Jaceuq 145:8 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Ya’we Miqyaer-aq, guiqlanq yawdzanr byan-awr, ghoernya gaqnya duidui-eu uqtaf, Nuima yawkawr-aer maqpaerni, ghawqshaq yawkhav-aer gaqnya-eu mae.

Akha

⁸ Sahˬpaˬ Miˬyehˇ-aˬ, gʼoeˇ-eu gaˬ-eu jeˬ byah-awˇ, gʼawˬ shaˬ gaˬ nya-eu uˬ taꞈ, yaw awˇ laꞈ-ehˇ nui ma maˬ pehˇ-ehˇ, gʼoeˇ-eu gaˬ-eu jeˬ maˬ tsehˆ leˇ-a.

Jaceuq 145:8 Referans Kwoze

Jaceuq 103:8

Ya’we Miqyaer-aq, ghawqshaq gaqnya-awr guiqlanq yawdzanr byan-eu mae. Nuima paer-eu maqkawr-aer, ghawqshaq gaq-eu jeq tiqbyanni anr-eu mae.

Jaceuq 86:5

Aqjeq mirnae aernar-aq, Sanqpaq Miqyaer-or, Nawr-aq, yawmuiq mae. Nawq-anr kur-eu tsawrhaq dawqtawv luf-anr, Ghawqshaq gaq-eu jeq byan-awr, aqmyanluf iqbax pyaeq-eu mae.

Jaceuq 116:5

Ya’we Miqyaer-aq, guiqlanq yawdzanr byan-awr, tsaq-awr dawr-eu mae. Aqdui-euq Miqyaer-aq, ghawqshaq gaqnya-eu mae.

Jaceuq 100:5

Ya’we Miqyaer-aq, yawmuiq mae. Aqyawf-euq ghawqshaq gaq-eu jeq, mqmaq maqbyav yarzir gmq-awr; Aqyawf-euq yawtsaq yawdawr-aq, li-eu maqbawni tiqzir sair tiqzir zif-eu mae.

Jaceuq 86:15

Aerkhawf, Sanqpaq Miqyaer-or, Nawr-aq, ghoer-awr gaq-eu jeq hawr-eu guiqlanq yawdzanr byan-awr, Nuinoeq ghawqmanrni noeqnya-eu uqtaf; Yawtsaq yawdawr hawr-eu, Ghawqshaq gaq-eu jeq byan-eu Miqyaer mae.

Eˇpeˇsu 2:4

Aerkhawf, ghawqshaq gaq-eu jeq sanr-eu Miqyaer-aq, aqyawf-euq huiq duidui-eu gaq-eu jeq nae aqdui-anr gaqnaeq laf-awr,

Eˇpeˇsu 1:8

Miqyaer, guiqlanq yawdzanr khoer-anr ghoe-awr, aqdui-anr ghovshaw nya-eu jeq hawr-eu zaqsiq tsawrganr tiqbyan tiqlof bifnaeq laf-euq mae.

Eˇpeˇsu 1:6

Aqdui, aqyawf-euq guiqlanq yawdzanr-euq yawshaef khanqsaer-anr bi jaceuq-eu laer Miqyaer, aqyawf zawr gaq-eu ghaq-anr ghoe-awr, aqdui-anr hageuf naeqlaf-euq mae.