Jaceuq 146:9 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Ya’we Miqyaer, boermiq siqkhaq deuq-anr hawpir naeq-awr, Murcoeq aqnmr hawr-eu miqcoeq miqma deuq-anr ngaeqghae naeq-eu mae. Aerkhawf, aqyawf, tsawrcawv-euq garma-anr nanrpov-aer lavpov naeq-eu mae.

Akha

⁹ Aˬ dui-euˬ miˇ kʼahˬ laꞈ kʼoeˇ jawˇ-eu boeˇ miˬ siˬ kʼaˬ deuˬ-ahˇ aˬ yawꞈ haw piˇ nehˬ-awˇ, muˇ coe aˬ nmˇ hawˇ-eu miˬ coeˬ miˬ ma deuˬ-ahˇ caw ba nehˬ-euˬ meh. Ehˇ kʼawꞈ, haiˬ-eu tsawˇ haˬ deuˬ-euˬ nui kʼahˇ-ahˇ aˬ yawꞈ laˆ cawˆ nehˬ-euˬ meh.

Jaceuq 146:9 Referans Kwoze

Jaceuq 68:5

Aqyawf-euq shawr-eu jawrduq-anr jawr-eu Miqyaer-aq, Aqda maqbaw-eu murcoeq aqnmr deuq-anr aqda pyeufnaeq-awr, Miqcoeq miqma deuq-anr hawpir naeq-eu ghaq pyeuf-eu mae.

Jaceuq 147:6

Ya’we Miqyaer-aq, nuinanq nuiyu anr-eu deuq-anr ciqgor naeq-awr; Tsawrcawv deuq-anr mirtsa biqkaghae naeq-eu mae.

Dawqdaq 15:25

Ya’we Miqyaer, nuima huiq-eu tsawrhaq-euq nymr pyavdzae-eu mae. Aerkhawf, miqcoeq miqma-euq mirkaq lavbaw naeq-eu mae.

Yaˬkoˆ 1:27

Murcoeq aqnmr hawr-eu miqcoeq miqma deuq shaq-eu gar cawba-eu uqtaf, mirtsaq-euq yawjawf, yawqha-anr maqbi jawflarni yanr-eu-aq, aqdui-euq Aqda Miqyaer-euq maeqshi, shawrjaevni ghae-awr maq lavjawf-euq uqduq tanq-eu zanr mae.

Dawqdaq 4:19

Tsawrcawv-euq garma-aq, yawzanr-anr dur-awr, Aqyawfmaf aqjeq-anr paevtov-euq nya laer khawf maq siqnya-a.

Jaceuq 145:20

Ya’we Miqyaer, aqyawf-anr khargaq-eu tsawrhaq-anr hawpir-eu mae; Aerkhawf, tsawrcawv dawqtawv luf-anr aqyawf lavcawv taef-a.

1 Gawˇliˬtu 3:19

Aqjeq mirnae aernar-aq, mirtsaq-euq zaqsiq tsawrganr-aq, Miqyaer-euq maeqshi yawdzawq yawgan mae. Yaerbof aer-eu, “Miqyaer, tsawrganr anr-eu tsawrhaq-anr yawqha-euq tsawrganr lanrju-anr yawqha bi pafler-eu mae.” (Yb 5:13)

Jaceuq 18:26

Nuima shawr-eu tsawrhaq-anr, nawq-euq nuima shawr-eu gar bimawr-awr; Nuighof baw-eu tsawrhaq-anr, nawq-euq yawghof jeq bimawr-eu mae.

Jaceuq 10:14

Aerkhawf, nawr, gardzaq garkawv jav-awr ghawqshaq-aer ghaeluf-eu gar hawmawr-awr, Sharnoeq sharsawx-eu lafkhoer, nawq-euq aqlaf nae janrkhof naeq-eu mae. Yawhar yawqha maq cawba nya-eu tsawrhaq, nawq-anr ghoe-eu mae. Nawr-aq, aqda maqbaw-eu tsawrhaq-anr cawba-eu ghaq mae.