Jaceuq 122:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Aqcawq, ngaq-anr heulof-aer aer ngae, ngar laqkhaq caer-euq ma, “Dzawq! Ya’we Miqyaer-euq nymr-anr le kar-eur.”

Akha

¹ Sahˬpaˬ Miˬyehˇ-euˬ nymˇ-ahˇ le kaˇ-euˇ lehˇ aˬ cawˬ ngaˬ-ahˇ ehˇ ngeh, ngaˇ laˬ kʼaˬ cehˇ-euˬ ma.

Jaceuq 122:1 Referans Kwoze

Jaceuq 84:10

Nawq-euq nymr-euq povka tiq nan jawr-eu-aq, Nuigar 1,000 nan jawr-eu navmaqtser poeq nya. Tsawrcawv-euq saeqghawv-euq lafkhoer jawr-eu navmaqtser, Miqyaer-euq nymr-euq ghovkhaeq-anr yawf-awr lof-eu-aq, Ngar nuikhanr shirdzaeq ma.

Jaceuq 134:1

Hawsher-eq! Nawmaf, Ya’we Miqyaer-euq kuirlaf zaqkhav dawqtawvluf, Ya’we Miqyaer-anr jaceuq-awq! Uqcif paw, Ya’we Miqyaer-euq nymr-euq lafkhoer yawfluf-eu deuq, Aqyawf-anr jaceuq-awq.

Jaceuq 120:1

Ngar guv-awr gav-eu jeq-anr tanqpuq ngae, Ya’we Miqyaer-anr kur ma. Aqyawf, ngaq-anr narhaq naeqlaf-eu mae.

Jaceuq 128:1

Ya’we Miqyaer-anr guv-awr, Aqyawf-euq garma-anr can-eu yawqghaq navluf, Guiqlanq huiq-eu mae.

Jaceuq 121:1

Ngar, ngaq-euq myavnuiv ciqpyawr-awr gawqjawq paw hawdav lef-eu ma; Ngaq-anr cawba-eu jeq aqgeugar nae dovle-eu la?

Jaceuq 123:1

Mq-euq khoertav jawr-eu ghaq-or! Ngaq-euq myavnuiv, nawr jawr-eu paw ciqpyawr laf-awr hawluf-eu ma.

Jaceuq 55:14

Arnyaf, tsawrhaq baqmaf naeq-aer Miqyaer-euq nymr-anr tiqkawv lof-aer candav lefluf ngae, Dawqghoer ngaeq-awr maeqbawq mr-euq ma.

Jaceuq 133:1

Hawsher-eq, maernmr deuq nuima gm-awr tiqgar taef-aer jawrtaf-eu, Arnavni muiq-awr arnavni nuikhanr shirlar paq-aer ghae-eu nga!

Jaceuq 131:1

Ya’we Miqyaer-or! Ngaq-euq nuima maqhuiq-aer, Ngaq-euq myavnuiv khawf, janrghae-eu jeq maqanr; Ngar, ardzaeq-aer huiq-eu garkawv maq sharnoeq-aer, Yawqha-anr maqgeux-eu jeq maq sharsawx-aq.

Jaceuq 130:1

Ya’we Miqyaer-or! Naf duidui-eu gar nae, ngar, nawq-anr gurgaq luf-eu ma.

Jaceuq 127:1

Ya’we Miqyaer maqtsov-eu lawnmr-aq, Nymr tsov-eu tsawrhaq nae mr-euq gar-aq, yawqngaef mae. Ya’we Miqyaer maq lofpir-eu lawnmr-aq, Meuq-anr lofpir-eu tsawrhaq maq yufkhavni lof-eu khawf yawqngaef mae.

Jaceuq 125:1

Ya’we Miqyaer-anr ghoe-eu tsawrhaq deuq-aq, Tiqjawr-iq maq nyilar-aer, mqmaq maqbyav yarzir zif-eu Ziroq gawqjawq-anr dur-eu mae.

Jaceuq 124:1

Irsaqleqlav tsawrhaq-or! Heulof-aer aer-awq, “Ya’we Miqyaer, aqdui jawr-eu paw maqpyawr-euq lawnmr-aq,”

Jaceuq 119:111

Nawq-euq dawqdzawr-aq, ngaq-euq nuima gharduq laqkhaq caer-eu jeq pyeuf-eu mirnae, Mqmaq maqbyav yarzir ngaq-euq jeqbir pyeuf-eu mae.

Jaceuq 129:1

Irsaqleqlav-anr heulof-aer bi’aer-awq, “Ngar, zaqguq ngae nae, aqyawfmaf, ngaq-anr khaeqnaeq khavnaeq laf-euq mae.”

Jaceuq 126:1

Aqcawq nae bi nyaefbyov ghae-euq tsawrhaq, Ya’we Miqyaer nae, Ziroq-anr bi sheuqkhof laf-euq mirnae, yufmav mav-euq gar dur nya.

Jaceuq 42:4

Ngar, tsawrhaq armaf mafma naeq-aer le-awr, Ngar, aqyawfmaf naeq-aer Miqyaer-euq nymr-anr le-euq ma. Laqkhaq caer-eu tersar hawr-eu jaceuq-eu lafkhoer, Tsawrhaq armaf mafma naeq-aer guiqlanq-euq yawbui bui-eu mae. Ngar heudeuq-anr noeqmawrlar ngae, Ngaq-euq nuima saflar shaevdov lef-euq ma.

Jaceuq 132:1

Ya’we Miqyaer-or! Daqbir-anr noeqmawr naeqlaf-awr, Aqyawf nae yadaq-euq shaqzanq dawqtawv luf-anr noeqkeuv naeqlaf-awq.

Jaceuq 26:8

Ya’we Miqyaer-or! Ngar, nawq-euq yawshaef khanqsaer jav-eu jawrduq hawr-eu, Nawq-euq jawrduq pyeuf-eu nawq-euq nymr-anr gaq-euq ma.