Jaceuq 143:7 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Ya’we Miqyaer-or! Ngaq-anr yawkawr-aer dawq ngaeqkhof naeqlaf-awq; Ngaq-euq saflar, ghaq jirshaw-iq mir-a! Nawq-euq myavpyawq, ngaq-anr nae taq ciqzaf naeqlaf, Maqngeur nar-aq, ngar duqkhanq-anr ir-eu deuq-anr durlar-eu baw-mr.

Akha

⁷ Sahˬpaˬ Miˬyehˇ-oˇ, ngaˬ-euˬ shaˇ dawˬ naˇ haˬ nehˬ laꞈ. Noeˬ tmˬ kʼaˇ maˬ za miˇ-a. Shiˇ-eu miˇ kʼahˬ-ahˇ iˇ dzeuˇ-euˬ tsawˇ haˬ deuˬ jawˇ gaˇ, ngaˇ ya iˇ-eu keuˆ laˇ taˬ-euˬ miˇ neh, nawˬ-euˬ myaˆ pyawˬ taˬ ciˬ zaꞈ nehˬ laꞈ.

Jaceuq 143:7 Referans Kwoze

Jaceuq 69:17

Nawq-euq kuirlaf zaqkhav-anr nae, nawq-euq myavpyawq taq ciqzaf naeqlaf. Ngaq-anr gardzaq garkawv keuvle taq-euq mirnae, Ngaq-anr yawkawr-aer narhaq naeqlaf-awq.

Jaceuq 28:1

Ngaq-euq logur pyeuf-eu Ya’we Miqyaer-or! Ngar, nawq-anr kurluf-eu ma. Ciqcurni taq jawrbyov naeqlaf. Nawr ciqcurni jawrbyov naeqlaf nar-aq, Ngar khawf, duqkhanq-anr irluf-eu tsawrhaq-anr ya durlar-eu baw-mr.

Jaceuq 27:9

Ngaq-anr bibuq-ir-eu Miqyaer-or! Ngaq-anr byaerdzae-awr, ngar taef-aer taqbi jawr naeqlaf. Nawr, ngaq-anr cawba-eu ghaq pyeufyaf-euq mae. Nawq-euq myavpyawq, ngaq-anr nae taq ciqzaf naeqlaf. Nuima paer-awr nawq-euq kuirlaf zaqkhav-anr taq taedzae naeqlaf.

Jaceuq 71:12

Miqyaer-or! Ngaq-anr nae ghawqmanr-aer taq jawrkaq naeqlaf. Ngaq-euq Miqyaer-or! Ngaq-anr yawkawr-aer cawba le-awq.

Jaceuq 102:2

Ngaq-anr gardzaq garkawv keuvle taq-euq arnan-anr, Ngaq-anr nae nawq-euq myavpyawq taq ciqzaf naeqlaf. Ngar, nawq-anr kur-eu arnan-anr, Nawq-euq naqbawr, ngaq-anr ciqkhmr naeqlaf-awr, Ngaq-anr yawkawr-aer oq toqnaeq laf-awq.

Jaceuq 69:3

Ngar gurgur-aer ngoer-euq mirnae ghaq baq-ir-awr, Ngaq-euq kuqbyanq guicorni ghae-ir taq-euq mir-a. Ngaq-euq myavnuiv, ngaq-euq Miqyaer-anr dawq-eu gar ghaq baq-ir-euq mir-a.

Luˇkaꞈ 21:26

Mirtsaq-euq khoertav keuvle teurle-eu laer ghae-eu garkawv deuq-anr tsawrhaqzaq sharnoeq ngae, guv-ir-awr surlar bar-ir taef-a. Aqjeq mirnae aernar-aq, mqtav-euq baoqdeuq nyaenyae-aer ghaelarjir taef-a.

Jaceuq 70:5

Ngar irshaq shaq-awr shaqzaq zanqzaq pyeuf-eu khawf, Miqyaer-or! Ngar jawr-eu gar yawkawr-aer oe-awq. Ya’we Miqyaer-or! Taq nyinaq naeqlaf, Nawr-aq, ngaq-anr cawba-eu ghaq hawr-eu ngaq-anr bibuq-ir-eu ghaq mae.

Jaceuq 40:17

Ngar irshaq shaq-awr shaqzaq zanqzaq pyeuf-eu khawf, Sanqpaq Miqyaer, ngaq-euq garkawv sharnoeq naeqlaf-eu mae. Ngaq-euq Miqyaer-or, taq nyinaq naeqlaf. Nawr-aq, ngaq-anr cawba-awr bibuq-ir-eu ghaq mae.

Jaceuq 22:24

Aqjeq mirnae aernar-aq, aqyawf, shaqzanq-anr ya daqluf-eu tsawrhaq-anr maq hawdoer-aer nuidav maqdav-eu uqtaf; Aqyawf-anr nae, aqyawf-euq myavpyawq maq ciqzaf-a. Aerkhawf, aqyawf, aqyawf-anr kur ngae, aqyawf narhaq-eu mae.

Jaceuq 84:2

Ya’we Miqyaer-euq nymr-euq povka jawrler mawfsaef-awr, Ngaq-euq nuima saflar ngeurdzaeq myafler paq-aer ghae nya. Ngaq-euq nuima hawr-eu shiqshaq, Daefluf-eu Miqyaer-anr kurluf-eu ma.

Jaceuq 69:18

Ngaq-euq nuima saflar-euq dawqpae oe-awr nae kakhof naeqlaf-awq. Ngaq-anr muir-eu deuq-anr nae bibuq-ir naeqlaf-awq.

Dawqdaq 13:12

Noeqtmq-eu jeq bi gheunaq ngae, nuima-anr narlar-eu mae. Aerkhawf, geufmawf-eu jeq za-eu-aq, Daef-eu jeq bif-eu arbawr pyeuf-eu mae.