Jaceuq 119:18 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁸ Ngar, nawq-euq zanrdawq-euq lafkhoer anr-eu zanqler paq-aer muiq-eu jeq mawrnya’ni, Ngaq-euq myavnuiv-anr pannaeq laf-awq.

Akha

¹⁸ Nawˬ-euˬ zahˇ dawˬ kʼoꞈ dawˬ laꞈ kʼoeˇ ahˇ-eu zahˬ leˇ paˬ-ehˇ gʼeh-eu yaw tsaˬ yaw dawˇ jeˬ mawˇ nya ni, ngaˬ-euˬ myaˆ nuiˆ-ahˇ pah nehˬ laꞈ.

Jaceuq 119:18 Referans Kwoze

Gʼaˬkʼehˇ 26:18

Aqyawf maf-euq myavnuiv pannaeq-awr, yawzanr-euq lafkhoer nae yawshaef jav-eu gar bilar-awr, naef Saqdaq-euq baoq-euq uqmov jawr-eu gar nae Miqyaer jawr-eu paw bi ghoflar-eu uqtaf, ngaq-anr jan-eu baqda’nae, Miqyaer, aqyawf maf-euq iqbax pyaeqnaeq-awr, muiqlar shawrlar-euq tsawrhaq naeq-aer jeqbir za’ni, ngar, nawq-anr aqyawfmaf jawr-eu gar bi’ir-eu ma.’ ”

Maꞈtehˬ 13:13

Aqyawfmaf haw khawf maq hawmawr nya-aer, narhaq khawf maq gaqnya-eu uqtaf, aqyawfmaf maq ghovshaw nya-eu mirnae, ngar, aqyawf maf-anr yawjeq majeq dawq-anr nae maeqnaeq-eu ma.

Yoˇhaˬ 9:39

Khoerngae, Yeqsur aer-eu, “Myavnuiv maq mawrnya-eu tsawrhaq myavnuiv mawrnya lar-awr, myavnuiv mawrnya-eu tsawrhaq-aq, myavbaef baef-ir ni, ngar yarkhaq dar-eu laer mirtsaq-euq khoertav oe-euq ma.”

Maꞈtehˬ 16:17

Khoerngae, Yeqsur, aqyawf-anr heulof-aer aernaeq-euq mae, “Yornav-euq zaqyo Sirmoq-or! Nawr-aq, guiqlanq huiq-eu mae. Aqjeq mirnae aernar-aq, garkawv heu tsawrhaqzaq nae nawq-anr panmaeq naeq-euq maqngeur-a. Mq-euq khoertav jawr-eu ngaqDa nae nawq-anr panmaeq naeq-euq mae.

Panmaeq 3:18

Ngar, nawq-anr maeqbawq bifnaeq nyar. Nawr smrmuiq muiqlarni, ngar jawr-eu gar miqdzaq nae kharshawr taq-euq shuir zeurlar-awq. Nawr nermyawvni shafdawrlar paq-aer jawr-eu gar aqcawq maqya hawmawrni, maeqtsoeq yawpyur zeurdm lar-awq. Khoeruqtaf, nawq-euq myavnuiv mawrnya larni, myavnuiv-anr laef-eu javghaq zeurlar-awq.

HeˬByehˇ 8:5

Aqyawfmaf mrluf-eu khoer-aq, mq-euq khoertav mr-eu jeq-euq narshmr hawr-eu arbar lovni taef mae. Morseq saqpar saeqghawv ghawv-eu laer ghae ngae, Miqyaer, Morseq-anr heulof-aer aernaeq-euq mae, “Yawqjeq navluf gawqjawq-euq khoertav nawq-anr bimawr-euq arbar lof-aer durni, yawmuiq-aer ghawv-awq.” (Di 25:40)

Jaceuq 119:96

Ngaq nae ya’mawr-euq-aq, Yawqjeq navluf byan-awr kuf-eu khoer-aq, yawdui baw-eu mae. Aerkhawf, nawq-euq zanrdawq khofdawq-aq, jerloni ghae-eu mae.

HeˬByehˇ 10:1

Zanrdawq-aq, aqkar keuvle-eu yawmuiq jeq-euq narshmr taef-aer pyeuf-awr, aqdir aqmarhmq maqngeur-eu mirnae, aqyawfmaf tiqkhof sair tiqkhof maq tsaevlerni aqyawf tiqjeq taef-aer lawrnaeq-eu khoer-aq, dawqpae le-eu tsawrhaq deuq-anr tiqjawr-iq maqbi byanlar nya-a.

Maꞈtehˬ 20:33

Khoerngae aqyawfnyaf aer-eu, “Sanqpaq-or! Nga’nyaf-euq myavnuiv bi mawrnyalar naeqlaf-awq.”