Jaceuq 119:43 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴³ Ngaq-euq khaqmae-anr nae yawtsaq yawdawr-euq dawq taq yurdovjir naeqlaf. Aqjeq mirnae aernar-aq, ngar, nawq-euq bifdawq-anr noeqtmq taq-euq ma.

Akha

⁴³ Nawˇ yaˇ kʼaˬ daˇ-eu jeˬ-ahˇ ngaˇ noeˬ tmˬ luꞈ-eu miˇ neh, aˬ myah luꞈ tsaˬ-eu dawˇ-eu dawˬ ngehˬ nya ni caw ba nehˬ laꞈ.

Jaceuq 119:43 Referans Kwoze

Jaceuq 9:4

Aqjeq mirnae aernar-aq, nawr nuirmanq-euq khoertav nuir-awr nae, tsaq-awr dawr-eu lafkhoer yarkhaq darluf-awr, Ngaq-anr of-eu jeq hawr-eu ngaq-anr tsaq-eu jeq, nawr janrtsaq naeqlaf-euq mae.

1 Beˬtuˆluˆ 2:23

Aqcawq, aqyawf-anr yaeqbawq-aer aer-euq khawf, aqyawf yaeqbawq-aer maq ngaeqkhof haw-aq. Aqyawf shaqzanq yadaq ngae khawf, aqcawq-anr guvtsiq nyaef-eu dawq maqngaeq-aer, aqyawf-euq mawrdo, tsaq-awr dawr-eu lafkhoer yarkhaq dar-eu Miqyaer-euq aqlaf-euq lafkhoer a’naeq-euq mae.

Eˇpeˇsu 1:13

Nawmaf-anr kakhof nya-eu yawtsaq yawdawr-euq guiqlanq dawq-anr yagaq ngae, nawmaf, Kali-anr ghoelar-euq mae. Khoermirnae, jan-eu lafkhoer sarjax biftaq-euq lof-aer, Yawshawr Saflar-anr ghoe-awr nawmaf-anr jmq diqtaq-euq mae.

Jaceuq 119:175

Ngaq-euq nuima saflar, nawq-anr jaceuq nya’ni, Yawdaef bidaef naeqlaf-awq; Nawq nae yarkhaq dar-euq jeq, ngaq-anr bi cawba naeqlaf-awq.

Yaˬkoˆ 1:18

Khar baetaq-euq yawqjeq navluf-euq lafkhoer, aqdui-aq, awfbae baelar-euq arsiq lof-aer pyeufni, aqyawf nuima khartsaq-eu lof-aer yawtsaq yawdawr-euq dawq-anr ghoe-awr, aqdui-anr bi daefle-euq mae.

Jaceuq 119:52

Ya’we Miqyaer-or! Arhu nawq nae yarkhaq dar-euq gar, Ngar noeqkeuv-awr, ngar nuisar za-euq ma.

Jaceuq 119:13

Nawq-euq khaqmae nae dar-euq jeq dawqtawvluf, Ngaq-euq maeqluq nae dzawrpov ma.

Jaceuq 119:120

Ngar, nawq-anr guv-eu mirnae, ngaq-euq shiqshaq yawdzuqdzuq mir-a. Nawr yarkhaq dar-eu gar ngar yawkhav-aer guv nya.

Jaceuq 50:16

Aerkhawf, Miqyaer, tsawrcawv deuq-anr heulof-aer aer-eu mae; “Nawmaf, aqgeu gar-euq aryaq nae ngaq-euq zanrtaq khoftaq dzawr-awr, Ngaq-euq dawqma sarjax, nawmaf-euq khaqmae torluf-eu le?

Jaceuq 43:1

Miqyaer-or! Ngaq-anr japir naeqlaf-awr, Miqyaer-anr yawzeu maqbaw-eu tsawrjeuq tsawrca naeq-aer, Ngaq-euq garkawv yarkhaq jadan naeqlaf-awq. Jaqmyawf maershuir hawr-eu maqdawr maqtsaq-eu tsawrhaq-anr nae, Ngaq-anr bibuq-ir laf-awq.

Jaceuq 9:16

Ya’we Miqyaer aqjox-aer ghae-eu la laer-aq, aqyawf yarkhaq dardov laf-eu gar nae siqlar-eu mae. Tsawrcawv-aq, yawqha-euq aqlaf nae mr-euq jeq-euq lanrju-anr pafler-eu lof-aer pafler-eu mae. Dzardziv dziv-awq. Sela.

Jaceuq 119:74

Ngar, nawq-euq dawq-anr noeqtmq-eu mirnae, Nawq-anr guv-eu tsawrhaq deuq, ngaq-anr mawr ngae, laqkhaqcaer taef-a.

Jaceuq 119:81

Ngaq-euq nuima saflar, Nawq-euq kakhof-eu jeq-anr za’mawf duidui-awr; Ngar, nawq-euq dawq-anr noeqtmq-eu ma.

Jaceuq 119:114

Nawr-aq, ngar caevzafduq hawr-eu ngaq-euq daeqdaqduq pyeuf-awr, Ngar, nawq-euq dawq-anr noeqtmq ma.

Jaceuq 119:147

Ngar, uqshawq paw nanrma maq dovlar-euq minav-aer tur-awr, Ngaq-anr cawba naeqlaf laer gurluf-eu ma; Ngar, nawq-euq dawq-anr noeqtmq ma.