Jaceuq 148:14 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Aqyawf, aqyawf-euq tsawrhaq deuq-euq, ghaq-euq uqcoer ciqgor-eu mae; Aqyawf-euq tsawrshawr dawqtawvluf—aqyawf-euq dawqpae jawr-eu tsawrhaq, Irsaqleqlav tsawrhaq khawf, aqyawf-anr jaceuq luf-ur. Haleluya!

Akha

¹⁴ Aˬ yawꞈ-euˬ tsawˇ jeuˬ-ahˇ aˬ yawꞈ gʼaˬ bi kʼaˆ laˇ-euˬ meh. Kʼoeˇ miˇ neh aˬ yawꞈ-euˬ tsawˇ haˬ deuˬ aˬ yawꞈ-ahˇ ja ceuˬ-awˬ. Aˬ yawꞈ-ahˇ peh-eu Iˇsaˬleˬlaˆ tsawˇ haˬ deuˬ aˬ yawꞈ-ahˇ ja ceuˬ-awˬ. Sahˬpaˬ Miˬyehˇ-ahˇ ja ceuˬ-awˬ.

Jaceuq 148:14 Referans Kwoze

Jaceuq 75:10

“Ngar, tsawrcawv deuq-euq uqcoer dawqtawv luf-anr ngawqkhaefdzae ma. Aerkhawf, tsaq-awr dawr-eu tsawrhaq deuq-euq uqcoer-aq, yabi ciqgor taef-a.”

Eˇpeˇsu 2:17

Kali oe-awr, garmanr kaq-eu gar jawr-eu nawmaf-anr hawr-eu dawqpae jawr-eu deuq-anr khawf, tsaqler dzoerler-eu jeq dawqmaeq maeqle-euq mae.

1 Beˬtuˆluˆ 2:9

Aerkhawf, nawmaf-aq, Miqyaer nae tserdov taq-euq heuzir-euq tsawrhaq pyeuf-awr, sanqpaq hawr-eu pirma pyeuf-eu uqtaf, shawr-eu tsawrjeuq tsawrca pyeuf-awr, aqdir Miqyaer-euq tsawrhaq pyeuf-eu mae. Khoer-aq, Miqyaer nae mr-euq jaceuq paq-aer ghae-eu garkawv, dawqdzawr bimr-eu laer nawmaf-anr yawzanr-euq lafkhoer nae kurdov-awr, zanqler paq-aer ghae-eu yawshaef-euq lafkhoer sheuqur naeqlaf-euq mae. (Isy 43:20-21; Di 19:6)

Jaceuq 112:9

Aqyawf, ghawqmya’ni saeq-awr, irshaqzaq-anr bifkhawq naeq-euq mae. Aqyawf-euq uqcoer yabi ciqpoeq ciqgor-awr yabi taqhuiq taqmanr taef-a. Aqyawf-euq tsaq-awr dawr-eu jeq li-eu maqbawni zif taef-a.

Eˇpeˇsu 2:13

Dzeurlaf ngae, nawmaf garmanr kaq-eu gar jawr-euq khawf, nymq-mr-aq, Yeqsur Kali-euq lafkhoer, Kali-euq shiq-anr ghoe-awr nae dawqpae sheuqpae laf-euq mae.

Jaceuq 149:9

Aqyawf maf-anr boftaq-euq yarkhaq dar-eu jeq bi pyeuflar-eu gharduq; Heu-aq, aqyawf-euq tsawrshawr dawqtawv luf-anr taqhuiq-eu jeq pyeuf-eu mae. Haleluya!

Eˇpeˇsu 2:19

Khoermirnae, nawmaf-aq, yawqkhanq yawqmir yawq-euq tsawrhaq hawr-eu, maqsiq maqsux-eu tsawrhaq maqpar ngeur mae. Tsawrshawr deuq naeq-aer mirkhanq tiq khanq-euq tsawrhaq hawr-eu, Miqyaer-euq nymrkhanq-euq zaq pyeuflar-euq mae.

Luˇkaꞈ 2:32

Kakhof-eu jeq heu-aq, aqcawq tsawrjeuq tsawrca-anr bya’naeq-eu yawshaef pyeuf-awr, Nawq-euq tsawrjeuq tsawrca Irsaqleqlav tsawrhaq-euq yawshaef khanqsaer mae.”

Luˇkaꞈ 1:52

Aqyawf, baoq jav-eu deuq-anr nuirmanq-anr nae bi oeka-awr, Teq-awr nyir-eu deuq-anr bidav ler-euq mae.

Jaceuq 145:10

Ya’we Miqyaer-or! Nawq-euq lafzar nawq-anr jaceuq-awr; Nawq-euq tsawrshawr khawf, nawq-euq guiqlanq-anr jaceuq taef-a.

Jaceuq 92:10

Aerkhawf, nawr, naefnyoq-euq uqcoer lof-aer, Ngaq-euq uqcoer-anr ciqgor naeqlaf-awr; Ngaq-anr tsir yawshuif nae tsaqtsov naeqlaf-euq mae.

Jaceuq 89:17

Aqjeq mirnae aernar-aq, nawr-aq, aqyawf maf-euq ghaq-euq yawshaef khanqsaer pyeuf-awr; Nawr, ghoer mr-eu lafkhoer, Nga’maf-euq uqcoer ciqgor naeqlaf-euq mae.

Jaceuq 89:18

Aqjeq mirnae aernar-aq, Ya’we Miqyaer-aq, aqdui-euq daeqdaqduq pyeuf-awr, Irsaqleqlav-euq Yawshawr ghaq-aq, aqdui-euq sanqpaq mae.