Jaceuq 112:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Haleluya! Ya’we Miqyaer-anr guv-awr, Aqyawf-euq zanrdawq khofdawq-anr laqkhaq yawkhav-aer caer-eu tsawrhaq-aq, Guiqlanq huiq-eu mae.

Akha

¹ Sahˬpaˬ Miˬyehˇ-ahˇ ja ceuˬ-awˬ. Sahˬpaˬ Miˬyehˇ-ahˇ taˬ huiˬ-awˇ, aˬ yawꞈ-euˬ zahˇ dawˬ kʼoꞈ dawˬ-ahˇ laˬ kʼaˬ cehˇ-eu tsawˇ haˬ guiˬ lahˬ huiˬ-eu meh.

Jaceuq 112:1 Referans Kwoze

Jaceuq 128:1

Ya’we Miqyaer-anr guv-awr, Aqyawf-euq garma-anr can-eu yawqghaq navluf, Guiqlanq huiq-eu mae.

Luˇkaꞈ 1:50

Aqyawf-anr yawzeu baw-eu tsawrhaq-euq khoertav, Aqyawf-euq ghawqshaq gaq-eu jeq tiqzir sair tiqzir jav-eu mae.

Jaceuq 119:35

Ngar, nawq-euq zanrdawq khofdawq-euq lafkhoer daefcaw nya’ni cawba naeqlaf-awq. Aqjeq mirnae aernar-aq, ngar, nawq-euq zanrdawq khofdawq-anr laqkhaq caer-eu ma.

Jaceuq 145:19

Aqyawf, aqyawf-anr guv-eu tsawrhaq deuq geufmawf-eu jeq tiqlof bifnaeq-awr, Aqyawfmaf kur ngae, narhaq-awr kakhof naeq-eu mae.

Jaceuq 111:10

Ya’we Miqyaer-anr guv-eu jeq-aq, zaqsiq tsawrganr-euq ardanq baeduq mae. Aqyawf-euq zanrdawq khofdawq-anr khar mrcaw-eu tsawrhaq deuq-aq, Yawmuiq-aer ghovshaw nya-eu tsawrhaq mae. Aqyawf-anr jaceuq-eu jeq mqmaq maqbyav yarzir gmq taef-a.

Lormav 7:22

Aqjeq mirnae aernar-aq, ngaq-euq lafkhoer paw-euq saflar taef lawnmr-aq, Miqyaer-euq zanr-anr laqkhaqcaer mir-a.

Jaceuq 119:97

Or-oq, ngar, nawq-euq zanrdawq-anr arnavni gaq-eu nga! Nan’ga-i ngar, nawq-euq zanrdawq-anr dzardziv dziv-eu ma.

Jaceuq 150:1

Haleluya! Aqyawf-euq shawr-eu jawrduq-euq lafkhoer, Miqyaer-anr jaceuq-awq; Aqyawf-euq baoq huiq-eu mq-euq lafkhoer jaceuq-awq!

Jaceuq 147:1

Haleluya! Aqdui-euq Miqyaer-anr car-awr jaceuq-eu-aq yawmuiq mae. Jaceuq-eu-aq, tsaqler-awr nuikhanr shirlar-eu mae.

Jaceuq 119:143

Ngar, gardzaq garkawv hawr-eu nuima cawv duidui-eu jeq nae bi taemi-euq khawf, Nawq-euq zanrdawq khofdawq-aq, Ngaq-euq laqkhaq caerduq pyeuf-eu mae.

Jaceuq 40:8

Ngaq-euq Miqyaer-or! Ngar, nawq-euq nuima tsaq-eu jeq mr-eu laqkhaq caer-awr, Nawq-euq zanrdawq, ngaq-euq nuima-euq lafkhoer anrluf ma.”

Lormav 8:6

Shiqshaq paw-euq garkawv-anr noeqtsov taq-euq tsawrhaq-aq yashir-eu mae. Aerkhawf, saflar paw taf-eu deuq-anr noeqtsovtaq nar-aq, daef-eu jeq hawr-eu nuisar of-eu jeq za-eu mae.

Jaceuq 119:16

Ngar, nawq-euq dawq maqngaer. Ngar, nawq-euq zanrtaq khoftaq-anr laqkhaqcaer ma.

Jaceuq 119:14

Ngar, pyurshuir myawqganq dawqtawv luf-anr laqkhaq caer-eu lof-aer, Nawq-euq dawqdzawr-euq garma-anr laqkhaq caer-eu ma.

Jaceuq 111:1

Haleluya! Dawrcoeni ghae-eu deuq uiqlar taq-awr jawr-eu tsawrhaq baqmaf-euq ghanrcae; Ngaq-euq nuima dawqtawvluf, Ya’we Miqyaer-anr jaceuq ma.