Jaceuq 141:5 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Tsaq-awr dawr-eu tsawrhaq nae ngaq-anr bidiq-awq; Khoer-aq, ghawqshaq gaq-eu jeq pyeuf taef-a. Aqyawf nae ngaq-anr bidaeq-awq; Khoer-aq, zawr muiq-eu tsir lof-aer pyeuf-awr; Ngaq-euq uqduq maq hageuf-aer taqbi ghae naeqlaf. Aqjeq mirnae aernar-aq, Ngar guiqlanq sharshar-aer tsawrcawv deuq-euq gardeuq-anr deuvluf-eu ma.

Akha

⁵ Tsawˇ muiˬ deuˬ neh gʼawˬ shaˬ gaˬ-awˇ dehˬ-euˬ dawˬ doeˇ-ahˇ ya daˬ kʼawꞈ, haiˬ-eu tsawˇ haˬ deuˬ neh taˬ bi taˬ huiˬ nehˬ laꞈ. Aˬ jeˬ miˇ neh ehˇ naˇ, aˬ yawꞈ maꞈ neh mˇ-euˬ yaw haiˬ jeˬ piˬ-iˇ byoˆ-iˇ nya ni, aˬ myah luꞈ ngaˇ guiˬ lahˬ shaˇ luꞈ-eu ma.

Jaceuq 141:5 Referans Kwoze

Panmaeq 3:19

Ngar gaq-eu tsawrhaq yawqghaq navluf-anr, ngar maeqpar dzawpar naeq-eu ma. Khoermirnae, nawr nuima keuv-awr noeqpov noeqpar mr-awq.

Gaˬlaˬtiˆ 6:1

Aqyuif aqnyir deuq-or! Tsawrhaq tiqghaqnav mrbanq mrlaeq luf-eu nar-aq, nawmaf saflar paw ghaq khav-eu deuq, nuima nanqyuni anr-awr aqyawf-anr sheuqpyawrkhof laf-eu tsaq mae. Yawqha khawf, murjur jur-eu maeqnan maqya cantae ghaeni yanr-awq.

Dawqdaq 25:12

Narhaq geuf-eu naqbawr-euq gharduq, Tsawrganr maeqpar naeq-eu jeq-aq, Muiq-eu shuir nae janr-euq myawqgur, Hawr-eu shuir nae janr-euq naqbawr-anr geuf-eu naqyov-anr dur-eu mae.

Dawqdaq 19:25

Aqjaf jaf-eu tsawrhaq-anr diq-awq, Maqdzaw-euq zaq yanrnyalar taef-a. Ghovshaw nya-eu tsawrhaq-anr maeqpar-awq, Aqyawf siqnya-eu tsawrganr-anr tserpav birpav nyalar taef-a.

Dawqdaq 15:5

Aqdzawq argan-aq, yawqha-euq aqda maeqpar tsovpar lar-eu gar hawdoer-eu mae. Aerkhawf, maeqpar naeq-eu gar narhaq-eu ghaq-aq, Noeqsiq noeqmawr nya-eu tsawrhaq mae.

Dawqdaq 6:23

Aqjeq mirnae aernar-aq, zanrdawq khofdawq-aq, tsirkhmq pyeuf-awr, Zanrdawq-aq, yawshaef pyeuf-eu mae. Maeqpar naeqlaf-eu maeqdawq tsovdawq-aq, daef-eu jeq bif-eu garma mae.

Jaceuq 125:4

Ya’we Miqyaer-or! Muiq-eu deuq-anr hawr-eu nuima dawrcoeni ghae-eu deuq-anr, Yawmuiq jeq mrnaeq-awq.

Jaceuq 51:18

Nawr nuima tsaq-eu lof-aer, Ziroq-anr yawmuiq-aer ngaeqghae naeq-awr, Yeqlursaqlaeq-euq meuqlanr tsovnaeq laf-awq.

Jaceuq 23:5

Nawq nae ngaq-anr muir-eu deuq-euq maeqshi, Ngaq-euq gharduq hawqje shardanr naeqlaf-eu mae; Nawr, ngaq-euq uqduq-anr tsir shaevdav naeqlaf-awr, Ngaq-euq khmqmaq byankhar luf-eu mae.

Maꞈtehˬ 5:44

Aerkhawf, ngar, nawmaf-anr aernaeq nyar, nawmaf-anr muir-eu tsawrhaq-anr gaq-awr, nawmaf-anr yaqkhaer yaq-eu tsawrhaq-anr dawq ngaeqghae naeq-awq. Nawmaf-anr byae-eu tsawrhaq-anr yawmuiq jeq janrnaeq-awr, nawmaf-anr khaeqlar khavlar-awr, yaeqbawq-aer zmqlar-eu tsawrhaq-euq gharduq guiqlanq shar-awq.

Dawqdaq 15:22

Maeqbawq maqjav nar-aq, bawqtov maq pyeufler nya-a. Aerkhawf, maeqbawq bif-eu tsawrhaq yawmyaq nar-aq, tov-euq lof-aer mrpyeuf nya-eu mae.

Dawqdaq 12:1

Maeqdawq tsovdawq-anr gaq-eu tsawrhaq-aq, Siqnya-eu tsawrganr-anr gaq-eu mae. Aerkhawf, maeqpar-eu jeq-anr byae-eu tsawrhaq-aq, Yawlaf dawrga mae.