Jaceuq 125:5 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Aerkhawf, garma yawngof yawngav-aer can-eu deuq hawr-eu, Yawlaeq yawca jeq mr-eu deuq-anr-aq, Ya’we Miqyaer taedzaenaeq taef-a. Irsaqleqlav-euq khoertav nuisar of luf-ur.

Akha

⁵ Ehˇ kʼawꞈ haiˬ-eu tsawˇ haˬ deuˬ-ahˇ nawˇ kʼehˬ nehˬ ngeh, nawˬ-euˬ zahˇ sahˇ kʼoꞈ-ahˇ byehˇ-eu deuˬ-ahˇ kʼawꞈ kʼehˬ nehˬ-awˬ. Iˇsaˬleˬlaˆ miˇ kʼahˬ laꞈ kʼoeˇ nui saˇ oꞈ-eu jeˬ jaˆ luꞈ-uˇ.

Jaceuq 125:5 Referans Kwoze

Dawqdaq 2:15

Aqyawf maf-euq garma-aq, garngof ngof-awr; Aqyawf maf-euq cankawv-aq, jaqmyawf maershuir-euq cankawv mae.

Jaceuq 128:6

Nawr, nawq-euq oeqpaq oeqma deuq-anr ya’mawr ngae keuvni, zirbaw luf-ur. Irsaqleqlav-euq khoertav nuisar of luf-ur.

Jaceuq 40:4

Ya’we Miqyaer-anr aqyawf-euq ghoeduq bipyeuf-euq tsawrhaq-aq, guiqlanq huiq-eu mae. Aerkhawf, nuima huiq-awr, jaqmyawf myawf-eu tsawrhaq-aq, guiqlanq maqza-a.

Gaˬlaˬtiˆ 6:16

Heulof-aer khar mrcaw-eu tsawrhaq yawqghaq navluf hawr-eu, Miqyaer-euq Irsaqleqlav tsawrhaq-euq khoertav, nuisar of-eu jeq hawr-eu ghawqshaq gaq-eu jeq jav luf-ur.

Yoˇhaˬ 14:27

“Ngar, nawmaf-anr nuisar of-eu jeq bifyaf ma. Ngar, nawmaf-anr bif-eu ngaq-euq nuisar of-eu jeq heu-aq, mirtsaqzaq bif-eu lof-aer bif-eu maqngeur. Nawmaf-euq nuima maqsar-aer taqghae, guv khawf taqguv.

Maꞈtehˬ 7:23

Khoerngae, ngar, aqyawf maf-anr heulof-aer aernaeq ma, ‘Zanrdawq-anr leur-eu jeq mr-eu tsawrhaq-or! Ngar, nawmaf-anr maq siqnya nya. Ngar jawr-eu gar nae dov-ir-awq.’

Jaceuq 101:3

Ngar, ngaq-euq myavnuiv-euq maeqshi yawdoer jeq maqbi jav. Ngar, garbanq banq-ir-euq deuq mr-eu jeq-anr byae-eu ma. Ngaq-anr heulof-aer ghae-eu tiqjeq-iq maqbi myanqlar.

Piˇliˇpiˆ 2:15

Khoerlof-aer mr nar-aq, nawmaf iqbax taqkhar maqza-aer, aqcawq-anr maqcoeq maqciv-eu tsawrhaq pyeuf taef-a. Khoeruqtaf, nuighof anr-awr, nanrpov-aer daefluf-eu heuzir-euq tsawrhaq hawr-eu mirtsaqzaq-euq ghanrcae, nawmaf-aq, yawlaeq maqanr-eu yawshaef lof-aer bya’naeq luf-eu Miqyaer-euq zaq pyeuf taef-a.

1 Beˬtuˆluˆ 1:2

Nawmaf-aq, Yeqsur Kali-euq dawq narhaq geuf-awr, aqyawf-euq shiq nae bi byavshaeq-eu gharduq, arhuba nae, Aqda Miqyaer siqnya-eu lafkhoer tserdov taq-awr, muiq-eu Saflar nae lavshawr naeq-euq tsawrhaq deuq mae. Nawmaf-euq khoertav guiqlanq yawdzanr hawr-eu nuisar of-eu jeq myaqlar luf-ur.

HeˬByehˇ 10:38

Tsaq-awr dawr-eu tsawrhaq-aq, jan-eu baqda’nae yadaef-eu mae. Aerkhawf, aqyawf narkhan paw jivkhofghae nar-aq, ngaq-euq nuima, aqyawf-anr nuikhanr maq shirnya.” (Hbk 2:3-4)

Dawqdaq 14:14

Nuima-euq lafkhoer jan-eu jeq byaerdzae-euq tsawrhaq-aq, Yawqha-euq garma-anr nuikhanr shir-awr, Tsawrmuiq-aq, yawqha-euq garma-anr, Nuima tmqjawvni ghae taef-a.

Jaceuq 94:4

Aqyawfmaf dawq ngaeq ngae, janrghae-eu jeq ngaeqdov lef-awr; Yawlaeq yawca kharmr-eu deuq, yawhar yawqha khanqsaer jaev-eu mae.

Jaceuq 92:7

Tsawrcawv deuq, yarmof daefdov lar-eu lof-aer daeflar-awr; Yawlaeq yawca dawqtawvluf mr-eu deuq, bawle zale-eu khawf, Aqyawfmaf, li-eu maqbawni yabi lavcawv-eu mae.

Jaceuq 92:8

Aerkhawf, Ya’we Miqyaer-or, Nawr-aq, mqmaq maqbyav yarzir, yawgor-anr jawr-eu mae.

Jaceuq 92:10

Aerkhawf, nawr, naefnyoq-euq uqcoer lof-aer, Ngaq-euq uqcoer-anr ciqgor naeqlaf-awr; Ngaq-anr tsir yawshuif nae tsaqtsov naeqlaf-euq mae.

Dawqdaq 21:16

Ghovshaw nya-eu jeq-euq garma-anr nae, Canbyov ghae-euq tsawrhaq-aq, Shir-euq deuq uiqler duq-anr ya’naq-ir taef-a.

Luˇkaꞈ 11:25

Aqyawf ghofkeuvler ngae, nymr khoernymr yavjur taq-awr juirkheuni lavsav taq-euq gar ya’mawr-euq mae.