Jaceuq 14:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Aqdzawq argan-aq, yawha-euq nuima-euq lafkhoer, “Miqyaer maqjawr-a” laer aer-eu mae. Aqyawfmaf daefcawv-awr, nuidav davlar paq-aer ghae-eu jeq mrluf-eu mae. Yawmuiq jeq mr-eu tsawrhaq tiqghaq-iq maqjawr-a.

Akha

¹ Aˬdzawˬaˇgah nui ma laꞈkʼoeˇ, “Miˬyehˇmaˬjawˇ” lehˇehˇ-eu meh. Aˬyawꞈmaꞈneh dehꞈcawˆjiˇ-awˇ, guˆlaˇpaˬ-ehˇ mˇluꞈ-eu meh. Yaw muiˬtiˬgʼaˬ-iˬ maˬmˇ-a.

Jaceuq 14:1 Referans Kwoze

Jaceuq 10:4

Tsawrcawv-aq, nuima huiq-eu lafkhoer Miqyaer-anr maqpov-a. Aqyawf maf-euq nuinoeq dawqtawv luf-euq lafkhoer, Miqyaer-anr maq noeqkeuv-a.

Jaceuq 53:1

Aqdzawq argan, yawqha-euq nuima-euq lafkhoer aer-eu, “Miqyaer maqjawr-a.” Aqyawfmaf daefcawv-awr, maq mrkhmq-eu yawlaeq yawca jeq mrluf-eu mae. Yawmuiq jeq mr-eu tsawrhaq tiqghaq-iq maqjawr-a.

Jaceuq 92:6

Nuinoeq maqbaw-eu tsawrhaq-aq, maq siqnya-aer; Aqdzawq argan-aq, maq ghovshaw nya-a.

Maꞈtehˬ 12:34

Dof khav-eu arlawr-euq zaqdeuq-or! Nawmaf-aq, tsawrdoer mirnae, dawqmuiq aqjox-aer ngaeqnya-eu lawr? Aqjeq mirnae aernar-aq, nuima-euq lafkhoer khar dawvbyan taq-euq jeq khaqmae-anr ngaeqdov laf-eu mae.

Luˇkaꞈ 12:20

Aerkhawf, Miqyaer, aqyawf-anr aernaeq-eu, ‘Aqdzawq argan-or! Nymrcif nae ngar, nawq-euq saflar yurkhof ma. Tox-aer mar-iq, nawq nae povuiq taq-euq deuq, aqsur ghaq-euq pyeuf-ir-eu jeq la?’

Maꞈtehˬ 15:19

Aqjeq mirnae aernar-aq, nuima-euq lafkhoer nae heudeuq dovlar-eu mae: yawdoer jeq sharnoeq-eu, tsawrhaq saef-eu, banq-awr joe-eu, banq-awr muv-eu, smrkhoeq khoeq-eu, maqtsaq maqdawr-eu sarkir kamq-eu hawr-eu, yaeqbawq saerlu-aer aer-eu

Dawqdaq 1:7

Ya’we Miqyaer-anr guv-eu jeq-aq, siqnya-eu tsawrganr-euq ardanq baeduq mae. Aerkhawf, aqdzawq argan-aq, zaqsiq tsawrganr hawr-eu maeqdawq tsovdawq-anr hawdoer-eu mae.

Tiˇtuˆ 3:3

Aqjeq mirnae aernar-aq, dzeurlaf ngae aqdui khawf, aqdzawq argan gan-awr, aerdawq maq narhaq-eu uqtaf, maershuir-anr tawvler-awr, nuikhanr hawr-eu lurgha caergha-eu ghawqmya jeq-euq zaqkhav geuf-euq, muir-eu hawr-eu myavnav nav-eu lafkhoer daef-awr, aqcawq, aqdui-anr byae-eu uqtaf, aqdui khawf tiqghaq tirghaq byae-euq ma.

Eˇpeˇsu 2:12

Khoerngae, nawmaf, Kali-anr maq siqnya-aer, Irsaqleqlav tsawrhaq-anr maqtaf-eu tsawrhaq pyeuf-euq uqtaf, dawqma sarjax-anr maqsiq maqsux-eu tsawrhaq pyeuf-euq mirnae, nawmaf noeqtmqkhar maqza-aer, mirtsaq-euq khoertav Miqyaer-anr maq siqnya’ni daef-euq mae.

Dawqdaq 27:22

Aqdzawq argan, lawqloer naeq-aer tanqtsmr-anr nyaefur-awr tanqjer nae tanq-eu khawf, Aqyawf-euq yawdzawq yawgan khoer maqbyov-ir-ar.

Dawqdaq 1:22

“Maqdzaw-euq zaqdeuq-or! Aqmyan keuvni maqsiq maqnya-eu jeq-anr gaq-eu laer ghae-eu le? Aqjaf jaf-eu deuq khawf, aqmyan keuvni aqjaf jaf-eu gar laqkhaq caer-awr, Aqdzawq argan deuq khawf, aqmyan keuvni siqnya-eu tsawrganr-anr byae-eu laer ghae-eu le?

Panmaeq 21:8

Aerkhawf, guvcoer-eu, maqjan-eu, nuidav davlar paq-aer ghae-eu jeq mr-eu, tsawrhaq saef-eu, banq-awr khaqmiq sheu-eu, nyirpaq shavma geuf-eu, tanqpanq aqma mawrkawr-anr uqduq tanq-eu hawr-eu jaqmyawf myawf-eu tsawrhaq dawqtawvluf, tsawrhaq heudeuq-anr of-eu jawrduq-aq, miqdzar dzarshuir dofluf-eu miqdzaq-euq lan mae. Heu-aq, nyiq pov tiqpov shir-eu jeq pyeuf-eu mae.”

Tiˇtuˆ 1:16

Aqyawfmaf, Miqyaer-anr siqnya ma laer aer-eu khawf, aqyawfmaf mrgar shargar haw nar-aq, Miqyaer-anr siqnya gar tiqpawf-iq maqdur-a. Aqyawf maf-aq, byae duiduilar paq-aer ghae-awr, aerdawq maq narhaq-eu tsawrhaq mirnae, yawmuiq jeq mr-eu tiqpawf-iq maqgeux-a.

Jaceuq 107:17

Aqdzawq argan-aq, yawqha-euq yawbanq yawlaeq hawr-eu, Yawqha-euq yawlaeq yawca-euq baqda’nae shaqzanq yadaq-eu mae.

Dawqdaq 13:19

Yawqha geufmawf-eu lof-aer pyeufler-euq-aq, Nuima saflar-anr coerovni ghae-eu mae. Aerkhawf, aqdzawq argan deuq-euq gharduq-aq, Yawdoer jeq-anr byaer-eu khoer-aq, Nuidav davlar paq-aer ghae-eu jeq pyeuf-eu mae.

Jaceuq 73:3

Aqjeq mirnae aernar-aq, ngar, tsawrcawv deuq daefdzaq-eu gar ya’mawr ngae, Janrghae nya-eu tsawrhaq-anr myavnav nav-euq mir-a.