Jaceuq 119:21 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²¹ Nuima huiq-awr yaqkhaer yaq-eu gar yadaq-eu tsawrhaq hawr-eu, Nawq-euq zanrdawq khofdawq-anr garbanq banq-eu tsawrhaq-anr, nawr lmqnaeq-eu mae.

Akha

²¹ Nui ma huiˬ-eu mahˇ-eu deuˬ-ahˇ nawˇ byehˇ dzeh-eu meh. Nawˬ-euˬ zahˇ dawˬ kʼoꞈ dawˬ-ahˇ maˬ naˇ haˬ geuꞈ-eu deuˬ yaˬ kʼehˇ yaˬ gaˇ ya daˬ luꞈ-uˇ.

Jaceuq 119:21 Referans Kwoze

1 Beˬtuˆluˆ 5:5

Khoerlof-aer durni, nawmaf zaqguq deuq khawf, aqyuif aqtsu deuq-euq lafov yawmuiq-aer jawr-awq. Nawmaf yawqghaq navluf paerkhanq dm-eu lof-aer nuinanq nuiyu dmdav-awr, tiqghaq tirghaq-euq lafov yawmuiq-aer jawr-awq. Aqjeq mirnae aernar-aq, “Miqyaer, nuima huiq-eu tsawrhaq-anr lavtsoeq-awr, Nuinanq nuiyu anr-eu tsawrhaq-anr guiqlanq yawdzanr bif-eu mae.” (Dd 3:34)

Jaceuq 119:10

Ngaq-euq nuima dawqtawvluf nawq-anr pov ma. Ngar, nawq-euq zanrdawq khofdawq-anr nae garbanq taqbi banq-ir naeqlaf.

Jaceuq 119:118

Nawr, nawq-euq zanrtaq khoftaq-anr nae garbanq banq-ir-euq deuq-anr byaerdzae-eu mae. Aqjeq mirnae aernar-aq, aqyawf maf-euq maershuir-aq, jaqmyawf pyeuf-eu mae.

Luˇkaꞈ 18:14

Ngar, nawmaf-anr aernaeq nyar, Paqliqsaer khoerghaq navmaqtser, jeq taf-eu khoerghaq tsaq-awr dawr-eu tsawrhaq pyeuflar-awr, irkanr ghof-ir-euq mae. Aqjeq mirnae aernar-aq, yawqhar yawqha taqhuiq-eu tsawrhaq yawqghaq navluf, taqnyir-eu gar yadaq-awr, yawqhar yawqha taqnyir-eu aqgeu ghaq maqkaq, yabi taqhuiq taef-a.”

Luˇkaꞈ 14:11

Aqjeq mirnae aernar-aq, yawqhar yawqha taqhuiq-eu aqsur ghaq maqkaq, taqnyir-eu gar yadaq-awr, yawqhar yawqha taqnyir-eu aqgeu ghaq maqkaq, taqhuiq-eu jeq yaza taef-a.”

Jaceuq 119:110

Tsawrcawv, ngaq-anr lanrju khmrtaq-euq mae. Aerkhawf, ngar, nawq-euq maeqdawq-anr nae maq canbyov.

Yaˬkoˆ 4:6

Aerkhawf, Miqyaer-aq, guiqlanq yawdzanr ghawqmya’ni bifnaeq laf-eu mae. “Miqyaer, nuima huiq-eu tsawrhaq-anr lavtsoeq-awr, nuima nanqyuni anr-eu tsawrhaq-anr guiqlanq yawdzanr bif-eu mae,” (Dd 3:34) laer Yaerbof-euq lafkhoer aertaq-euq mae.

Gaˬlaˬtiˆ 3:13

Kali-aq, aqdui-euq gharduq yaqkhaer yaqgar yadaq-euq mirnae, zanrdawq-euq lafkhoer boftaq-euq yaqkhaer yaq-eu jeq-anr nae aqdui-anr kakhof naeqlaf-euq mae. Aqjeq mirnae aernar-aq, “Arbawr-euq khoertav kharbi gheuceuq taq-euq tsawrhaq yawqghaq navluf yaqkhaer yaqgar daqluf-eu tsawrhaq mae,” (Dm 21:23) laer Yaerbof-euq lafkhoer boftaq-euq mae.

Jaceuq 138:6

Ya’we Miqyaer-aq, yawgor-anr jawr-eu khawf, Aqyawf, yaw’aw-anr jawr-eu deuq-anr noeqkeuv-eu mae; Aerkhawf, nuima huiq-eu deuq-anr-aq, garmanr kaq-eu gar nae siqnya-eu mae.

Jaceuq 119:78

Janrghae-eu tsawrhaq deuq, Ngaq-anr maqtsaq maqdawr-eu lafkhoer mrbanq naeqlaf-euq mirnae, Aqyawf maf-anr shafdawr-ir paq-aer janrnaeq-awq; Ngar ghaq-aq, nawq-euq maeqdawq-anr dzardziv dziv ma.