Jaceuq 110:3 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Nawr, baoq anr-eu arnan-anr, Nawq-euq tsawrhaq nuima keuv-awr cawba taef-a. Yawshawr-euq lafkhoer hawmuiq-eu, Uqshawq paw-euq, zaq-euq jawrzar-euq ceuq lof-aer, Nawq-euq zaqguq deuq, nawr jawr-eu gar lar taef-a.

Akha

³ Muiˇ-eu deuˬ-ahˇ nawˇ guiˇ deuˆ-eu aˇ nah keuˆ laˇ ngeh, nawˬ-euˬ tsawˇ haˬ deuˬ nui ma keuˆ-awˇ caw ba tehꞈ-a. Uˬ shawˬ yaw naꞈ-ehˇ ga-eu ceuˬ loꞈ-ehˇ, muiˬ-eu shawˇ-eu gawˬ jawˬ kʼoeˇ taˆ, nawˬ-euˬ zaˬ guˬ deuˬ nawˇ jawˇ gaˇ laˇ tehꞈ-a.

Jaceuq 110:3 Referans Kwoze

HeˬByehˇ 13:21

nawmaf, aqyawf nuima tsaq-eu lof-aer mrnya’ni, aqyawf, nawmaf-euq lafkhoer yawmuiq yawqjeq navluf bi byanlar luf-eu mae. Yeqsur Kali-anr ghoe-awr, aqyawf-euq maeqshi aqyawf nuikhanr shir-eu jeq, aqdui-euq lafkhoer mrnaeqlaf luf-ur. Arsaq saq-eu maqbawni yawshaef khanqsaer dawqtawvluf Kali-anr a’naeq kar-eur. Aqmeq.

Tiˇtuˆ 2:14

Aqyawf-euq mawrdo lawrnaeq-euq khoer-aq, zanrdawq-anr leur-eu yawqjeq navluf-anr nae aqdui-anr kakhof naeqlaf-awr, aqyawf-euq gharduq aqdui-anr lavmuiq lavshawr-awr, yawmuiq jeq mr-eu gar nuima keuv duidui-eu aqyawf-euq tsawrjeuq bipyeuf-eu gharduq mae.

1 Teˇsaˬloˇni 4:7

Miqyaer, aqdui-anr kur-euq-aq, jawflafni bidaef-eu laer maqngeur-a, yawshawr shawr-aer bidaef-eu laer kur-euq mae.

Eˇpeˇsu 1:4

Aqdui, Miqyaer-euq maeqshi iqbax tiqpawf-iq taqkhar maqza-eu shawr-eu tsawrhaq pyeuflarni, mirtsaq tanqkhawr maqbae-euq minav-aer, gaq-eu lafkhoer Kali-anr ghoe-awr aqdui-anr tserdov taq-euq mae.

Panmaeq 7:9

Khoernar-aq, ngar hawghae ngae, hawsher-eq, tsawrhaq tiqghaq-iq maq guijir coer-eu tsawrhaq armaf mafma-anr ya’mawr-euq ma. Aqyawf maf-aq, tsawrjeuq tsawrca, arjeuq arca, tsawrhaq hawr-eu dawqngaeq dawqbav yawqjeq navluf-euq lafkhoer nae lartaq-euq mae. Aqyawfmaf pyurdeuqni ghae-eu paerkhanq paermanr dm-awr, aqlaf-anr daor uqpyaq baf-awr nae, nuirmanq hawr-eu Yawrzaq-euq maeqshi yawfluf-eu mae.

2 Gawˇliˬtu 13:4

Aqyawf, ghaq baq-eu lafkhoer lafyaq-euq khoertav bi tafsaef-euq mae. Aerkhawf, Miqyaer-euq baoq baqda’nae daefluf-eu mae. Nga’maf khawf, aqyawf-euq lafkhoer ghaq baq-eu tsawrhaq ma. Aerkhawf, Miqyaer-euq baoq baqda’nae, nawmaf-euq gharduq nga’maf, Kali naeq-aer yadaef taef-a.

2 Gawˇliˬtu 8:16

Ngar, nawmaf-euq gharduq nuima keuv-eu lof-aer, Tirtuv khawf nawmaf-euq gharduq nuima keuvni, Miqyaer janrnaeq laf-euq mirnae, Miqyaer-euq guiqlanq-anr jaceuq ma.

2 Gawˇliˬtu 8:12

Aqjeq mirnae aernar-aq, yawbae jeq-aq, tsawrhaq tiq ghaq bifmawf-eu nuima anr nar-aq, aqyawf kharjav-eu lof-aer Miqyaer hageuf-eu mae. Maqjav-eu gar keuvni mr laer Miqyaer maqaer-a.

Gʼaˬkʼehˇ 21:20

Aqyawfmaf yagaq ngae, Miqyaer-anr ciqhuiq ciqmanr-eu mae. Khoernar-aq, aqyawfmaf, Pawrluv-anr heulof-aer aernaeq-euq mae: “Maernmr-or! Yurdav tsawrhaq-euq lafkhoer Kali-anr janlar-euq armyav tanr ghaq jawr-eu la laer nawr mawrluf-eu mae. Aqyawfmaf dawqtawvluf zanrdawq-anr nuima keuv duidui-eu mae.

Jaceuq 96:9

Ya’we Miqyaer shawr-awr hawmuiq-eu gar uqduq tanq-awq. Mirtsaq dawqtawvluf, aqyawf-euq maeqshi yawdzuq dzuq-awq.

Piˇliˇpiˆ 2:13

Aqjeq mirnae aernar-aq, Miqyaer nuikhanr shir-eu lof-aer, nawmaf mrmawf-eu nuima anrlar-awr mrnya’ni, Miqyaer, nawmaf-euq lafkhoer gar mrluf-eu mae.

Gʼaˬkʼehˇ 2:41

Aqyawf nae maeq-euq dawq-anr laqkhaq caertavni hageuf-euq tsawrhaq deuq bartirsaq hageuf-euq mae. Khoerngae nan, zaqlanr 3,000 ghaq aerghaqni lanqlar-euq mae.

Gʼaˬkʼehˇ 2:33

Miqyaer-euq armar paw aqyawf-anr taqhuiq taqmanr-awr, Yawshawr Saflar bif ma laer Miqyaer nae sarjax dzaqtaq-euq lof-aer, aqyawf za-euq mae. Nymq-mr nawmaf yagaq ya’mawr luf-eu lof-aer, aqyawf shaevdav naeqlef-euq mae.

Gʼaˬkʼehˇ 1:8

Aerkhawf, Yawshawr Saflar, nawmaf-euq khoertav zafkale ngae, nawmaf baoq za taef-a. Khoernar-aq, nawmaf, Yeqlursaqlaeq hawr-eu Yurdav mirkhanq-euq lafkhoer, Saqmaqliv mirkhanq doeni hawr-eu mqdzer mirdzer-anr keuvni, ngaq-euq garkawv sarkir kamq-eu tsawrhaq pyeuflar taef-a.”

Gʼaˬkʼehˇ 19:20

Khoermirnae, Sanqpaq Miqyaer-euq dawq-aq, ghaq khavlar luf-awr ghaqler luf-eu mae.

Gʼaˬkʼehˇ 4:4

Aerkhawf, dawq khoer-anr yagaq-euq tsawrhaq ghawqmya’ni janlar-euq mae. Zaqyo aqli deuq taef-aer 5,000 ghaq aerghaqni byan-eu mae.

Jaceuq 29:2

Ya’we Miqyaer-euq tsawrmyanr-anr geuxni, yawshaef khanqsaer damq-awq! Hawmuiq-eu yawshawr-euq lafkhoer, Ya’we Miqyaer-anr uqduq tanq-awq.