Jaceuq 134:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Hawsher-eq! Nawmaf, Ya’we Miqyaer-euq kuirlaf zaqkhav dawqtawvluf, Ya’we Miqyaer-anr jaceuq-awq! Uqcif paw, Ya’we Miqyaer-euq nymr-euq lafkhoer yawfluf-eu deuq, Aqyawf-anr jaceuq-awq.

Akha

¹ Sahˬpaˬ Miˬyehˇ-euˬ zaˬ kʼaˆ dawˬ tawˆ luꞈ, aˬ yawꞈ-ahˇ ja ceuˬ laˇ-awˬ. Uˬ ciꞈ paw aˬ yawꞈ-euˬ Uˬ duˬ tahˬ nymˇ nymˇ ma laꞈ kʼoeˇ gaˇ kʼaˇ mˇ-eu deuˬ dawˬ tawˆ luꞈ, aˬ yawꞈ-ahˇ ja ceuˬ laˇ-awˬ.

Jaceuq 134:1 Referans Kwoze

Jaceuq 120:1

Ngar guv-awr gav-eu jeq-anr tanqpuq ngae, Ya’we Miqyaer-anr kur ma. Aqyawf, ngaq-anr narhaq naeqlaf-eu mae.

Panmaeq 19:5

Khoernar-aq, nuirmanq-anr nae tiq ghaq-euq tersar aer-eu, “Nawmaf, Miqyaer-euq kuirlaf zaqkhav pyeuf-awr, Miqyaer-anr yawzeu baw-eu, huiqzaq nyirzaq yawqghaq navluf, aqdui-euq Miqyaer-anr jaceuq-awq.”

Jaceuq 122:1

Aqcawq, ngaq-anr heulof-aer aer ngae, ngar laqkhaq caer-euq ma, “Dzawq! Ya’we Miqyaer-euq nymr-anr le kar-eur.”

Luˇkaꞈ 2:37

Nymq-mr aqyawf 84 khof khawvlar-euq mae. Aqyawf, uqduq tanqnymr nymrma-anr taef-aer jawrjawr-aer uqcif nan’ghanr maqaer, dzardzaq sheuqsheuq-aer guiqlanq shar-awr Miqyaer-anr uqduq tanqluf-eu mae.

Jaceuq 121:1

Ngar, ngaq-euq myavnuiv ciqpyawr-awr gawqjawq paw hawdav lef-eu ma; Ngaq-anr cawba-eu jeq aqgeugar nae dovle-eu la?

Jaceuq 132:1

Ya’we Miqyaer-or! Daqbir-anr noeqmawr naeqlaf-awr, Aqyawf nae yadaq-euq shaqzanq dawqtawv luf-anr noeqkeuv naeqlaf-awq.

Jaceuq 131:1

Ya’we Miqyaer-or! Ngaq-euq nuima maqhuiq-aer, Ngaq-euq myavnuiv khawf, janrghae-eu jeq maqanr; Ngar, ardzaeq-aer huiq-eu garkawv maq sharnoeq-aer, Yawqha-anr maqgeux-eu jeq maq sharsawx-aq.

Jaceuq 130:6

Uqcif paw lofpir-eu deuq uqbya byalar-eu gar dawq-eu navmaqtser, Ngaq-euq nuima saflar, Sanqpaq Miqyaer-anr dawq-eu ma. Uqcif paw lofpir-eu deuq uqbya byalar-eu gar dawq-eu navmaqtser dawq-eu ma.

Jaceuq 129:1

Irsaqleqlav-anr heulof-aer bi’aer-awq, “Ngar, zaqguq ngae nae, aqyawfmaf, ngaq-anr khaeqnaeq khavnaeq laf-euq mae.”

Jaceuq 128:1

Ya’we Miqyaer-anr guv-awr, Aqyawf-euq garma-anr can-eu yawqghaq navluf, Guiqlanq huiq-eu mae.

Jaceuq 126:1

Aqcawq nae bi nyaefbyov ghae-euq tsawrhaq, Ya’we Miqyaer nae, Ziroq-anr bi sheuqkhof laf-euq mirnae, yufmav mav-euq gar dur nya.

Jaceuq 123:1

Mq-euq khoertav jawr-eu ghaq-or! Ngaq-euq myavnuiv, nawr jawr-eu paw ciqpyawr laf-awr hawluf-eu ma.

Jaceuq 133:1

Hawsher-eq, maernmr deuq nuima gm-awr tiqgar taef-aer jawrtaf-eu, Arnavni muiq-awr arnavni nuikhanr shirlar paq-aer ghae-eu nga!

Jaceuq 103:21

Miqyaer nuikhanr shir-eu jeq mr-eu, Aqyawf-euq gar mrzaq nawmaf, Nawmaf, aqyawf-euq guirmaf dawqtawvluf, Ya’we Miqyaer-anr jaceuq-awq!

Jaceuq 127:1

Ya’we Miqyaer maqtsov-eu lawnmr-aq, Nymr tsov-eu tsawrhaq nae mr-euq gar-aq, yawqngaef mae. Ya’we Miqyaer maq lofpir-eu lawnmr-aq, Meuq-anr lofpir-eu tsawrhaq maq yufkhavni lof-eu khawf yawqngaef mae.

Jaceuq 125:1

Ya’we Miqyaer-anr ghoe-eu tsawrhaq deuq-aq, Tiqjawr-iq maq nyilar-aer, mqmaq maqbyav yarzir zif-eu Ziroq gawqjawq-anr dur-eu mae.

Jaceuq 124:1

Irsaqleqlav tsawrhaq-or! Heulof-aer aer-awq, “Ya’we Miqyaer, aqdui jawr-eu paw maqpyawr-euq lawnmr-aq,”

Panmaeq 7:15

Khoermirnae, aqyawfmaf, Miqyaer-euq nuirmanq-euq maeqshi jawr-awr, uqcif nan’ghanr maqaer, aqyawf-euq uqduq tanqnymr nymrma-euq lafkhoer, aqyawf-euq gar mrluf-eu mae. Nuirmanq-anr nuirluf-eu khoerghaq khawf, aqyawf maf-euq ghanrcae jawr taef-a.

Jaceuq 130:1

Ya’we Miqyaer-or! Naf duidui-eu gar nae, ngar, nawq-anr gurgaq luf-eu ma.

Jaceuq 84:5

Guiqlanq povgeuf-eu laer garma dov-ir-eu nuima anr-awr, Nawq-euq lafkhoer ghaq ghoe-eu tsawrhaq-aq, guiqlanqhuiq taef-a.

Jaceuq 113:1

Haleluya! Ya’we Miqyaer-euq kuirlaf zaqkhav deuq-or! Jaceuq-awq. Ya’we Miqyaer-euq tsawrmyanr-anr jaceuq-awq!