Jaceuq 133:3 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Heulof-aer gm-eu-aq, Heqlaqmoq gawqjawq-anr ga-eu ceuq, Ziroq gawqjawq-euq khoertav gale-euq gar dur-eu mae. Aqjeq mirnae aernar-aq, Nuima gm-eu gar, Ya’we Miqyaer guiqlanq-euq dzoeqdzaq mr-eu mae. Mqmaq maqbyav yarzir daef-eu guiqlanq bif-eu mae.

Akha

³ Heˬlaˬmoˬ gawˬ jawˬ-ahˇ ga-eu ceuˬ, Ziˇoˬ gawˬ duˇ kʼoeˇ taˆ ga le-euˬ gaˇ duˇ-eu meh. Kʼoeˇ loꞈ-ehˇ dehꞈ taꞈ jawˇ taꞈ-eu jeˬ kʼoeˇ taˆ, mˬ maˬ maˬ byaˆ zaˇ ziˇ ziꞈ-eu guiˬ lahˬ yaw dzahˇ, Sahˬpaˬ Miˬyehˇ biꞈ ma lehˇ saˇ jaˇ dzaˬ taˬ-euˬ meh.

Jaceuq 133:3 Referans Kwoze

Jaceuq 42:8

Nan’ghanr paw, Ya’we Miqyaer, aqyawf-euq ghoer-awr gaq-eu jeq khaerlef taef-a, Uqcif paw-aq, aqyawf-euq cardawq, ngaq naeq-aer jav-awr, Ngaq-euq daefzir-euq Miqyaer-anr guiqlanq shar-eu jeq pyeuf taef-a.

1 Yoˇhaˬ 5:11

Sarkir kamq-eu khoer-aq heulof-aer mae: Miqyaer, aqdui-anr mqmaq maqbyav yarzir daef-eu jeq bif-euq mae. Daef-eu jeq khoer-aq, aqyawf-euq Zaqyo-euq lafkhoer anr-eu mae.

Lormav 5:21

Iqbax uvlanr-eu baqda’nae shir-eu gar bikeuv-awr, tsaq-awr dawr-eu jeq-anr ghoe-awr guiqlanq yawdzanr uvlanr-eu baqda’nae, aqdui-euq Sanqpaq Yeqsur Kali-anr ghoe-awr, mqmaq maqbyav yarzir daef-eu lafkhoer sheuqkeuv lef-eu mae.

Jaceuq 16:11

Nawr, ngaq-anr daef-eu jeq bif-eu garma toeqmaeq naeqlaf-euq mae; Nawq-euq maeqshi laqkhaq caer-eu jeq byan-awr; Nawq-euq armar laf-anr, mqmaq maqbyav yarzir lurgha caergha-eu jeq jav-eu mae.

Lormav 6:23

Aqjeq mirnae aernar-aq, iqbax mr-eu mirnae za-eu arpoeq-aq yashir-eu mae. Aerkhawf, Miqyaer nae bifnaeq laf-euq lafsawq-aq, aqdui-euq Sanqpaq Yeqsur Kali-euq lafkhoer, mqmaq maqbyav yarzir yadaef-eu mae.

Yoˇhaˬ 6:68

Khoerngae, Sirmoq Beqtuvluv, aqyawf-anr heulof-aer aerkhof naeq-euq mae, “Sanqpaq-or! Nawq-euq lafkhoer mqmaq maqbyav yarzir daef-eu jeq bif-eu dawq anr-eu mae. Nga’maf aqsur ghaq-euq maeqnan par cantae-ir nmr-mq?

Yoˇhaˬ 5:29

lmqbymr-anr nae dovlar taef-a. Yawmuiq jeq mr-euq tsawrhaq-aq, ghofdaef lar-awr daef-eu jeq za taef-a. Yawdoer jeq mr-euq tsawrhaq-aq, ghofdaef lar-awr yarkhaq dar-eu gar yadaq taef-a.”

Panmaeq 1:18

Dzeurlaf ngae, ngar shir-euq khawf, nymq-mr ngar-aq, daefluf-eu ghaq pyeuf-eu ma. Hawsher-eq, li-eu maqbawni daef-eu ghaq khawf ngeur-eu ma. Aqmeq. Shir-eu jeq hawr-eu shir-eu mirkhanq-euq manqtawf tawfdur, ngaq-euq aqlaf-euq lafkhoer anrluf-eu ma.

1 Yoˇhaˬ 2:25

Heu-aq, mqmaq maqbyav yarzir daef-eu jeq bif ma laer Kali, aqdui-anr sarjax dzaqtaq-euq mae.

Dawqdaq 19:12

Sanqpaq nuima paerlar nar-aq, Joeqluf-eu arlaqjaqshir-anr dur-eu mae. Aerkhawf, aqyawf-euq ghoer mr-eu jeq-aq, Yarmof-euq khoertav gadav le-euq ceuq-anr dur-eu mae.

Jaceuq 21:4

Aqyawf, nawq-anr daefzir shar ngae, Nawr, aqyawf-anr bif-euq mae—li-eu maqbaw-eu mqmaq maqbyav yarzir, zirbaw zirza-eu jeq bif-euq mae.

Yoˇhaˬ 5:24

“Ngar, nawmaf-anr aqdir aqmar aernaeq nyar, aqsur ghaq maqkaq, ngaq-euq dawq narhaq-awr, ngaq-anr khaerghae lef-euq ghaq-anr jan nar-aq, mqmaq maqbyav yarzir daef-eu jeq za-awr, yarkhaq dar-eu gar maqya daq-aer, shir-eu jeq-anr nae dovle ghaq-awr, daef-eu jeq-euq lafkhoer urler dzeur-euq mae.

Yoˇhaˬ 4:14

Aerkhawf, ngar bidawr-eu ircuf khardawr-euq tsawrhaq-aq, tiqjawr-iq maqpar maeflar-ar. Ngar bidawr-eu ircuf khoer, tsawrhaq khoerghaq-euq lafkhoer ircuf irbyoe pyeuf-awr, mqmaq maqbyav yarzir daef-eu jeq za-eu gar keuvni tanqdavlaf taef-a.”

Jaceuq 21:5

Nawq-euq kakhof-eu jeq-euq lafkhoer, Aqyawf-euq yawshaef khanqsaer huiq duidui-awr; Nawr, aqyawf-euq khoertav taqhuiq taqmanr-eu jeq hawr-eu khanqsaer biftaq-euq mae.