Jaceuq 118:15 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁵ Tsaq-awr dawr-eu tsawrhaq-euq saeqghawv-euq lafkhoer, Kakhof-eu jeq za-awr laqkhaq caer-eu tersar byanluf-eu mae. Ya’we Miqyaer-euq armar laf nae, Yawmuiq paq-aer deuvghaq-euq mae.

Akha

¹⁵ Sahˬpaˬ Miˬyehˇ-euˬ tsawˇ haˬ deuˬ-euˬ sehˬ gʼawˆ-ahˇ, guiˇ deuˆ gʼaˬ-awˇ guˇ luꞈ gaˇ naˇ haˬ sheˇ. Sahˬpaˬ Miˬyehˇ-euˬ baoˬ neh deuˆ gʼaˬ-euˬ meh.

Jaceuq 118:15 Referans Kwoze

Jaceuq 89:13

Nawq-euq lafdu-aq, ghaq zawr khav-awr; Nawq-euq aqlaf ghaq khav-awr, nawq-euq armar laf-aq, yawgor mae.

Jaceuq 60:12

Miqyaer-anr ghoe-awr nae, aqdui khaqduqni guirdeuv deuv ma; Aqjeq mirnae aernar-aq, aqyawf, aqdui-anr muir-eu deuq-anr nawqpyaev taef-a.

Luˇkaꞈ 1:51

Aqyawf-euq lafdu nae baoq huiq-eu deuq mr-euq mae. Yawqha-euq nuinoeq nuilov geufgeuf-aer nuima huiq-eu tsawrhaq-anr aqyawf taebyav-euq mae.

Jaceuq 98:1

Or, Ya’we Miqyaer-anr cardawq yawshuif carnaeq-awq! Aqjeq mirnae aernar-aq, aqyawf zanqler paq-aer muiq-eu jeq mr-euq mae. Aqyawf-euq armar laf hawr-eu aqyawf-euq shawr-eu lafdu nae, Aqyawf ghaqler-euq mae.

Panmaeq 18:20

“Mqtav mirkhanq-or! Meuq heumeuq byov-ir-euq mirnae laqkhaq caer-awq. Nawmaf, shawr-eu ghaqkhaer hawr-eu Miqyaer gharduq ngaeqdan-eu deuq khawf laqkhaq caer-awq. Aqjeq mirnae aernar-aq, nawmaf-euq gharduq Miqyaer, aqyawf-anr janrkhof naeq-euq mae!”

Gʼaˬkʼehˇ 16:34

Khoernar-aq, aqyawf nyaf-anr aqyawf-euq irkanr sheuqur-awr, aqyawf nyaf-euq maeqshi dzaqdzaq dawrdawr ciqtaq naeq-euq mae. Miqyaer-anr jan-eu mirnae, aqyawf hawr-eu aqyawf-euq nymrkhanq-euq zaq dawqtawvluf laqkhaqcaer duidui-eu mae.

Jaceuq 119:111

Nawq-euq dawqdzawr-aq, ngaq-euq nuima gharduq laqkhaq caer-eu jeq pyeuf-eu mirnae, Mqmaq maqbyav yarzir ngaq-euq jeqbir pyeuf-eu mae.

Jaceuq 68:3

Aerkhawf, tsaq-awr dawr-eu tsawrhaq deuq-anr bi lurgha bi caergha-awq; Aqyawf maf-anr Miqyaer-euq maeqshi laqkhaq bicaer-awq. Aqyawf maf-anr laqkhaq yawkhav-aer bicaer-awq.

Jaceuq 44:3

Aqyawfmaf, yawqha-euq micaer nae mirtsaq deuvza-euq maqngeur-a. Yawqha-euq lafdu nae ghaqler-euq khawf maqngeur-a. Aerkhawf, nawr, aqyawf maf-anr ghoer mr-eu nawq-euq myavpyawq-euq yawshaef hawr-eu, Nawq-euq armar laf-euq lafdu-euq baqda’nae mae.

Jaceuq 32:11

Tsaq-awr dawr-eu tsawrhaq deuq-or! Ya’we Miqyaer-euq lafkhoer laqkhaq caer-awr lurgha caergha-awq. Nuima dawrcoeni ghae-eu tsawrhaq dawqtawvluf, laqkhaqcaer duidui-awr gur-awq.

Jaceuq 45:4

Yawtsaq yawdawr, nuinanq nuiyu hawr-eu tsaq-awr dawr-eu gharduq, Nawq-euq jaqlaq khanqsaer-euq lafkhoer ghaqler-euq ghaq lof-aer dziq-awr dov-ir-awq; Nawq-euq armar laf, nawq-anr yawzeu bawlar paq-aer ghae-eu jeq maeqnaeqlaf taef-a.

Jaceuq 119:54

Ngar tiqkhaeq daef-eu nymr-euq lafkhoer, nawq-euq zanrtaq khoftaq-aq, Ngaq-euq cardawq pyeuf-eu mae.

Jaceuq 5:12

Aqjeq mirnae aernar-aq, Ya’we Miqyaer-or! Nawr-aq, tsaq-awr dawr-eu tsawrhaq-anr guiqlanq bif-awr, Aqyawf-euq tiqjawq, nawq-euq ghoer mr-eu jeq, daeqdaqduq lof-aer bijav-eu mae.

Jaceuq 111:2

Ya’we Miqyaer nae mr-euq gardeuq-aq, huiq-awr manr-eu mae. Khoer-anr nuikhanr shir-eu tsawrhaq dawqtawvluf dzawsawx mr-eu mae.