Jaceuq 149:2 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Aqyawf maf-anr bae-euq ghaq-euq lafkhoer, Irsaqleqlav laqkhaq bicaer luf-ur; Aqyawf maf-euq sanqpaq-euq baqda’nae, Ziroq-euq zaqdeuq bi lurgha bi caergha luf-ur.

Akha

² Iˇsaˬleˬlaˆ miˇ kʼahˬ-oˇ, nawˬ-ahˇ beh-euˬ gʼaˬ baˬ da neh laˬ kʼaˬ cehˇ-awˬ. Ziˇoˬ tsawˇ haˬ deuˬ-oˇ, naw maꞈ-euˬ sahˬ paˬ baˬ da neh laˬ kʼaˬ cehˇ-awˬ.

Jaceuq 149:2 Referans Kwoze

Jaceuq 95:6

Lar-awq, aqdui awbyav-awr uqduqtanq kar-eur; Aqdui-anr bae-euq ghaq pyeuf-eu Ya’we Miqyaer-euq maeqshi, Pawqtsuif pawqdmqdmq kar-eur.

Luˇkaꞈ 19:38

“ ‘Sanqpaq Miqyaer-euq tsawrmyanr-euq uqmov oeluf-eu Sanqpaq-anr jaceuq-awq.’ Mq-euq khoertav nuisar of-eu jeq jav luf-ur. Gor duidui-eu gar yawshaef khanqsaer jav luf-ur.” (Jc 118:26)

Jaceuq 47:6

Car-awr Miqyaer-anr jaceuq-awq, car-awr jaceuq-awq! Car-awr aqdui-euq Sanqpaq-anr jaceuq-awq, car-awr jaceuq-awq!

Panmaeq 19:6

Khoeruqtaf, ngar, tsawrhaq armaf mafma-euq tersar lof-aer dur-awr, lawrgawv gawvma-euq tersar hawr-eu mqjeq yawkhav-aer jeq-eu tersar lof-aer khawf dur-eu tersar heulof-aer aer-eu gar yagaq-euq ma, “Haleluya! Baoq huiq duidui-eu Sanqpaq Miqyaer uvlanrluf mae.

Piˇliˇpiˆ 3:3

Aqdui-aq, aqdir aqmar bawkhov maeqdzaq yaeq-awr, muiq-eu Saflar-euq lafkhoer Miqyaer-anr uqduq tanq-eu tsawrhaq ma. Shiqshaq-euq lafkhoer yawduq baw-eu maqngeur, Yeqsur Kali-euq lafkhoer laqkhaq caer-eu tsawrhaq ma.

Yoˇhaˬ 19:15

Aqyawfmaf gur-eu, “Aqyawf-anr lavsaef byov-awq, aqyawf-anr lavsaef byov-awq! Aqyawf-anr lafyaq-euq khoertav tafsaef-awq!” Pirlav, aqyawf maf-anr narhaq-eu, “Ngaq nae nawmaf-euq Sanqpaq-anr bi tafsaef le lor?” Pirma aqyuif deuq aerkhof naeq-eu, “Sanqpaq Gaersaq maqngeur nar-aq, nga’maf sanqpaq nuighaq maqjawr!”

Luˇkaꞈ 19:27

Khoeruqtaf, ngaq-anr muir-awr, ngaq-anr aqyawf maf-euq khoertav maqbi uvlanr mawf-eu deuq-anr sheuqlaf-awr ngaq-euq maeqshi saef-awq.’ ”

Maꞈtehˬ 25:34

Khoernar-aq, Sanqpaq, armar paw jawr-eu deuq-anr heulof-aer aernaeq taef-a: ‘NgaqDa-euq guiqlanq za-euq tsawrhaq deuq-or! Lar-awq. Mqbae mirbae bae ngae nae, nawmaf-anr of-eu jeqbir pyeuf-eu mirkhanq-anr jawrlar-awq.

Maꞈtehˬ 21:5

“Ziroq-euq zaqmiq-anr heulof-aer aernaeq-awq, ‘Hawsher-eq, nawq-euq Sanqpaq nuima nanqyuni, manq tanqlav-anr dziq-awr oeluf ngar-a, Manq tanqlavzaq-anr dziq-awr, nawr jawr-eu gar oeluf-eu mae.’ ” (Isy 62:11; Zkl 9:9)