Jaceuq 119:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Ya’we Miqyaer-euq zanrdawq-euq lafkhoer can-awr, Aerkhar maqza-eu garma-euq lafkhoer can-eu tsawrhaq-aq, guiqlanq huiq-eu mae.

Akha

¹ Sahˬpaˬ Miˬyehˇ-euˬ zahˇ dawˬ kʼoꞈ dawˬ-ahˇ caw teh-awˇ, iˬ baˇ taˬ kʼaˇ maˬ za ni dehꞈ-eu deuˬ guiˬ lahˬ huiˬ luꞈ-uˇ.

Jaceuq 119:1 Referans Kwoze

Luˇkaꞈ 11:28

Khoerngae, Yeqsur aer-eu, “Khoernav maqtser, Miqyaer-euq dawq yagaq-awr mrcaw-eu tsawrhaq-aq, guiqlanq huiqdzaeq-eu mae.”

Yaˬkoˆ 1:25

Bibuq-ir-eu, byan duidui-eu zanrdawq-anr hawduq taq-euq uqtaf, aqmyanluf mrcaw-eu tsawrhaq-aq, aqyawf yagaq-awr maqngaerni mrdov shardov laf-eu mae. Khoerlof-aer ghae-eu tsawrhaq-aq, aqyawf mr-awr shar-eu yawqjeq navluf-euq lafkhoer guiqlanq baw taef-a.

Jaceuq 128:1

Ya’we Miqyaer-anr guv-awr, Aqyawf-euq garma-anr can-eu yawqghaq navluf, Guiqlanq huiq-eu mae.

Yoˇhaˬ 13:17

Nawmaf garkawv heudeuq siqnya-awr mr-ir nar-aq, guiqlanqhuiq taef-a.

Luˇkaꞈ 1:6

Aqnyaf dzerzaq, Miqyaer-euq maeqshi tsaq-awr dawr-eu tsawrhaq mae. Sanqpaq Miqyaer-euq zanrdawq khofdawq hawr-eu zanrsanrkhof dawqtawv luf-euq maeqnan cantae-awr, tiqjeq-anr-iq aerkhar maqza-eu tsawrhaq mae.

Jaceuq 112:1

Haleluya! Ya’we Miqyaer-anr guv-awr, Aqyawf-euq zanrdawq khofdawq-anr laqkhaq yawkhav-aer caer-eu tsawrhaq-aq, Guiqlanq huiq-eu mae.

Dawqdaq 11:20

Nuima birpyawv-aer ghae-eu tsawrhaq deuq-anr, Ya’we Miqyaer nuidav dav-eu mae. Aerkhawf, Miqyaer, aerkhar maqza-eu tsawrhaq, Yawqha-euq garma-anr can-eu gar, nuikhanr shir-eu mae.

Gʼaˬkʼehˇ 24:16

Khoermirnae, ngar, Miqyaer hawr-eu tsawrhaq-euq maeqshi khawf, yawlaeq tiqjeq-iq maqanr-eu zaqsiq nuisiq za’ni laejae duidui luf-eu ma.

Jaceuq 101:2

Ngar, noeqganr-awr nae byan-eu garma-anr can ma. Nawr, ngar jawr-eu gar aqmyan oe-eu laer ghae-eu le? Ngar, ngaq-euq nymr-euq lafkhoer nuima shawrjaevni daef ma.

Panmaeq 22:14

Aqyawf nae biftaq-euq dawqdeuq-anr mrcaw-eu tsawrhaq deuq-aq, guiqlanqhuiq taef-a. Aqyawfmaf daef-eu jeq bif-eu arbawr za’nya-awr, meuq-euq lanrkhaeq-anr nae meuq-anr ya urle taef-a.

Jaceuq 101:6

Ngaq-euq myavnuiv, mirtsaq-euq khoertav sarjax zif-eu tsawrhaq-anr hawluf ma. Aqyawfmaf, ngaq naeq-aer bijawr ma. Byan-eu garma-anr can-eu tsawrhaq-aq, Ngaq-euq kuirlaf yageuf taef-a.

2 Gawˇliˬtu 1:12

Nga’maf heulof-aer khanqsaer jaev-eu ma. Nga’maf, mirtsaqzaq-euq maeqshi khawf, khoernav maqtser nawmaf-euq maeqshi khawf, Miqyaer-anr yawzeu baw-awr nuima shawrjaevni taq-awr, Miqyaer-euq lafkhoer dawrcoeni daef-euq ma laer, nga’maf-euq zaqsiq nuisiq sarkir kamqluf-eu mae. Nga’maf shiqshaq-euq zaqsiq tsawrganr-anr ghoe-awr nae maqngeur-eu, Miqyaer-euq guiqlanq yawdzanr-anr ghoe-awr khoerlof-aer mr-euq ma.

Yoˇhaˬ 1:47

Naqdaqneqlar, Yeqsur jawr-eu gar larluf-eu gar Yeqsur ya’mawr ngae, Naqdaqneqlar-euq garkawv heulof-aer aer-eu mae, “Aqdir Irsaqleqlav tsawrhaq pyeuf-eu ghaq-anr hawsher-eq. Aqyawf-euq nuima-euq lafkhoer jaqmyawf maershuir maqanr-a.”

Dawqdaq 13:6

Aerkhar maqza-eu garma-anr, Can-eu tsawrhaq-anr tsaq-awr dawr-eu jeq lofpir taef-a. Aerkhawf, yawcawv jeq-aq, iqbaxzaq-anr gheucoq taef-a.

Dawqdaq 29:18

Aqgeugar maqkaq, panmaeq-eu jeq maqjav nar-aq, Mirkhanqzaq khar daefmawf-eu lof-aer daef-eu mae. Aerkhawf, zanrdawq-anr cantae-eu tsawrhaq-aq, guiqlanqhuiq taef-a.