Jaceuq 16:3 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Mirtsaq-euq khoertav jawr-eu tsawrshawr deuq-aq, muiq-awr jaq-eu mae. Ngar, aqyawf maf-anr laqkhaqcaer nya.

Akha

³ SahˬpaˬMiˬyehˇ-ahˇziꞈ-eu deuˬ, ehˇkʼaˇmaˬza ni muiˬ-eu meh. Aˬyawꞈmaꞈnehˬ-ehˇdehꞈ-eu jeˬ, ngaˇnui kʼahˇshiˇdui dui-eu ma.

Jaceuq 16:3 Referans Kwoze

HeˬByehˇ 6:10

Miqyaer-euq tsawrmyanr-anr gaq-eu lafkhoer mrdov shardov laf-euq nga laer bi mawrlarni, dzeurlaf ngae nawmaf nae tsawrshawr deuq-anr cawba naeq-awr, nymq-mr khawf cawba naeqluf-eu gar, Miqyaer-aq, ngaernya-awr maqtsaq maqdawr-eu maqngeur-a.

Dawqdaq 13:20

Tsawrganr anr-eu deuq naeq-aer can-eu tsawrhaq-aq, tsawrganr anrlar-eu mae. Aerkhawf, aqdzawq argan deuq-euq cawq-aq, yacawv-ir taef-a.

Dawqdaq 12:26

Tsaq-awr dawr-eu tsawrhaq-aq, Yawqha-euq cawq yawmuiq-aer yanryanr-aer tser-eu tsaq mae. Maqngeur nar-aq, tsawrcawv deuq, Aqyawf maf-anr garma sheuqbanq nya-eu mae.

Gʼaˬkʼehˇ 9:13

Khoerngae, Aqnaqnir heulof-aer aerkhof naeq-euq mae: “Sanqpaq-or! Tsawrhaq heughaq-aq, Yeqlursaqlaeq-anr jawr-eu nawq-euq tsawrshawr deuq-anr arnavni lavtanq lavnar naeq-euq garkawv, ngar, ghawqmya ghaq ja-eu gar yagaq-euq ma.

Dawqdaq 8:31

Jawrduq pyeuf-eu aqyawf-euq mirtsaq tanqkhawr-anr laqkhaq caer-awr, Tsawrhaq-euq zaqdeuq-aq, ngaq-euq nuikhanr shirduq pyeuf-eu ma.

Jaceuq 119:63

Ngar-aq, nawq-euq maeqdawq-anr khar mrcaw-eu deuq hawr-eu, Nawq-anr guv-eu yawqghaq navluf naeq-aer cawq cawq-eu ma.

Jaceuq 116:15

Ya’we Miqyaer-euq tsawrshawr deuq shir-eu-aq; Aqyawf-euq maeqshi zawr poeq-eu jeq pyeuf-eu mae.

Jaceuq 101:6

Ngaq-euq myavnuiv, mirtsaq-euq khoertav sarjax zif-eu tsawrhaq-anr hawluf ma. Aqyawfmaf, ngaq naeq-aer bijawr ma. Byan-eu garma-anr can-eu tsawrhaq-aq, Ngaq-euq kuirlaf yageuf taef-a.

Jaceuq 30:4

Nawmaf, Ya’we Miqyaer-euq tsawrshawr deuq, Dawqcar car-awr Miqyaer-anr jaceuq-awq. Aqyawf-euq shawr-eu tsawrmyanr-anr jaceuq-awq.

Tiˇtuˆ 3:8

Dawq heudawq-aq, jancoer ghoecoer paq-aer ghae-eu mae. Miqyaer-anr jan-eu tsawrhaq deuq, aqmyanluf yawmuiq jeq ya’mr mae laer maqya ngaerni, ngar, nawq-anr yawmuiq-aer bimaeq bi tsovmawf mir-a. Gar khoerdeuq-aq, muiq-eu gar pyeuf-eu uqtaf, tsawrhaq yawqghaq navluf-euq gharduq gardanr tsoeq-eu mae.

Eˇpeˇsu 1:1

Ngar-aq, Miqyaer nuima tsaq-eu mirnae, Yeqsur Kali-euq ghaqkhaer geufluf-eu Pawrluv ma. Yeqsur Kali-euq lafkhoer sarjax zif-eu tsawrhaq pyeuf-eu, Erpersu-anr jawr-eu tsawrshawr deuq-anr sanqbof bofanr lef-eu ma.

Gaˬlaˬtiˆ 6:10

Khoeruqtaf, aqdui khar yaeflar ngae, tsawrhaq dawqtawv luf-anr yawmuiq jeq mrnaeq kar-eur. Aqcawq-anr navmaqtser, jan-eu nymrkhanq-euq lafkhoer mrnaeq-eu tsaq mae.

Jaceuq 122:8

Ngar, ngaq-euq maernmr deuq hawr-eu cawqdeuq-euq gharduq heulof-aer aer-eu ma, “Nawq-euq lafkhoer nuisar of-eu jeq jav luf-ur.”