Jaceuq 142:5 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Ya’we Miqyaer-or! Ngar, nawq-anr gurgaq-eu ma. Ngar heulof-aer aer ma: “Nawr-aq, ngaq-euq caevzafduq pyeuf-awr, Yawdaefzaq jawr-eu mirtsaq-euq khoertav, ngaq-euq shaqbymr ma.

Akha

⁵ Sahˬpaˬ Miˬyehˇ-oˇ, caw ba nehˬ laꞈ lehˇ nawˬ-ahˇ ngaˇ guˇ-eu ma. Nawˇ-aˬ, ngaˬ-euˬ gʼoe duˬ ma. Ngaˬ-euˬ tiˬ ziˇ loˬ dui dui-eu jeˬ-aˬ, nawˇ ma.

Jaceuq 142:5 Referans Kwoze

Jaceuq 16:5

Ya’we Miqyaer-or, nawr-aq, ngaq-euq jeqbir-euq shaqbymr hawr-eu ngaq-euq khmqmaq ma. Nawr, ngaq-anr of-eu shaqbymr hawsav naeqlaf-euq mae.

Jaceuq 119:57

Ya’we Miqyaer-or! Nawr-aq, ngaq-euq shaqbymr ma. Ngar, nawq-euq dawq-anr mrcaw ma laer ngar sarjax dzaq ma.

2 Tiˆmoˇseˬ 4:17

Tsawrhaq dawqtawvluf, ngaq-anr byaerdzae naeqlaf-euq khawf, ngar guiqlanqdawq tiqbyanni maeqnaeq-awr, aqcawq tsawrjeuq tsawrca dawqtawvluf yagaqni, Sanqpaq Yeqsur, ngaq naeq-aer jawr-awr, ghaq bifnaeqlaf luf-eu mae. Khoermirnae, ngar, arlaqjaqshir-euq khaqmae-anr nae yabuq-ir-euq ma.

Jaceuq 91:2

Ngar, Ya’we Miqyaer-euq garkawv heulof-aer aer ma, “Aqyawf-aq, ngaq-euq caevzafduq, ngaq-euq lanrlof hawr-eu, Ngaq-euq Miqyaer mae. Ngar, aqyawf-anr ghoe ma.”

Jaceuq 46:1

Miqyaer-aq, aqdui-euq caevzafduq hawr-eu aqdui-euq ghaq pyeuf-awr, Gardzaq garkawv khar keuvle ngae, cawba naeqlaf-eu ghaq mae.

Jaceuq 27:13

Yawdaefzaq-euq mirkhanq-euq lafkhoer, Ngar, Ya’we Miqyaer-euq yawmuiq jeq ya’mawr taef-a laer jan-euq maqngeur lawnmr-aq, Ngar nuima nuighaq baq-ir shaw-euq law mir-a.

Yoˇhaˬ 16:32

Nawmaf caevbyav jir-awr, yawqha-euq jawrduq-anr caevghof jir-awr, ngaq-anr taef-aer byaerdzae yaf-eu aryamq keuvle luf-eu mae. Nymq-mr nae keuvle-euq mae. Aerkhawf, ngar-aq, ngar tiq ghaq taef-aer jawr-eu maqngeur, Aqda, ngaq naeq-aer jawrluf-eu mae.

Jaceuq 73:26

Ngaq-euq nuima hawr-eu ngaq-euq shiqshaq ghaq baq-ir khawf; Miqyaer-aq, ngaq-euq nuima gharduq ghaq pyeuf-awr, Mqmaq maqbyav yarzir ngaq-euq shaqbymr ma.

Jaceuq 56:13

Aqjeq mirnae aernar-aq, nawr, ngaq-euq nuima saflar, shir-eu jeq-anr nae bibuq-ir naeqlaf-euq mae. Ngar, yawdaef-aer yawshaef-euq lafkhoer, Miqyaer-euq maeqshi yacanni; Nawr, ngaq-euq aqkuir maqbi coq-ir ni hawpir naeqlaf-euq maqngeur laq?

Jaceuq 46:11

Guirmaf-euq Ya’we Miqyaer, aqdui naeq-aer jawr-eu mae. Yaqkov-euq Miqyaer-aq, aqdui-euq caevzafduq pyeuf-eu mae. Sela.

Jaceuq 46:7

Guirmaf-euq Ya’we Miqyaer, aqdui naeq-aer jawr-eu mae. Yaqkov-euq Miqyaer-aq, aqdui-euq caevzafduq pyeuf-eu mae. Sela.

Jaceuq 35:12

Ngaq-euq nuima cawv-ir ni, Aqyawfmaf, ngaq nae yawmuiq jeq mr-euq gar yawdoer jeq janrkhof naeqlaf-eu mae.