Jaceuq 125:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Ya’we Miqyaer-anr ghoe-eu tsawrhaq deuq-aq, Tiqjawr-iq maq nyilar-aer, mqmaq maqbyav yarzir zif-eu Ziroq gawqjawq-anr dur-eu mae.

Akha

¹ Sahˬpaˬ Miˬyehˇ-ahˇ gʼoe-eu tsawˇ haˬ deuˬ-aˬ, tiˬ jawˇ-iˬ maˬ jiˆ maˬ paˇ laˇ ni ziꞈ-eu Ziˇoˬ gawˬ jawˬ-ahˇ duˇ-eu meh.

Jaceuq 125:1 Referans Kwoze

Jaceuq 62:2

Aqyawf taef-aer ngaq-euq logur hawr-eu ngaq-anr kakhof-eu ghaq pyeuf-awr; Aqyawf, ngaq-anr deuvpir naeqlaf-eu ghaq pyeuf-eu mae; Ngar tiqpawf-iq nyinyi-aer maq ghaelar.

Jaceuq 34:22

Ya’we Miqyaer, aqyawf-euq kuirlaf zaqkhav deuq-euq nuima saflar-anr kakhof-awr, Aqyawf-anr ghoe-eu deuq, tiqghaq-iq yarkhaq dar-eu gar maqya daq-ar.

Jaceuq 25:2

Ngaq-euq Miqyaer-or! Ngar, nawq-anr ghoe ma. Ngaq-anr taqbi shafdawr-ir naeqlaf; Ngaq-anr muir-eu deuq ngaq-anr taqbi ghaqlar naeqlaf.

Jaceuq 120:1

Ngar guv-awr gav-eu jeq-anr tanqpuq ngae, Ya’we Miqyaer-anr kur ma. Aqyawf, ngaq-anr narhaq naeqlaf-eu mae.

Jaceuq 121:1

Ngar, ngaq-euq myavnuiv ciqpyawr-awr gawqjawq paw hawdav lef-eu ma; Ngaq-anr cawba-eu jeq aqgeugar nae dovle-eu la?

Jaceuq 62:6

Aqyawf taef-aer ngaq-euq logur hawr-eu ngaq-anr kakhof-eu ghaq pyeuf-awr; Aqyawf, ngaq-anr deuvpir naeqlaf-eu ghaq pyeuf-eu mae; Ngar, nyinyi-aer maq ghaelar.

Jaceuq 122:1

Aqcawq, ngaq-anr heulof-aer aer ngae, ngar laqkhaq caer-euq ma, “Dzawq! Ya’we Miqyaer-euq nymr-anr le kar-eur.”

Jaceuq 123:1

Mq-euq khoertav jawr-eu ghaq-or! Ngaq-euq myavnuiv, nawr jawr-eu paw ciqpyawr laf-awr hawluf-eu ma.

Jaceuq 27:1

Ya’we Miqyaer-aq, ngaq-euq yawshaef hawr-eu ngaq-anr bibuq-ir-eu ghaq mae. Ngar, aqsur ghaq-anr yaguv-eu la? Ya’we Miqyaer-aq, ngaq-euq daefzir-euq ghaq pyeuf-eu mae. Ngar, aqsur ghaq-anr guvkhar parza-eu la?

Panmaeq 14:1

Hawsher-eq. Ngar hawghaelef ngae, Ziroq gawqjawq-euq khoertav Yawrzaq yawfluf-eu gar ya’mawr-euq ma. Yawrzaq naeq-aer tsawrhaq 144,000 ghaq yawfluf-eu mae. Aqyawf maf-euq narkhawr-anr aqyawf-euq Aqda-euq tsawrmyanr boftaq-euq mae.

Jaceuq 25:8

Ya’we Miqyaer muiq-awr dawrcoeni ghae-eu mirnae, Iqbaxzaq, aqyawf-euq garma-anr canni maeqnaeq-eu mae.

1 Beˬtuˆluˆ 1:21

Miqyaer, aqyawf-anr shir-euq gar nae bi ghofdaef lar-awr, yawshaef khanqsaer bifnaeq-euq mirnae, nawmaf-euq jan-eu jeq hawr-eu noeqtmq-eu jeq, Miqyaer-euq lafkhoer anr-eu mae. Nawmaf-aq, Kali-euq baqda’nae Miqyaer-anr janluf-eu mae.

Jaceuq 147:11

Ya’we Miqyaer, aqyawf-anr guv-eu tsawrhaq deuq-anr nuikhanr shir-awr, Aqyawf ghawqshaq gaq-eu jeq-anr, Noeqtmq-eu tsawrhaq deuq-anr nuikhanr shir-eu mae.

Jaceuq 124:1

Irsaqleqlav tsawrhaq-or! Heulof-aer aer-awq, “Ya’we Miqyaer, aqdui jawr-eu paw maqpyawr-euq lawnmr-aq,”

Jaceuq 46:5

Miqyaer, meuq heumeuq-euq lafkhoer jawr-awr, Meuq heumeuq tiqjawr-iq maqcoq-ir-ar. Uqbya byalar ngae, Miqyaer, meuq heumeuq-anr cawbale taef-a.

Jaceuq 20:8

Aqyawf maf-aq, awbyav ghae-awr gacoq-euq mae. Aerkhawf, aqdui maf-aq, turlar-awr dawrcoeni yawfluf ma.

Jaceuq 46:6

Tsawrjeuq tsawrca deuq tsawqzur lar-awr, mirkhanq deuq nyaenyae-aer ghaelar taq-euq mae. Miqyaer, aqyawf-euq tersar ngaeqdovlef ngae, mirtsaq tanqkhawr guir-ir-eu mae.

Jaceuq 62:3

Nawmaf, tsawrhaq tiq ghaq-anr aqmyan keuvni cae-eu laer ghae-eu le? Nawmaf dawqtawvluf coq-ir luf-eu kmrcaer, Hawr-eu yawf-ir taq-euq lanr lof-aer yabi saefdzaejir taef-a.

Jaceuq 62:7

Ngaq-anr kakhof-eu jeq hawr-eu ngaq-euq khanqsaer, Miqyaer-euq lafkhoer jav-eu mae. Ngaq-euq ghaq pyeuf-eu logur hawr-eu ngar caevzafduq, Miqyaer-euq lafkhoer jav-eu mae.

Dawqdaq 10:25

Jaqlaer laerzeuv yawkawr-aer bawbyov ghae-eu lof-aer, Tsawrcawv deuq maqpar dzaeqlar-ar. Aerkhawf, tsaq-awr dawr-eu tsawrhaq-aq, Li-eu maqbawni dawqpaeq zif taef-a.