ngar, nawq-euq garkawv dzardziv dziv-euq ma.

Jaceuq 42:8

Nan’ghanr paw, Ya’we Miqyaer, aqyawf-euq ghoer-awr gaq-eu jeq khaerlef taef-a, Uqcif paw-aq, aqyawf-euq cardawq, ngaq naeq-aer jav-awr, Ngaq-euq daefzir-euq Miqyaer-anr guiqlanq shar-eu jeq pyeuf taef-a.

Dawqdaq 8:14

Ngar maeqbawq hawr-eu muiq-eu zaqsiq tsawrganr jav-awr, Ngar-aq, ghovshaw nya-eu jeq pyeuf-awr ghaq anr-eu ma.

Jaceuq 119:55

Ya’we Miqyaer-or! Uqcif paw, ngar, nawq-euq tsawrmyanr-anr noeqkeuv-awr, Nawq-euq zanrdawq-anr mrcaw-eu ma.

Luˇkaꞈ 6:12

Khoerngae, heulof-aer pyeuflar-euq mae. Yeqsur dov-ir-awr, gawqjawq-anr davler-awr nae guiqlanq sharler-euq mae. Uqcif mirlan-aer Miqyaer-anr guiqlanq shar-euq mae.

Panmaeq 2:23

Ngar, aqyawf-euq zaqdeuq-anr saef-awr bishir ma. Khoerngaejawr, ngar-aq, nuima hawr-eu nuinoeq nuidur-anr tsermr-eu ghaq ngar-a laer Kalizaq armur yawqmur navluf yasiq taef-a. Ngar, nawmaf yawqghaq navluf-anr yawqha nae mr-euq lof-aer geuxni bifnaeq ma.

Jaceuq 119:7

Nawr tsaq-awr dawr-eu lafkhoer yarkhaq dar-eu garkawv ngar yasiq ngae, Nuima dawrcoeni ghae-eu lafkhoer nawq-anr jaceuq ma.

Jaceuq 119:148

Ngar, nawq-euq dawq-anr dzardziv dziv-eu mirnae, Uqcif mirlan-aer ngaq-euq myavnuiv byaeluf-eu ma.

Jaceuq 77:2

Ngaq-anr gardzaq garkawv keuvle-eu arnan-anr, Ngar, Sanqpaq Miqyaer-anr pov-euq ma. Ngar, uqcif paw maq naqlerni, ngaq-euq aqlaf cawqdir-euq khawf, Ngaq-euq nuima saflar maqmuiq maq sarlar nya-a.

Jaceuq 22:2

Ngaq-euq Miqyaer-or! Ngar nan’ghanr paw kur-eu khawf, nawr oq maq toqkhof naeqlaf-a. Uqcif-euq aryamq-anr khawf, ngar ciqcurni maqjawr-aq.

Jaceuq 73:21

Ngaq-euq nuima cawv-ir-awr, Ngaq-euq lafkhoer bitsawv-euq lof-aer nar ngae;