Jaceuq 119:145 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴⁵ Ya’we Miqyaer-or! Ngaq-anr narhaq naeqlaf-awq! Ngaq-euq nuima dawqtawvluf, Nawq-anr gur-awr sharluf-eu ma. Ngar, nawq-euq zanrtaq khoftaq-anr mrcaw ma.

Akha

¹⁴⁵ Nui ma laꞈ kʼoeˇ keuˆ ni nawˬ-ahˇ ngaˇ kuˇ-eu ma. Sahˬpaˬ Miˬyehˇ-oˇ, ngaˬ-euˬ dawˬ-ahˇ naˇ haˬ nehˬ laꞈ. Nawˬ-euˬ dawˬ-ahˇ ngaˇ naˇ haˬ-eu ma.

Jaceuq 119:145 Referans Kwoze

Jaceuq 119:10

Ngaq-euq nuima dawqtawvluf nawq-anr pov ma. Ngar, nawq-euq zanrdawq khofdawq-anr nae garbanq taqbi banq-ir naeqlaf.

Jaceuq 119:106

Ngar, nawq-euq tsaq-awr dawr-euq zanrsanrkhof mrcaw ma laer, Kamq-awr yawduq lavbaw-euq ma.

Jaceuq 102:1

Ya’we Miqyaer-or! Ngaq-euq shardawq-anr narhaq-awr; Ngar gur-eu tersar, nawr jawr-eu gar bi larkeuv naeqlaf-awq.

Jaceuq 119:115

Yawdoer jeq mr-eu tsawrhaq deuq-or! Caev-awq, ngaq-euq dawqpae taqjawr. Aqjeq mirnae aernar-aq, Ngar, ngaq-euq Miqyaer-euq zanrdawq khofdawq-anr mrcaw ma!

Jaceuq 119:44

Ngar, nawq-euq zanrdawq tiqjawr-iq maqbyaer-aer, Li-eu maqbawni mqmaq maqbyav yarzir cantae ma.

Jaceuq 86:4

Sanqpaq Miqyaer-or! Ngar, ngaq-euq nuima saflar, Nawq-anr ciqnaeq-eu mirnae; Nawq-euq kuirlaf zaqkhav-euq nuima saflar-anr, Laqkhaq bicaer naeqlaf-awq.

Jaceuq 62:8

Miqyaer-aq, aqdui-euq caevzafduq pyeuf-eu mae; Nawmaf, tsawrhaqzaq-or! Nawmaf-euq nuima aqyawf-euq maeqshi shaevdov lef-awr; Aqmyanluf, aqyawf-anr ghoe-awq. Sela.

Jaceuq 119:8

Ngar, nawq-euq zanrtaq khoftaq-anr cantae ma. Ngaq-anr taq byaerdzae tsaevtsaev naeqlaf.

Jaceuq 119:58

Ngaq-euq nuima dawqtawvluf, Nawq-euq ghoer mr-eu jeq-anr tanqshar-eu ma. Nawq nae sarjax dzaqtaq-euq lof-aer, Ngaq-anr ghawqshaq gaqnaeq laf-awq.