Jaceuq 116:6 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Ya’we Miqyaer-aq, maqdzaw-euq zaq-anr hawpir-awr; Ngar yaw’aw-anr gaka ngae, aqyawf, ngaq-anr bibuq-ir naeqlaf-euq mae.

Akha

⁶ Laꞈ jeuˬ shaˇ kʼaˇ maˬ za-eu deuˬ-ahˇ Sahˬpaˬ Miˬyehˇ haw piˇ-awˇ, ngaˇ shaˬ ngeh zahˬ ngeh, aˬ yawꞈ ka kʼoꞈ nehˬ laꞈ-euˬ meh.

Jaceuq 116:6 Referans Kwoze

Jaceuq 142:6

Ngar gur-eu gar narhaq naeqlaf-awq. Aqjeq mirnae aernar-aq, Ngar ardzaeq-aer aw-eu gar bi gheuka taq-euq nya; Ngaq-anr khaeq-awr khav-eu deuq-anr nae bibuq-ir naeqlaf-awq. Aqjeq mirnae aernar-aq, Aqyawfmaf, ngaq-euq navmaqtser ghaq khavdzaeq-eu mae.

Jaceuq 19:7

Ya’we Miqyaer-euq zanrdawq-aq, byan duidui-awr, nuima saflar-anr lavmuiq lavpar-eu mae. Ya’we Miqyaer-euq dawqdzawr-aq, yawduq baw-awr maqdzaw-euq zaq-anr tsawrganr bi anrlar-eu mae.

Maꞈtehˬ 11:25

Khoerngae, Yeqsur heulof-aer aer-eu mae: “Mq hawr-eu mir-euq Yawsanr pyeuf-eu Aqda-or! Ngar, nawq-anr jaceuq ma. Aqjeq mirnae aernar-aq, nawr, zaqsiq tsawrganr anr-eu tsawrhaq hawr-eu noeqdanr doe-eu tsawrhaq-anr nae garkawv heudeuq zaftaq-awr, zaqnanq deuq-anr panmaeq naeq-eu mae.

Jaceuq 79:8

Nga’maf-anr coeqlar-eu dzeurlaf ngae-euq yawlaeq yawca, ngaer naeqlaf-awq. Nawq-euq nanqyuni ghawqshaq gaq-eu jeq, Nga’maf-anr yawkawr-aer bi keuvle naeqlaf-awq. Aqjeq mirnae aernar-aq, nga’maf yawkhav-aer bi gheu’aw taq-euq mir-a.

Jaceuq 25:21

Ngar, nawq-anr dawqluf-eu mirnae, Yawmuiq yawjaq hawr-eu yawdawr yawtsaq jeq nae, ngaq-anr hawpir naeqlaf-awq.

Gawˇlawˇsehˇ 3:22

Zaqkhav deuq-or! Yawqjeq navluf-euq lafkhoer, mirtsaq-euq khoertav jawr-eu nawmaf-euq yawsanr ghaq-euq aerdawq narhaq geuf-awq. Tsawrhaq nuikhanr bishir-eu laer aqcawq bimawrni taef-aer mr-eu jeq taqbi pyeuf. Nuima shawrjaevni ghae-awr, Sanqpaq Yeqsur-anr yawzeu baw-eu lafkhoer narhaq geuf-awq.

2 Gawˇliˬtu 11:3

Arlawr, aqyawf-euq jaqmyawf nae Erbav-anr maershuir shuirtawv-euq lof-aer, Kali-euq lafkhoer shawrjaevni ghae-eu nawmaf-euq nuima khoersiq byov-ir gar ngar guv mir-a.

2 Gawˇliˬtu 1:12

Nga’maf heulof-aer khanqsaer jaev-eu ma. Nga’maf, mirtsaqzaq-euq maeqshi khawf, khoernav maqtser nawmaf-euq maeqshi khawf, Miqyaer-anr yawzeu baw-awr nuima shawrjaevni taq-awr, Miqyaer-euq lafkhoer dawrcoeni daef-euq ma laer, nga’maf-euq zaqsiq nuisiq sarkir kamqluf-eu mae. Nga’maf shiqshaq-euq zaqsiq tsawrganr-anr ghoe-awr nae maqngeur-eu, Miqyaer-euq guiqlanq yawdzanr-anr ghoe-awr khoerlof-aer mr-euq ma.

Lormav 16:19

Nawmaf, Miqyaer-euq dawq narhaq geuf-eu garkawv, yawqghaq navluf siqnya lar-euq mae. Khoermirnae, ngar, nawmaf-euq gharduq laqkhaqcaer nya. Aerkhawf, nawmaf yawmuiq jeq-anr tsawrganr anr-awr, yawdoer jeq-anr maq sharnoeq nya-eu tsawrhaq bi pyeufmawf mir-a.

Jaceuq 106:43

Aqyawf, aqyawf maf-anr ghawqmyavpov bibuq-ir-euq khawf; Aqyawfmaf, yawqha-euq maeqbawq-euq lafkhoer aqyawf-anr puiq-eu mae. Aqyawfmaf, yawqha-euq yawlaeq yawca-euq baqda’nae bi gheuka-euq mae.