Jaceuq 128:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Ya’we Miqyaer-anr guv-awr, Aqyawf-euq garma-anr can-eu yawqghaq navluf, Guiqlanq huiq-eu mae.

Akha

¹ Sahˬpaˬ Miˬyehˇ-euˬ dawˬ-ahˇ naˇ haˬ-awˇ, aˬ yawꞈ-euˬ zahˇ dawˬ kʼoꞈ dawˬ-ahˇ caw teh-awˇ dehꞈ-eu deuˬ guiˬ lahˬ huiˬ-eu meh.

Jaceuq 128:1 Referans Kwoze

Jaceuq 119:1

Ya’we Miqyaer-euq zanrdawq-euq lafkhoer can-awr, Aerkhar maqza-eu garma-euq lafkhoer can-eu tsawrhaq-aq, guiqlanq huiq-eu mae.

Jaceuq 112:1

Haleluya! Ya’we Miqyaer-anr guv-awr, Aqyawf-euq zanrdawq khofdawq-anr laqkhaq yawkhav-aer caer-eu tsawrhaq-aq, Guiqlanq huiq-eu mae.

Luˇkaꞈ 1:50

Aqyawf-anr yawzeu baw-eu tsawrhaq-euq khoertav, Aqyawf-euq ghawqshaq gaq-eu jeq tiqzir sair tiqzir jav-eu mae.

Jaceuq 103:13

Aqda tiq ghaq, yawqha-euq zaq-anr ghawqshaq gaq-eu lof-aer; Ya’we Miqyaer, aqyawf-anr guv-eu tsawrhaq deuq-anr ghawqshaq gaq-eu mae.

Gʼaˬkʼehˇ 9:31

Khoerngae, Yurdav mirkhanq, Gaqliqlaer mirkhanq hawr-eu Saqmaqliv mirkhanq doeni jawr-eu Kali-anr jan-eu armur deuq, nuisar of-eu lafkhoer yajawr-awr huiqlar manrlar-euq mae. Sanqpaq Miqyaer-anr yawzeu baw-awr, Yawshawr Saflar ghaq bif-eu lof-aer daefghae-eu lafkhoer, aqyawfmaf myaqlar-euq mae.

Jaceuq 147:11

Ya’we Miqyaer, aqyawf-anr guv-eu tsawrhaq deuq-anr nuikhanr shir-awr, Aqyawf ghawqshaq gaq-eu jeq-anr, Noeqtmq-eu tsawrhaq deuq-anr nuikhanr shir-eu mae.

Jaceuq 127:1

Ya’we Miqyaer maqtsov-eu lawnmr-aq, Nymr tsov-eu tsawrhaq nae mr-euq gar-aq, yawqngaef mae. Ya’we Miqyaer maq lofpir-eu lawnmr-aq, Meuq-anr lofpir-eu tsawrhaq maq yufkhavni lof-eu khawf yawqngaef mae.

Jaceuq 115:13

Ya’we Miqyaer, huiqzaq nyirzaq maq tserpavni, aqyawf-anr guv-eu tsawrhaq-anr guiqlanq bi keuvle-eu mae.

1 Teˇsaˬloˇni 4:1

Aqyuif aqnyir deuq-or! Ngar heulof-aer arsaq saqmawf mir-a. Nga’maf, Sanqpaq Yeqsur-anr ghoeghoe-aer, nawmaf-anr heulof-aer sharshar-aer ghaq bifmawf nya siq. Nawmaf, Miqyaer nuikhanr shirni yawdaef aqjox-aer yadaef-eu garkawv, nga’maf, nawmaf-anr maeqnaeq-euq ma. Nawmaf khoer-euq maeqnan cantae luf-eu lof-aer, maeqhu paw khawf khoernav maqtser laejae laejae-aer cantae ghae-awq.

Jaceuq 103:17

Aerkhawf, Ya’we Miqyaer-aq, Mqmaq maqbyav yarzir-anr nae mqmaq maqbyav yarzir-anr keuvni, Aqyawf-anr guv-eu deuq-anr ghawqshaq gaq-awr; Aqyawf maf-euq zaqdeuq uvdeuq-anr, aqyawf-euq tsaq-awr dawr-eu jeq bif-eu mae.

Jaceuq 125:1

Ya’we Miqyaer-anr ghoe-eu tsawrhaq deuq-aq, Tiqjawr-iq maq nyilar-aer, mqmaq maqbyav yarzir zif-eu Ziroq gawqjawq-anr dur-eu mae.

Jaceuq 120:1

Ngar guv-awr gav-eu jeq-anr tanqpuq ngae, Ya’we Miqyaer-anr kur ma. Aqyawf, ngaq-anr narhaq naeqlaf-eu mae.

Jaceuq 119:3

Aqyawfmaf yawbanq yawlaeq jeq khawf maqmrni, Aqyawf-euq garma-anr can-eu mae.

Luˇkaꞈ 1:6

Aqnyaf dzerzaq, Miqyaer-euq maeqshi tsaq-awr dawr-eu tsawrhaq mae. Sanqpaq Miqyaer-euq zanrdawq khofdawq hawr-eu zanrsanrkhof dawqtawv luf-euq maeqnan cantae-awr, tiqjeq-anr-iq aerkhar maqza-eu tsawrhaq mae.

Jaceuq 121:1

Ngar, ngaq-euq myavnuiv ciqpyawr-awr gawqjawq paw hawdav lef-eu ma; Ngaq-anr cawba-eu jeq aqgeugar nae dovle-eu la?

Jaceuq 124:1

Irsaqleqlav tsawrhaq-or! Heulof-aer aer-awq, “Ya’we Miqyaer, aqdui jawr-eu paw maqpyawr-euq lawnmr-aq,”

Jaceuq 103:1

Ngaq-euq nuima saflar-or! Ya’we Miqyaer-anr jaceuq-awq! Ngaq-euq lafkhoer kharanr-eu jeq dawqtawvluf, Aqyawf-euq shawr-eu tsawrmyanr-anr jaceuq-awq.

Jaceuq 126:1

Aqcawq nae bi nyaefbyov ghae-euq tsawrhaq, Ya’we Miqyaer nae, Ziroq-anr bi sheuqkhof laf-euq mirnae, yufmav mav-euq gar dur nya.

Jaceuq 81:13

“Or, ngaq-euq tsawrhaq, ngaq-anr narhaq naeqlaf lawnmr-aq, Irsaqleqlav, ngaq-euq garma-anr can-eu lawnmr-aq!

Jaceuq 123:1

Mq-euq khoertav jawr-eu ghaq-or! Ngaq-euq myavnuiv, nawr jawr-eu paw ciqpyawr laf-awr hawluf-eu ma.

Jaceuq 122:1

Aqcawq, ngaq-anr heulof-aer aer ngae, ngar laqkhaq caer-euq ma, “Dzawq! Ya’we Miqyaer-euq nymr-anr le kar-eur.”