Jaceuq 119:34 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁴ Ngar, nawq-euq zanrdawq-anr aqdir cantae-awr, Ngaq-euq nuima dawqtawvluf mrcaw nya’ni, Ngaq-anr ghovshaw nya-eu jeq bifnaeq laf-awq.

Akha

³⁴ Nawˬ-euˬ zahˇ dawˬ kʼoꞈ dawˬ-ahˇ ngaˇ caw teh-awˇ, nui ma gʼawˇ mawˇ laꞈ kʼoeˇ juiˇ taˬ nya-eu gʼaˇ duˬ, ngaˇ gʼoˆ shaw nya ni mehˬ nehˬ laꞈ.

Jaceuq 119:34 Referans Kwoze

Maꞈtehˬ 7:24

“Khoermirnae, ngar maeq-eu dawq heudeuq gaq-awr mrcaw-eu aqsur ghaq maqkaq, khaqlo-euq khoertav zeurdanr danr-awr nymr tsov-euq zaqsiq tsawrganr anr-eu tiq ghaq-anr dur-eu mae.

Yaˬkoˆ 1:5

Nawmaf-euq lafkhoer tiqghaqnav zaqsiq tsawrganr teqluf nar-aq, Miqyaer-anr shar-eu tsaq mae. Miqyaer, aqyawf-anr bif taef-a. Aqjeq mirnae aernar-aq, Miqyaer-aq, aqyawf-anr kharshar-eu tsawrhaq-anr maqdaeq-aer ghawqmya’ni bif-eu mae.

Jaceuq 119:73

Nawq-euq aqlaf nae, ngaq-anr bae-awr taevmuiq naeqlaf-euq mae. Ngar, nawq-euq zanrdawq khofdawq-anr dzawgeuf nya’ni, ngaq-anr ghovshaw nya-eu jeq bifnaeq laf-awq.

Yaˬkoˆ 1:25

Bibuq-ir-eu, byan duidui-eu zanrdawq-anr hawduq taq-euq uqtaf, aqmyanluf mrcaw-eu tsawrhaq-aq, aqyawf yagaq-awr maqngaerni mrdov shardov laf-eu mae. Khoerlof-aer ghae-eu tsawrhaq-aq, aqyawf mr-awr shar-eu yawqjeq navluf-euq lafkhoer guiqlanq baw taef-a.

Yoˇhaˬ 7:17

Miqyaer nuima tsaqni mrmawf-eu tsawrhaq-aq, ngar maeq-eu dawqmaeq dawqtsov heu, Miqyaer nae bimaeq-euq nga lor? Maqngeur nar-aq, ngar yawqha yawqha ngaeq-eu nga laq laer siqnya taef-a.

Jaceuq 119:69

Janrghae-eu tsawrhaq jaqmyawf myawf-awr, ngaq-anr aerdoer-eu khawf, ngaq-euq nuima dawqtawvluf, Nawq-euq maeqdawq-anr mrcaw ma.

Jaceuq 119:58

Ngaq-euq nuima dawqtawvluf, Nawq-euq ghoer mr-eu jeq-anr tanqshar-eu ma. Nawq nae sarjax dzaqtaq-euq lof-aer, Ngaq-anr ghawqshaq gaqnaeq laf-awq.

Jaceuq 119:10

Ngaq-euq nuima dawqtawvluf nawq-anr pov ma. Ngar, nawq-euq zanrdawq khofdawq-anr nae garbanq taqbi banq-ir naeqlaf.

Maꞈtehˬ 5:19

Khoermirnae, aqsur ghaq maqkaq, zanrdawq khofdawq-euq lafkhoer nae nyirdzaeq dzaeq-eu tiq dawq-anr maq mrcaw-aer, aqcawq-anr khawf khoerlof-aer maeqnaeq tsovnaeq nar-aq, aqyawf-aq, mqtav mirkhanq-euq lafkhoer nyirdzaeq dzaeq-eu ghaq laer yabi kur taef-a. Aerkhawf, aqsur ghaq maqkaq, aqyawf mrcaw-eu uqtaf, aqcawq khawf khoerlof-aer mrcawni maeqnaeq tsovnaeq nar-aq, aqyawf-aq, mqtav mirkhanq-euq lafkhoer yawhuiq ghaq laer yabi kur taef-a.

Jaceuq 111:10

Ya’we Miqyaer-anr guv-eu jeq-aq, zaqsiq tsawrganr-euq ardanq baeduq mae. Aqyawf-euq zanrdawq khofdawq-anr khar mrcaw-eu tsawrhaq deuq-aq, Yawmuiq-aer ghovshaw nya-eu tsawrhaq mae. Aqyawf-anr jaceuq-eu jeq mqmaq maqbyav yarzir gmq taef-a.

Yaˬkoˆ 4:11

Aqyuif aqnyir deuq-or! Nawmaf-euq yawkaq tiqghaq tirghaq taq jadoer, taq jacawv. Tsawrhaq tiqghaqnav aqyuif aqnyir-anr jadoer-awr, yarkhaqdar nar-aq, zanrdawq-anr jadoer-awr yarkhaq dar-eu mae. Nawr zanrdawq-anr yarkhaqdar nar-aq, nawr-aq, zanrdawq-anr narhaq geuf-eu tsawrhaq maqngeur-aer, zanrdawq-anr yarkhaq dar-eu tsawrhaq mae.

Jaceuq 39:2

Ngar yawmuiq jeq khawf maqngaeqni, Aqdzawq lof-aer ciqcurni jawr ngae, Ngaq-euq ghawqshaq-aer ghae-eu jeq tanqdav laf-eu mir-a.

Jaceuq 119:2

Nuima dawqtawvluf aqyawf-anr pov-awr, Aqyawf-euq dawqdzawr-anr cantae-eu tsawrhaq-aq, guiqlanq huiq-eu mae.

Jaceuq 119:66

Ngar, nawq-euq zanrdawq khofdawq-anr jan-eu mirnae, Ngaq-anr yarkhaq yawmuiq-aer dar-eu jeq hawr-eu siqnya-eu tsawrganr maeqnaeq laf-awq.

Jaceuq 119:100

Ngar, nawq-euq maeqdawq-anr mrcaw-eu mirnae, Ngar, tsawrmawq deuq-euq navmaqtser ghovshawnya dzaeq-eu ma.

Jaceuq 119:104

Ngar, nawq-euq maeqdawq-euq baqda’nae, ghovshawnya lar-euq mirnae, Ngar, maqtsaq maqdawr-eu garma yawqkanr navluf-anr byae nya.

Jaceuq 119:125

Ngar-aq, nawq-euq kuirlaf zaqkhav ma; Ngar, nawq-euq dawqdzawr-anr siqnya larni, Ngaq-anr ghovshaw nya-eu jeq bifnaeq laf-awq.

Jaceuq 119:130

Nawq-euq dawq urlar ngae yawshaef bif-awr, Maqdzaw-euq zaq-anr ghovshaw-eu jeq bif-eu mae.

Jaceuq 119:144

Nawq-euq dawqdzawr-euq tsaq-awr dawr-eu jeq-aq, Mqmaq maqbyav yarzir zif-eu mae; Ngar yawdaef yadaefni, ngaq-anr ghovshaw nya-eu jeq bifnaeq laf-awq.

Jaceuq 119:169

Ya’we Miqyaer-or! Ngar gur-awr shar-eu nawr jawr-eu gar bi larkeuv naeqlaf-awq. Nawq-euq dawq aertaq-euq lof-aer, Ngaq-anr ghovshaw nya-eu jeq bifnaeq laf-awq.