Jaceuq 119:140 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴⁰ Nawq-euq dawq-aq, shawr duidui-eu mae. Khoermirnae, nawq-euq kuirlaf zaqkhav, nawq-euq dawq-anr gaq-eu ma.

Akha

¹⁴⁰ Nawˬ-euˬ saˇ jaˇ dawˬ tiˬ dawˬ-iˬ maˬ lehˬ ni tsaˬ-eu meh. Dawˬ kʼoeˇ deuˬ-ahˇ ngaˇ gaˬ dui dui-eu ma.

Jaceuq 119:140 Referans Kwoze

Dawqdaq 30:5

Miqyaer-euq dawq yawqdawq navluf, shawrjaevni ghae-eu mae. Aqyawf-euq lafkhoer, khar caevzaf ler-eu tsawrhaq deuq-euq gharduq, daeqdaqduq pyeuf-eu mae.

Jaceuq 19:8

Ya’we Miqyaer-euq zanrtaq khoftaq-aq, tsaq-awr nuima-anr laqkhaq bi caerlar-eu mae. Ya’we Miqyaer-euq zanrdawq khofdawq-aq, shawrjaevni ghae-awr, myavnuiv-anr bi mawrshawr lar-eu mae.

Jaceuq 12:6

Ya’we Miqyaer-euq dawq-aq, Mirtsaq-euq miqdzaq tsawqbym-anr shif pov byan’ni shawr-euq pyur lof-aer shawr-eu dawq mae.

2 Beˬtuˆluˆ 1:21

Aqjeq mirnae aernar-aq, Miqyaer gharduq ngaeqdan-eu dawq-aq, tiqpawf-iq tsawrhaq-euq nuinoeq nuikhanr-anr nae dovle-euq maqngeur-a. Aerkhawf, Miqyaer-euq shawr-eu tsawrhaq deuq-aq, Yawshawr Saflar nae bi noeqdov-euq lof-aer ngaeq-eu mae.

Lormav 7:22

Aqjeq mirnae aernar-aq, ngaq-euq lafkhoer paw-euq saflar taef lawnmr-aq, Miqyaer-euq zanr-anr laqkhaqcaer mir-a.

Lormav 7:12

Khoermirnae, zanrdawq-aq yawshawr mae. Zanrdawq khofdawq-aq, shawr-awr, dawr-awr tsaq-eu uqtaf, yawmuiq mae.

1 Beˬtuˆluˆ 2:2

Zaqnanq, aqcoer dawrmawf-eu lof-aer, nawmaf khawf, shawrjaevni ghae-eu aqcoer pyeuf-eu Yaerdawq-anr dawrmawf-awq. Dawr nar-aq, nawmaf huiqlar manrlar taef-a.

Jaceuq 119:128

Khoermirnae, ngar, yawqjeq navluf-anr taf-eu nawq-euq maeqdawq dawqtawvluf tsaq-eu ngar-a laer noeqduq-awr, Ngar, jaqmyawf-euq garma yawqkanr navluf-anr byae-eu ma.

Jaceuq 18:30

Miqyaer heughaq-aq, aqyawf-euq garma byan duidui-awr; Ya’we Miqyaer-euq dawq-aq, aertaq-euq lof-aer tsaq nga laer mawrlar-eu mae. Aqyawf-aq, aqyawf-anr ghoe-eu deuq-euq gharduq, daeqdaqduq pyeuf-eu mae.

Lormav 7:16

Ngar maq mrmawf-eu deuq-anr ngar mr nar-aq, zanrdawq-aq, yawmuiq mae laer ngar aerluf-eu gar dur-eu mae.

Jaceuq 12:7

Ya’we Miqyaer-or! Nawr, aqyawf maf-anr hawpir naeq-awq. Li-eu maqbawni tiqzir sair tiqzir, nawr, aqyawf maf-anr hawlanr naeq-awq.

Jaceuq 119:47

Ngar-aq, ngar gaq-eu nawq-euq zanrdawq khofdawq-euq lafkhoer laqkhaqcaer ma.