Jaceuq 143:10 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Ngar, nawq-euq nuima tsaq-eu jeq mrnya’ni maeqnaeq laf-awq, Aqjeq mirnae aernar-aq, nawr-aq, ngaq-euq Miqyaer ma. Nawq-euq Saflar-aq yawmuiq mae. Ngaq-anr dawrcoeni ghae-eu deuq-euq mirtsaq-anr sheuqghae naeqlaf-eu mae.

Akha

¹⁰ Nawˇ ngaˬ-euˬ Miˬyehˇ ma. Nawˬ-euˬ nui kʼahˇ mˇ nya ni ngaˬ-ahˇ mehˬ nehˬ laꞈ. Nawˬ-euˬ muiˬ-eu jaˬ-eu jeˬ baˬ da neh, nui saˇ oꞈ-eu gaˇ ma-ahˇ sheuˬ gʼeh nehˬ laꞈ.

Jaceuq 143:10 Referans Kwoze

Yoˇhaˬ 14:26

Ngaq-euq tsawrmyanr-euq uqmov nae, Aqda, Cawba-eu ghaq pyeuf-eu Yawshawr Saflar-anr bi’oe ngae, aqyawf, nawmaf-anr yawqjeq navluf maeqnaeq laf-awr, ngaq nae nawmaf-anr aernaeq taqyaf-euq dawq khoer dawqtawvluf, aqyawf, nawmaf-anr bi noeqdovlar taef-a.

HeˬByehˇ 13:21

nawmaf, aqyawf nuima tsaq-eu lof-aer mrnya’ni, aqyawf, nawmaf-euq lafkhoer yawmuiq yawqjeq navluf bi byanlar luf-eu mae. Yeqsur Kali-anr ghoe-awr, aqyawf-euq maeqshi aqyawf nuikhanr shir-eu jeq, aqdui-euq lafkhoer mrnaeqlaf luf-ur. Arsaq saq-eu maqbawni yawshaef khanqsaer dawqtawvluf Kali-anr a’naeq kar-eur. Aqmeq.

Jaceuq 23:3

Aqyawf, ngaq-euq nuima saflar lavshuif naeqlaf-awr; Aqyawf-euq tsawrmyanr-euq gharduq, Aqyawf, ngaq-anr tsaq-awr dawr-eu garma-anr sheuqghae naeqlaf-eu mae.

Jaceuq 119:12

Ya’we Miqyaer-or! Ngar, nawq-anr jaceuq ma. Ngaq-anr nawq-euq zanrtaq khoftaq maeqnaeq laf-awq.

1 Yoˇhaˬ 2:27

Nawmaf, Kali nae tsaqtsov-euq jeq za-awr, tsaqtsov-euq jeq khoer aqmyanluf nawmaf-euq lafkhoer javluf-eu mirnae, tsawrhaqzaq tiqghaq-iq nawmaf-anr maeqnaeq tsovnaeq-eu laer maqya ghae-ar. Aqjeq mirnae aernar-aq, tsaqtsov-euq jeq khoer, nawmaf-anr taf-eu yawqjeq navluf maeqnaeq tsovnaeqlaf taef-a. Tsaqtsov-euq jeq khoer-aq, jaqmyawf maqngeur-a, tsaq-awr dawr-eu mae. Khoermirnae, tsaqtsov-euq jeq nawmaf-anr maeqnaeq tsovnaeq laf-eu lof-aer aqyawf-euq lafkhoer jawr-awq.

2 Tiˆmoˇseˬ 1:7

Aqjeq mirnae aernar-aq, Miqyaer, aqdui-anr guv-eu nuima saflar bifnaeq laf-euq maqngeur-a. Aerkhawf, baoq anr-eu, gaq-eu hawr-eu yawqha-euq nuima-anr ghaqler-eu nuima saflar bifnaeq laf-euq mae.

Lormav 15:13

Yawshawr Saflar-euq baoq baqda’nae nawmaf noeqtmq-eu jeq myaqlarni, nawmaf jan-eu lafkhoer, noeqtmq-eu jeq bif-eu Miqyaer, nawmaf-anr laqkhaq caer-eu jeq hawr-eu nuisar of-eu jeq bi byanlar luf-ur.

Jaceuq 140:6

Ngar, Ya’we Miqyaer-anr heulof-aer aernaeq ma: “Ya’we Miqyaer-or! Nawr-aq, ngaq-euq Miqyaer ma. Ngar tanqshar-eu tersar-anr narhaq naeqlaf.

Jaceuq 31:14

Aerkhawf, Ya’we Miqyaer-or! Ngar lawnmr-aq, nawq-anr ghoe ma. “Nawr-aq, ngaq-euq Miqyaer ma” laer ngar aer ma.

Lormav 8:26

Khoerlof-aer durni, aqdui ghaq baq ngae, muiq-eu Saflar cawba naeqlaf-eu mae. Aqdui guiqlanq aqjox-aer shar-eu tsaq-eu la laer maq siqnya-eu khawf, muiq-eu Saflar, dawq maq ngaeqdovlaf nya-eu jeq manrmanr-aer aqdui-euq gharduq guiqlanq shardan-eu mae.

Lormav 8:2

Aqjeq mirnae aernar-aq, muiq-eu Saflar-euq zanr-aq, ngaq-anr Yeqsur Kali-euq lafkhoer daef-eu jeq bif-awr, iqbax hawr-eu shir-eu jeq-euq zanr-anr nae bibuq-ir naeqlaf-euq mae.

Lormav 5:5

Noeqtmq-eu baqda’nae nuima yacawv-eu maqngeur-a. Aqjeq mirnae aernar-aq, aqdui-anr bifnaeq laf-euq Yawshawr Saflar, aqdui-euq nuima-euq lafkhoer, Miqyaer-euq gaq-eu jeq shaevanr naeqlaf-euq mae.

Jaceuq 119:35

Ngar, nawq-euq zanrdawq khofdawq-euq lafkhoer daefcaw nya’ni cawba naeqlaf-awq. Aqjeq mirnae aernar-aq, ngar, nawq-euq zanrdawq khofdawq-anr laqkhaq caer-eu ma.

Eˇpeˇsu 4:30

Miqyaer-euq Yawshawr Saflar nuima cawv paq-aer taqmr. Miqyaer, Yawshawr Saflar-anr ghoe-awr nawmaf-anr kakhof naeqlaf-eu arnan-euq gharduq, jmq diqtaq-euq mae.

Jaceuq 25:12

Ya’we Miqyaer-anr guv-eu tsawrhaq aqsur ghaq la? Aqyawf tsergeuf paq-aer ghae-eu garma, Miqyaer maeqnaeq taef-a.

Eˇpeˇsu 5:9

(Aqjeq mirnae aernar-aq, muiq-eu Saflar-euq arsiq-aq, tsaq-awr dawr-eu jeq, yawtsaq yawdawr jeq hawr-eu yawmuiq jeq dawqtawv luf-euq lafkhoer anr-eu mae).

Jaceuq 139:24

Khoernar-aq, ngaq-euq lafkhoer yawcawv-euq garma anr-eu nga laq laer haw-awr, Ngaq-anr mqmaq maqbyav yarzir-euq garma-anr sheuqghae naeqlaf-awq.

Jaceuq 63:1

Miqyaer-or! Nawr-aq, ngaq-euq Miqyaer ma; Uqshawq yawnaf-aer ngar, nawq-anr pov-eu ma; Ngaq-euq nuima saflar, ircuf maef-eu lof-aer nawq-anr maef mir-a; Ircuf maqjav-aer guicorni ghae-ir taq-euq mirtsaq tiq tsanr ircuf maef-eu lof-aer, Ngaq-euq shiqshaq, nawq-anr za’mawf mir-a.

Lormav 15:30

Aqyuif aqnyir deuq-or! Aqdui-euq Sanqpaq Yeqsur Kali-euq baqda’nae hawr-eu, muiq-eu Saflar-euq gaq-eu jeq-euq baqda’nae, ngar, nawmaf-anr heulof-aer shar-eu ma. Ngaq-euq gharduq ngaq naeq-aer Miqyaer-anr guiqlanq cawshar naeqlaf-awq.

Jaceuq 118:28

Nawr-aq, ngaq-euq Miqyaer mae. Ngar, nawq-anr jaceuq ma. Nawr-aq, ngaq-euq Miqyaer mae. Ngar, nawq-anr ciqpoeq ciqgor ma.

Jaceuq 22:1

Ngaq-euq Miqyaer-or! Ngaq-euq Miqyaer-or! Aqjeq mirnae nawr, ngaq-anr byaerdzae naeqlaf-eu le? Aqjeq ghae-eu ngaq-anr maq cawba naeqlaf-aer, ngar manrluf-eu dawq-anr nae garmanr kaq-eu gar jawr-eu le?

Maꞈtehˬ 28:20

Ngaq nae nawmaf-anr biftaq-euq dawq yawqdawq navluf-anr aqyawfmaf narhaq geufni maeqnaeq tsovnaeq-awq. Mirtsaq heu arsaqsaq ngae keuvni, ngar, nawmaf naeq-aer aqmyanluf jawr ma.” Aqmeq.

Jaceuq 27:11

Ya’we Miqyaer-or! Ngaq-anr nawq-euq garma maeqnaeq laf-awq. Ngaq-anr muir-eu deuq jawr-eu mirnae, Ngaq-anr cankawv yawdi paw sheuqghae naeqlaf-awq.