Jaceuq 135:13 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Ya’we Miqyaer-or! Nawq-euq tsawrmyanr mqmaq maqbyav yarzir zif-awr, Ya’we Miqyaer-or! Tiqzir sair tiqzir saq-eu maqbawni, nawq-euq tsawrmyanr jav taef-a.

Akha

¹³ Sahˬpaˬ Miˬyehˇ-oˇ, nawˇ Miˬyehˇ pyeuꞈ-eu meh lehˇ, aˬ myah luꞈ aˬ cawˬ-ahˇ ja gaˬ-awˇ, tiˬ ziˇ saˇ-iˬ tiˬ ziˇ nawˬ-ahˇ maˬ ngehˇ ni noeˬ keuˆ tehꞈ-a.

Jaceuq 135:13 Referans Kwoze

Jaceuq 102:12

Aerkhawf, Ya’we Miqyaer-or! Nawr-aq, mqmaq maqbyav yarzir zif-eu mae. Nawq-euq tsawrmyanr-anr yawqzir navluf noeqkeuv taef-a.

Jaceuq 72:17

Aqyawf-euq tsawrmyanr li-eu maqbawni zif-awr; Nanrma kharbya-eu khoerkeuvni, aqyawf-euq tsawrmyanr javtsaflef taef-a. Tsawrhaqzaq, aqyawf-euq lafkhoer guiqlanq za-awr; Mirkhanq-euq tsawrjeuq dawqtawvluf, aqyawf-anr guiqlanq huiq-eu ghaq laer kur taef-a.

Jaceuq 8:9

Nga’maf-euq Sanqpaq Miqyaer pyeuf-eu Ya’we Miqyaer-or! Mirtsaq dawqtawv luf-euq khoertav, nawq-euq tsawrmyanr arnavni huiq-awr muiq-eu nga.

Maꞈtehˬ 6:9

Khoermirnae, nawmaf guiqlanqshar ngae heulof-aer shar-awq: Mq-euq khoertav jawr-eu nga’maf-euq Aqda-or! Nawq-euq tsawrmyanr-anr yawzeu bibaw law.

Jaceuq 102:21

Ziroq-euq lafkhoer, Ya’we Miqyaer-euq tsawrmyanr dawqdzawr mr-awr; Yeqlursaqlaeq-euq lafkhoer aqyawf-anr jaceuq taef-a.

Jaceuq 89:1

Ngar, li-eu maqbawni, Ya’we Miqyaer-euq ghawqshaq gaq-eu garkawv car ma. Ngar, ngaq-euq khaqmae nae, nawq-euq sarjax zif-eu garkawv, Yawqzir navluf-anr bisiqni dzawrgaq ma.

Jaceuq 8:1

Nga’maf-euq Sanqpaq Miqyaer pyeuf-eu Ya’we Miqyaer-or. Mirtsaq dawqtawv luf-euq khoertav, nawq-euq tsawrmyanr arnavni huiq-awr muiq-eu nga! Nawq-euq yawshaef khanqsaer-aq, mq taf-aer gordzaeq-eu gar-anr keuvni ciqgor taq-euq mae.

Maꞈtehˬ 6:13

Iqbax murjur jur-eu maeqnan nga’maf-anr taqbi ir laf. Yawdoer jeq-anr nae nga’maf-anr bidzeur-ir laf. Uvlanr-eu jeq, baoq hawr-eu yawshaef khanqsaer dawqtawvluf, mqmaq maqbyav yarzir nawq-euq mae. Aqmeq.

Jaceuq 102:13

Nawr turlar-awr Ziroq-anr ghawqshaq gaqnaeq taef-a. Aqjeq mirnae aernar-aq, ghawqshaq gaq-eu aryamq tsaqlar-awr, Nanpax paxtaq-euq aryamq keuvlar-euq mae.