Jaceuq 120:4 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Tav duidui-eu guirzaq-euq kavmyaq hawr-eu, Yavpyawr arbawr-euq khaqgheuq-anr nerhoqni dofluf-eu miqdzaq miqdziv nae darnaeqlaf taef-a.

Akha

⁴ Guiˇ deuˆ-eu deuˬ-euˬ taˆ dui dui-eu kaˆ myaˬ hawˇ-eu, neˇ hoˬ ni doꞈ-eu miˬ jiˆ neh kʼehˬ nehˬ laꞈ tehꞈ-a.

Jaceuq 120:4 Referans Kwoze

Dawqdaq 19:9

Maqtsaq maqdawr-eu tsawrkaq-aq, dar-eu gar maqya daq-aer maqdzeur-ir nya-ar. Jaqmyawf myawf-eu tsawrhaq khawf yacawv-ir taef-a.

Dawqdaq 18:21

Maeqlar-aq, toeqshir toeqdaef-eu baoq anr-eu mae. Maeqlar-euq baoq-anr gaq-eu tsawrhaq-aq, Baoq khoer-euq arsiq yadzaq-eu mae.

Dawqdaq 19:5

Maqtsaq maqdawr-eu tsawrkaq-aq, dar-eu gar maqya daq-aer maqdzeur-ir nya-ar. Jaqmyawf myawf-eu tsawrhaq khawf, maq caevdzeur nya-ar.

Dawqdaq 16:27

Gardanr maqtsoeq-eu tsawrhaq-aq, Yawdoer jeq duqdov laf-awr, Aqyawf-euq maeqluq-euq khoertav, Miqdzaq puivluf-eu gar dur-eu mae.

Jaceuq 45:5

Nawq-euq kavmyaq-euq yawtav, Sanqpaq-anr muir-eu deuq-euq nuima-anr beuvtsov-awr, Tsawrhaqzaq, nawq-euq uqmov ya galan ghae taef-a.

Panmaeq 21:8

Aerkhawf, guvcoer-eu, maqjan-eu, nuidav davlar paq-aer ghae-eu jeq mr-eu, tsawrhaq saef-eu, banq-awr khaqmiq sheu-eu, nyirpaq shavma geuf-eu, tanqpanq aqma mawrkawr-anr uqduq tanq-eu hawr-eu jaqmyawf myawf-eu tsawrhaq dawqtawvluf, tsawrhaq heudeuq-anr of-eu jawrduq-aq, miqdzar dzarshuir dofluf-eu miqdzaq-euq lan mae. Heu-aq, nyiq pov tiqpov shir-eu jeq pyeuf-eu mae.”

Dawqdaq 12:22

Ya’we Miqyaer, jaqmyawf myawf-eu maeqluq-anr, Nuidav dav-eu mae. Aerkhawf, sarjax zif-eu lafkhoer mr-eu deuq-anr, Aqyawf nuikhanr shir-eu mae.

Dawqdaq 11:18

Tsawrcawv-aq, jaqmyawf maershuir-euq gar mr-eu mae. Aerkhawf, tsaq-awr dawr-eu siqyoeq saeq-eu tsawrhaq-aq, Mrpoeq lafsawq za-eu yawduq baw-eu mae.

Dawqdaq 11:12

Zaqsiq tsawrganr maqanr-eu tsawrhaq-aq, Yawqha-euq dawqpae jawr-eu tsawrhaq-anr hawdoer-eu mae. Aerkhawf, ghovshaw nya-eu tsawrhaq-aq, ciqcurni jawr-eu mae.

Dawqdaq 11:9

Miqyaer-anr maqguv-eu tsawrhaq-aq, Aqyawf-euq khaqmae nae, aqyawf-euq dawqpae jawr-eu tsawrhaq-anr lavcawv-eu mae. Aerkhawf, tsaq-awr dawr-eu tsawrhaq-aq, Siqnya-eu tsawrganr-anr ghoe-awr nae yabuq-ir taef-a.

Jaceuq 59:7

Aqyawf maf-euq maeqluq-euq lafkhoer micaer anr-awr, Haeqsher-eq, aqyawf maf-euq khaqmae bufbuf-aer tor-eu mae; Aqyawfmaf aer-eu, “Aqsur ghaq gaqnya-eu?”

Jaceuq 57:4

Ngaq-euq nuima saflar-aq, arlaqjaqshir-euq ghanrcae jav-awr; Ngar, miqdzaq dof-eu tsawrhaq-euq zaqdeuq-euq ghanrcae yufluf mir-a; Aqyawf maf-euq seuq-aq, ganq hawr-eu kavmyaq-anr dur-awr, Aqyawf maf-euq maeqlar-aq, tav duidui-eu micaer-anr dur-eu mae.

Jaceuq 52:5

Miqyaer, nawq-anr yurdzae-eu laer, nawq-euq jawrduq-anr nae gheudov-awr, Aqyawf, nawq-anr yawdaefzaq-euq mirtsaq-anr nae mqmaq maqbyav yarzir lavcawv-eu laer, Duqcir-anr nae gheudzae taef-a. Sela.

Jaceuq 7:13

Miqyaer, aqyawf-anr saef-eu keuka laeqhmq taq-awr, Miqdzaq dof-eu kavmyaq janrtaq-euq mae.

Dawqdaq 18:8

Dawqsav savkhoeq-eu tsawrhaq-euq dawq-aq, Dzarkuir dzarmyaer-anr dur-awr, Dawq khoerdeuq uqmav-euq lafkhoer nyif-ir-eu mae.