Jaceuq 148:13 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Aqyawfmaf, Ya’we Miqyaer-euq tsawrmyanr-anr jaceuq luf-ur. Aqyawf-euq yawshaef khanqsaer-aq, Mq hawr-eu mir navmaqtser gordzaeq-eu mirnae, Aqyawf-euq tsawrmyanr-anr taef-aer ciqpoeq ciqgor-eu tsaq mae.

Akha

¹³ Aˬ yawꞈ maꞈ dawˬ tawˆ luꞈ Sahˬpaˬ Miˬyehˇ-ahˇ ja ceuˬ luꞈ-uˇ. Tsawˇ myahˇ dawˬ tawˆ luꞈ kʼoeˇ taˆ aˬ yawꞈ-euˬ tsawˇ myahˇ huiˬ dzehˬ-awˇ, mˬ hawˇ-eu miˇ tsaˬ naˆ maˬ tseˇ, aˬ yawꞈ-euˬ yaw shehꞈ kʼahˬ sehˇ goˇ dzehˬ-eu meh.

Jaceuq 148:13 Referans Kwoze

Jaceuq 113:4

Ya’we Miqyaer-aq, tsawrjeuq dawqtawv luf-euq khoertav gordzaeq-awr; Aqyawf-euq yawshaef khanqsaer-aq, Mq navmaqtser gor-eu mae.

Jaceuq 8:1

Nga’maf-euq Sanqpaq Miqyaer pyeuf-eu Ya’we Miqyaer-or. Mirtsaq dawqtawv luf-euq khoertav, nawq-euq tsawrmyanr arnavni huiq-awr muiq-eu nga! Nawq-euq yawshaef khanqsaer-aq, mq taf-aer gordzaeq-eu gar-anr keuvni ciqgor taq-euq mae.

Jaceuq 8:9

Nga’maf-euq Sanqpaq Miqyaer pyeuf-eu Ya’we Miqyaer-or! Mirtsaq dawqtawv luf-euq khoertav, nawq-euq tsawrmyanr arnavni huiq-awr muiq-eu nga.

1 Beˬtuˆluˆ 3:22

Yeqsur mq-euq khoertav ghofdav ler-awr, Miqyaer-euq armar paw nuirluf-eu mae. Mqtav ghaqkhaer deuq, aryaq jav-eu deuq, baoq huiq-eu deuq, dawqtawvluf, aqyawf-euq lafov jawrluf-eu mae.

Piˇliˇpiˆ 3:8

Aqdir aernar-aq, ngar, ngaq-euq Sanqpaq Yeqsur Kali-anr yawmuiq-aer siqnya-eu tsawrganr baqda’nae, khoerdeuq-anr smq-eu jeq laer sawxtaq-euq ma. Ngar, Kali-anr za’ni, aqyawf-euq gharduq yawqjeq navluf smq-euq gar yadaq-awr, khoerdeuq dawqtawv luf-anr javguv javmeuq lof-aer sawxtaq-euq ma.

Eˇpeˇsu 4:10

Irka-euq khoerghaq, yawqjeq navluf-euq lafkhoer jawrbyan-eu gharduq, mq ledzeur-eu gar keuvni ghofdav ler-euq khoerghaq mae.

Jaceuq 108:4

Aqjeq mirnae aernar-aq, Nawq-euq ghawqshaq gaq-eu jeq-aq, mq taf-aer huiqdzaeq-awr; Nawq-euq yawtsaq yawdawr-aq, mqdmr-anr tuvler-eu mae.

Jaceuq 72:19

Yawshaef khanqsaer huiq-eu aqyawf-euq tsawrmyanr-anr, Mqmaq maqbyav yarzir jaceuq-awq! Aqyawf-euq yawshaef khanqsaer mirtsaq tanqkhawr dawqtawv luf-euq khoertav byan luf-ur. Aqmeq. Aqmeq.

Jaceuq 99:9

Aqdui-euq Miqyaer pyeuf-eu Ya’we Miqyaer-anr ciqpoeq ciqgor-awq. Aqyawf-anr aqyawf-euq shawr-eu gawqjawq-anr uqduq tanqler-awq. Aqjeq mirnae aernar-aq, aqdui-euq Miqyaer pyeuf-eu, Ya’we Miqyaer-aq yawshawr mae.

Maꞈtehˬ 6:13

Iqbax murjur jur-eu maeqnan nga’maf-anr taqbi ir laf. Yawdoer jeq-anr nae nga’maf-anr bidzeur-ir laf. Uvlanr-eu jeq, baoq hawr-eu yawshaef khanqsaer dawqtawvluf, mqmaq maqbyav yarzir nawq-euq mae. Aqmeq.

Jaceuq 57:6

Aqyawfmaf, ngaq-euq aqkuir-anr bawghaf khmrtaq-euq mae; Ngaq-euq nuima saflar awbyav-awr; Aqyawfmaf, ngaq-euq garma-anr shaqduq duqtaq-euq mae; Aerkhawf, aqyawfmaf, yawqha nae duq-euq gar yawqha ga’anr-euq mae. Sela.

Jaceuq 8:2

Nawq-anr muir-eu deuq-euq baqda’nae, Nawr, zaqnanq hawr-eu aqcoer dawrzaq-euq khaqmae-anr ghoe-awr nawq-euq baoq bi dovlar-euq mae. Khoer-aq, muir-eu tsawrhaq hawr-eu lafpov povkhof-eu tsawrhaq-anr lavnaq-eu gharduq mae.

Jaceuq 150:6

Saf ghawr-eu yawqjeq navluf, Ya’we Miqyaer-anr jaceuq-awq! Haleluya!