Jaceuq 112:9 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Aqyawf, ghawqmya’ni saeq-awr, irshaqzaq-anr bifkhawq naeq-euq mae. Aqyawf-euq uqcoer yabi ciqpoeq ciqgor-awr yabi taqhuiq taqmanr taef-a. Aqyawf-euq tsaq-awr dawr-eu jeq li-eu maqbawni zif taef-a.

Akha

⁹ Shaˬ-eu tsawˇ haˬ-ahˇ aˬ yawꞈ yaw muiˬ-ehˇ gamꞈ nehˬ-awˇ, gʼawˬ shaˬ gaˬ-eu nui ma maˬ byoˆ-iˇ-a. Aˬ yawꞈ baoˬ jaˆ-awˇ, aˬ cawˬ yaw zeu baw tehꞈ-a.

Jaceuq 112:9 Referans Kwoze

Jaceuq 75:10

“Ngar, tsawrcawv deuq-euq uqcoer dawqtawv luf-anr ngawqkhaefdzae ma. Aerkhawf, tsaq-awr dawr-eu tsawrhaq deuq-euq uqcoer-aq, yabi ciqgor taef-a.”

HeˬByehˇ 13:16

Aerkhawf, yawmuiq jeq mr-awr aqcawq-anr birnaeq pav naeq-eu jeq-anr taqngaer. Aqjeq mirnae aernar-aq, khoerlof-aer lawrnaeq-eu jeq-anr-aq, Miqyaer nuima tsaq-eu mae.

HeˬByehˇ 6:10

Miqyaer-euq tsawrmyanr-anr gaq-eu lafkhoer mrdov shardov laf-euq nga laer bi mawrlarni, dzeurlaf ngae nawmaf nae tsawrshawr deuq-anr cawba naeq-awr, nymq-mr khawf cawba naeqluf-eu gar, Miqyaer-aq, ngaernya-awr maqtsaq maqdawr-eu maqngeur-a.

1 Tiˆmoˇseˬ 6:18

Yawmuiq jeq mr-awr, muiq-eu gar ghawqmya jeq mr-eu uqtaf, nuima keuv-awr bif-eu taef-aer maqngeur-eu, tsawrtsir maqtsirni cawba naeq-awq.”

Lormav 12:13

Tsawrshawr mawf-eu jeq-anr cawba naeq-awq. Aqcawq-anr hageuf mawf-eu nuima anr-awq.

Panmaeq 22:11

Maqtsaq maqdawr-eu deuq-aq, maqtsaq maqdawr-eu jeq mrmr-aer bijawr-awr, jawflafni ghae-eu deuq-aq, jawflafni ghae-eu jeq mrmr-aer bijawr-awq. Tsaq-awr dawr-eu deuq-aq, tsaq-awr dawr-eu jeq mrmr-aer bidaef-awr, yawshawr deuq-aq, yawshawr jeq mrmr-aer bidaef-awq.”

Gʼaˬkʼehˇ 20:35

Nawmaf khawf khoerlof-aer gar yawkhav-aer mrmr-aer, ghaq baq-eu deuq-anr cawba’ni, ngar yawqjeq navluf-euq lafkhoer nawmaf-anr mrmaeq naeq-euq ma. Sanqpaq Yeqsur nae aertaq-euq dawq heudawq-anr khawf noeqkeuv-awq, ‘Bif-eu-aq, za-eu navmaqtser guiqlanq huiqdzaeq-eu mae.’ ”

Jaceuq 92:10

Aerkhawf, nawr, naefnyoq-euq uqcoer lof-aer, Ngaq-euq uqcoer-anr ciqgor naeqlaf-awr; Ngaq-anr tsir yawshuif nae tsaqtsov naeqlaf-euq mae.

2 Gawˇliˬtu 8:9

Nawmaf, aqdui-euq Sanqpaq Yeqsur Kali-euq guiqlanq yawdzanr-anr siqnya luf-eu mae. Aqyawf smrmuiq muiq-eu khawf, nawmaf-euq gharduq irshaqzaq pyeufle-euq mae. Aqyawf irshaq shaqle-euq baqda’nae, nawmaf smrmuiq muiqlar-euq mae.

Yoˇhaˬ 13:29

Yurdav-aq, pyur pawqbaev jeqhmq-eu ghaq pyeuf-eu mirnae, aqyawfmaf, “Aqdui yawbui bui-eu gar yageuf-eu jeq zeur-ir-awq” laer Yeqsur, aqyawf-anr khaer-eu jeq nga. Maqngeur nar-aq, shaqzaq zanqzaq deuq-anr tiqjeqpaq bifnaeq-ir-eu nga laer noeq-euq mae.

Luˇkaꞈ 16:9

“Ngar, nawmaf-anr aernaeq nyar, maqtsaq maqdawr-eu pyurshuir myawqganq zmq-awr aqcawq naeq-aer cawq cawq-awq. Nawmaf-euq pyurshuir myawqganq deuq byovjir ngae, aqyawfmaf, nawmaf-anr mqmaq maqbyav yarzir daef-eu jawrduq-anr hageuf naeqlaf taef-a.

Luˇkaꞈ 12:33

Nawmaf-euq myawqganq anqdzae-awr, aqcawq-anr gamfnaeq-awq. Yawqha-euq gharduq maqpeuq-ir nya-eu pyur pawqbaev guftaq-awr, maq zmqjir nya-eu pyurshuir myawqganq, mq-euq khoertav povuiq taq-awq. Khoergar-aq, smrkhoeq maq lepae nya-aer, boeq khawf maq dzaqler nya-a.

Maˬkuˆ 14:7

Aqjeq mirnae aernar-aq, shaqzaq zanqzaq deuq, nawmaf naeq-aer aqmyanluf jawr taef-a. Nawmaf janrmawf nar-aq, aqgeu ngae khawf aqyawf maf-anr yawmuiq jeq janrnaeqnya taef-a. Aerkhawf, ngar, nawmaf naeq-aer aqmyanluf jawr-eu maqngeur.

Dawqdaq 19:17

Irshaqzaq-anr ghawqshaq gaq-eu tsawrhaq-aq, Ya’we Miqyaer-anr ngaqnaeq-eu jeq pyeuf-eu mae. Aqyawf nae mr-euq jeq-anr, Ya’we Miqyaer tsoeqkhofnaeq taef-a.

Jaceuq 112:3

Aqyawf-euq nymr-euq lafkhoer pyurshuir myawqganq javlar-awr smrmuiq smrbaw bawlar-awr; Aqyawf-euq tsaq-awr dawr-eu jeq mqmaq maqbyav yarzir zif taef-a.

Gʼaˬkʼehˇ 4:35

ghaqkhaer deuq-euq aqkuir-anr yurtaq lar-eu mae. Khoernar-aq, yawqha mawf-eu gar tsaqni kharmawf-eu ghaq-anr birnaeq-eu mae.

Luˇkaꞈ 18:22

Yeqsur dawq khoerdawq-anr yagaq ngae khoerghaq-anr aernaeq-eu, “Nawr tiqjeq maqjir nga siq. Nawr kharjav-eu jeq dawqtawvluf anqdzae jir-awr, irshaqzaq-anr birnaeq-ir-awq. Khoerlof-aer janr nar-aq, mq-euq khoertav zawr poeq-eu pyurshuir myawqganq jav taef-a. Khoernar-aq, lar-awr ngaq-euq maeqnan cantae lar-awq.”

Luˇkaꞈ 11:41

Nawmaf kharjav-eu lof-aer aqcawq-anr gamfnaeq-awq. Gamfnaeq-euq nar-aq, yawqjeq navluf yawshawr mae.

Maꞈtehˬ 6:4

Nawr bifnaeq gamfnaeq ngae, aqcawq maqmawr-eu gar mr-awq. Tsawrhaqzaq maq mawrnya-eu gar hawmawr nya-eu nawq-euq Aqda, nawq-anr aqcawq-euq maeqshi mrpoeq lafsawq bifnaeqlaf taef-a.

Jaceuq 92:11

Ngaq-anr muir-eu deuq-anr ngar bi keuvle mawf-eu lof-aer, Ngaq-euq myavnuiv ya’mawr-awr; Tsawrdoer deuq-anr ngar bi keuvle mawf-eu lof-aer, Ngaq-euq naqbawr yagaq-euq ma. Aqyawf maf-aq, tur-awr ngaq-anr caelar-eu deuq mae.

Jaceuq 111:3

Aqyawf nae mr-euq gar-aq, Yawshaef khanqsaer huiq-awr taqhuiq taqmanr paq-aer ghae-eu mae. Aqyawf-euq tsaq-awr dawr-eu jeq, mqmaq maqbyav yarzir zif-eu mae.

Dawqdaq 14:24

Smrmuiq muiq-eu jeq-aq, tsawrganr anr-eu deuq-euq shuir uqkhov mae. Aerkhawf, aqdzawq argan-euq yawdzawq yawgan-aq, Yawdzawq yawgan jeq bi dovlar-eu mae.

Dawqdaq 21:26

Nan’ga-i aqyawf geufmawf-eu yawlof maqbaw-a. Aerkhawf, tsaq-awr dawr-eu tsawrhaq-aq, Tsawrtsir maqtsirni bifdov ghae-eu mae.