Jaceuq 138:3 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Ngar, nawq-anr kur ngae nan-anr nawr, ngaq-euq dawq narhaq naeqlaf-awr, Ngaq-euq nuima saflar ghaq bi anrlar-awr khaqduqni bi ghaelar naeqlaf-euq mae.

Akha

³ Nawˬ-ahˇ ngaˇ kuˇ ngeh, ngaˬ-euˬ dawˬ-ahˇ naˇ haˬ nehˬ laꞈ-awˇ, nawˬ-euˬ gʼaˬ neh ngaˬ-ahˇ gʼaˬ lahˬ lahˬ nehˬ laꞈ-euˬ meh.

Jaceuq 138:3 Referans Kwoze

1 Beˬtuˆluˆ 5:10

Nawmaf shaqzanq tiqkhaeq daqghaq-euq nar-aq, Yeqsur Kali-anr ghoe-awr, aqdui-anr mqmaq maqbyav yarzir zif-eu yawshaef khanqsaer jav-eu gar kurlaf-euq guiqlanq yawdzanr dawqtawv luf-euq Miqyaer, nawmaf-anr bi byanlar-awr, bi ziflar-eu uqtaf, ghaq bi khavlar-awr, bi jawrzif naeqlaf taef-a.

Jaceuq 18:6

Ngar guv-awr gav-eu lafkhoer Ya’we Miqyaer-anr kur-awr, Ngaq-euq Miqyaer-anr gurgaq-eu ma. Aqyawf, aqyawf-euq uqduq tanqnymr nymrma-anr jawr-eu, ngaq-euq tersar gaq-awr, Ngar gur-eu khoer, aqyawf-euq naqbawr-anr gaqkeuv ler-euq mae.

Piˇliˇpiˆ 4:13

Ngaq-anr ghaq bifnaeq laf-eu Kali-anr ghoeghoe-aer, ngar dawqtawvluf mrnya sharnya ma.

Jaceuq 27:14

Ya’we Miqyaer-anr dawq-awq. Yawmuiq-aer mrghanr-awq. Aqyawf, nawq-euq nuima-anr nuighaq bifnaeqlaf taef-a. Ya’we Miqyaer-anr dawq-awq.

Gawˇlawˇsehˇ 1:11

Aqyawf-euq yawshaef khanqsaer huiq-eu baoq baqda’nae, nawmaf laqkhaq caertavni yawqjeq navluf-euq lafkhoer, ornya-awr nuima ghawqmanrni taqnya’ni, baoq dawqtawvluf nae nawmaf-anr ghaq bi khavlar-awq laer sharluf-eu ma.

Eˇpeˇsu 6:10

Ngaq-euq aqyuif aqnyir deuq-or! Arsaq saq-eu dawq-aq heulof-aer ma. Nawmaf, Sanqpaq Miqyaer-euq lafkhoer, ghaq khav-eu aqyawf-euq baoq-anr ghoe-awr, ghaq khavlar-awq.

Jaceuq 29:11

Ya’we Miqyaer, aqyawf-euq tsawrhaq-anr ghaq bif taef-a; Ya’we Miqyaer, aqyawf-euq tsawrhaq-anr nuisar of-eu guiqlanq bif taef-a.

Eˇpeˇsu 3:16

Ngar guiqlanq heulof-aer shar-eu ma: Miqyaer-euq yawshaef khanqsaer sanr duidui-eu gar geuxni, aqyawf-euq Saflar-anr ghoe-awr, nawmaf-euq nuima, ghaq bi anrlar-awr ghaq bi khavlar law.

Jaceuq 63:8

Ngaq-euq nuima saflar, nawq-euq narkhan dawqpae taeqni cantae luf-eu ma; Nawq-euq armar laf, ngaq-anr nyaeftaeq luf-eu mae.

Jaceuq 28:7

Ya’we Miqyaer-aq, ngaq-euq ghaq hawr-eu daeqdaqduq pyeuf-awr, Ngaq-euq nuima, aqyawf-anr ghoe-eu naeq-aer, aqyawf, ngaq-anr cawba naeqlaf-eu mae. Khoermirnae, ngaq-euq nuima laqkhaq yawkhav-aer caer-awr, Ngar dawqcar car-awr, aqyawf-anr jaceuq ma.

Jaceuq 34:7

Ya’we Miqyaer-euq mqtav ghaqkhaer, Miqyaer-anr guv-eu deuq-euq tiqjawq lofjawq taq-awr, Aqyawf maf-anr bibuq-ir-eu mae.