Jaceuq 138:8 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Ngaq-anr taf-eu garkawv deuq-aq, Ya’we Miqyaer mrbyan taef-a. Ya’we Miqyaer-or! Nawq-euq ghawqshaq gaq-euq jeq mqmaq maqbyav yarzir zif-eu mae. Nawq-euq aqlaf-euq gardeuq-anr taq ngaerbyov naeqlaf.

Akha

⁸ Sahˬpaˬ Miˬyehˇ-oˇ, nawˬ neh saˇ jaˇ kʼaˇ dzaˬ taˬ-euˬ jeˬ-ahˇ nawˇ mˇ byah tehꞈ-a. Nawˬ-euˬ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh. Nawˬ neh dahˬ beh-euˬ jeˬ maˬ mˇ byah ni taˬ byehˇ nehˬ laꞈ.

Jaceuq 138:8 Referans Kwoze

Piˇliˇpiˆ 1:6

Nawmaf-euq lafkhoer gar yawmuiq jeq mrdanq bae-euq ghaq, Yeqsur Kali-euq arnan-anr keuvni, gar heu mrluivjir taef-a laer ngar yawduq baw-eu ma.

Jaceuq 57:2

Ngaq-euq gharduq yawqjeq navluf janrnaeq laf-eu Miqyaer-anr, Gor duidui-eu Miqyaer-anr ngar gurgaq ma.

1 Teˇsaˬloˇni 5:24

Nawmaf-anr kur-euq ghaq sarjax zif-eu mae. Aqyawf khoerlof-aer mr taef-a.

Jaceuq 136:1

Ya’we Miqyaer-euq guiqlanq-anr jaceuq-awq! Aqjeq mirnae aernar-aq, aqyawf-aq yawmuiq mae! Aqyawf-euq ghawqshaq gaq-eu jeq, mqmaq maqbyav yarzir zif-eu mae.

Jaceuq 103:17

Aerkhawf, Ya’we Miqyaer-aq, Mqmaq maqbyav yarzir-anr nae mqmaq maqbyav yarzir-anr keuvni, Aqyawf-anr guv-eu deuq-anr ghawqshaq gaq-awr; Aqyawf maf-euq zaqdeuq uvdeuq-anr, aqyawf-euq tsaq-awr dawr-eu jeq bif-eu mae.

1 Beˬtuˆluˆ 4:19

Miqyaer nuima tsaq-eu mirnae shaqzanq daqluf-eu tsawrhaq deuq, sarjax zif-eu mqmir bae-euq Yawsanr ghaq-anr nuima saflar a’naeq-awr, yawmuiq jeq mr-awq.

Jaceuq 100:5

Ya’we Miqyaer-aq, yawmuiq mae. Aqyawf-euq ghawqshaq gaq-eu jeq, mqmaq maqbyav yarzir gmq-awr; Aqyawf-euq yawtsaq yawdawr-aq, li-eu maqbawni tiqzir sair tiqzir zif-eu mae.

Jaceuq 100:3

Ya’we Miqyaer-aq, Miqyaer mae laer siqnya-awq. Aqdui, yawqhar yawqha bae-euq maqngeur, Aqdui-anr bae-euq ghaq-aq, aqyawf mae. Aqdui-aq, aqyawf-euq tsawrhaq hawr-eu, Aqyawf-euq daega-anr jawr-eu yawr pyeuf-eu ma.

Lormav 5:10

Aqjeq mirnae aernar-aq, aqdui, Miqyaer-anr muir-eu tsawrhaq pyeufluf ngae, aqyawf-euq Zaqyo shirdan-euq mirnae, Miqyaer-anr tsaqler dzoerler-euq ma. Khoernav maqtser, tsaqler dzoerler ghaq-euq nar-aq, Kali daefluf-eu mirnae, aqdui-anr aqdir kakhof naeqlaf taef-a.

Yoˇhaˬ 15:2

Aqyawf, ngaq-anr tsoftsaf luf-eu gar nae arsiq maq siqle-eu cirni nizaq dawqtawv luf-anr deuvdzae-eu mae. Arsiq khar siqle-eu cirni nizaq deuq-anr-aq, bi siqdzaeq le-eu laer aqyawf yawmuiq-aer dawnaeq-eu mae.

Yuˇdaˆ 1:1

Ngar-aq, Yeqsur Kali-euq kuirlaf zaqkhav hawr-eu Yaqkov-euq maernmr Yurdav ma. Aqda Miqyaer nae kurdov-awr lavshawr-euq uqtaf, Yeqsur Kali bosav-eu lafkhoer jawrluf-eu tsawrhaq deuq-anr sanqbof bofanr lef-euq ma.

Jaceuq 57:3

Miqyaer, ghawqshaq gaq-eu jeq hawr-eu yawtsaq yawdawr jeq khaerghaelef taef-a; Aqyawf, ngaq-anr bibuq-ir-eu jeq mq-euq khoertav nae bi’oe-awr; Aqyawf, ngaq-anr myeufanr-eu laer ghae-eu tsawrhaq-anr aerdoernaeq taef-a. Sela.