Jaceuq 110:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Ya’we Miqyaer, ngaq-euq Sanqpaq-anr aernaeq-eu, “Ngar, nawq-anr muir-eu deuq, Nawq-euq aqkuir cawqtaqduq maqbi pyeuflar-euq khoerkeuvni, Ngaq-euq armar paw nuir-awq.”

Akha

¹ Ngaˬ-euˬ sahˬ paˬ-ahˇ Sahˬpaˬ Miˬyehˇ ehˇ nehˬ-eu, “Nawˬ-ahˇ muiˇ-eu deuˬ-ahˇ nawˇ aˬ kuiˇ neh nawˬ tehˬ nya ni ngaˇ jahˇ gʼaˬ ngeh keuˆ ni, ngaˬ-euˬ aˇ maˇ paw nuiˇ tawˬ-awˬ.”

Jaceuq 110:1 Referans Kwoze

1 Gawˇliˬtu 15:25

Miqyaer, muir-eu deuq dawqtawv luf-anr Kali-euq aqkuir-euq uqmov bi jawrlar ngae keuvni, Kali ya uvlanr taef-a.

HeˬByehˇ 1:13

Aerkhawf, Miqyaer, mqtav ghaqkhaer aqgeu ghaq-anr heulof-aer aernaeq haw-euq la? “Ngar, nawq-anr muir-eu deuq, Nawq-euq aqkuir cawqtaqduq maqbi pyeuflar-euq khoerkeuvni, Ngaq-euq armar paw nuir-awq.” (Jc 110:1)

HeˬByehˇ 1:3

Aqyawf-aq, Miqyaer-euq yawshaef khanqsaer-euq yawshaef pyeuf-awr, Miqyaer-euq shaevdzeuf byan-eu ghaq pyeuf-eu mae. Aqyawf, aqyawf-euq baoq anr-eu dawq-anr ghoe-awr, dawqtawv luf-anr hawlanr lavsav luf-eu mae. Aqyawf, aqyawf-euq mawrdo nae aqdui-euq iqbax-anr tsiqshawr ghaq-awr, yawgor-anr khanqsaer huiq-eu Ghaq-euq armar paw nuirluf-eu mae.

HeˬByehˇ 12:2

Caevghaeluf ngae, Yeqsur-anr hawtsov taq-awq. Aqyawf-aq, aqdui jan-eu jeq-euq ardanq bae-euq ghaq hawr-eu arsaq saq-eu ghaq pyeuf-eu mae. Aqyawf-euq maeqshi javluf-eu laqkhaq caer-eu jeq-euq baqda’nae, daqga-eu jeq-anr maq sharnoeqni lafyaq-anr daq-euq mae. Nymq-mr aqyawf, Miqyaer-euq nuirmanq armar paw nuirluf-eu mae.

Maꞈtehˬ 26:64

Khoerngae, Yeqsur, aqyawf-anr aernaeq-eu, “Nawr aer-eu lof-aer ngeur ma. Ngar, nawmaf-anr aernaeq nyar, aqkar, Tsawrhaq-euq Zaqyo, Baoq-euq armar paw nuirluf-eu gar nawmaf ya’mawr-awr, mqtav-euq mqdmr-anr dziq-awr zafka le-eu gar khawf ya’mawr taef-a.” (Jc 110:1; Dyl 7:13)

1 Beˬtuˆluˆ 3:22

Yeqsur mq-euq khoertav ghofdav ler-awr, Miqyaer-euq armar paw nuirluf-eu mae. Mqtav ghaqkhaer deuq, aryaq jav-eu deuq, baoq huiq-eu deuq, dawqtawvluf, aqyawf-euq lafov jawrluf-eu mae.

Jaceuq 8:6

Nawr, nawq-euq aqlaf-euq lafzar deuq-anr, aqyawf nae bi uvlanr-awr, Nawr, yawqjeq navluf aqyawf-euq aqkuir-euq uqmov bijav-euq mae.

HeˬByehˇ 8:1

Nga’maf aermawf-eu nuinoeq uqdzan-aq heulof-aer ma: aqdui, mq-euq khoertav jawr-awr, dawqtawv luf-anr uvlanr luf-eu, Sanqpaq Miqyaer-euq nuirmanq-euq armar paw nuirluf-eu Pirma yawhuiq ghaq jawr-eu ma.

Gawˇlawˇsehˇ 3:1

Nawmaf aqdir Kali naeq-aer tiqkawv lof-aer ghofdaef lar-euq ngeur nar-aq, yawgor-anr jav-eu jeq-anr sharpov-eu tsaq mae. Kali-aq, khoergar Miqyaer-euq armar paw nuirluf-eu mae.

Maˬkuˆ 16:19

Sanqpaq Yeqsur, aqyawf maf-anr dawq khoerlof-aer ngaeqnaeq ghaq-euq nar-aq, mq-euq khoertav bi sheuqkhofdav lef-awr, Miqyaer-euq armar paw nuir-euq mae.

Jaceuq 8:1

Nga’maf-euq Sanqpaq Miqyaer pyeuf-eu Ya’we Miqyaer-or. Mirtsaq dawqtawv luf-euq khoertav, nawq-euq tsawrmyanr arnavni huiq-awr muiq-eu nga! Nawq-euq yawshaef khanqsaer-aq, mq taf-aer gordzaeq-eu gar-anr keuvni ciqgor taq-euq mae.

Luˇkaꞈ 22:41

Khoernar-aq, aqyawf, aqyawfmaf jawr-eu gar nae khaqlo darbiq tiq biq kaq-eu gar ir-awr, pawqtsuif pawqdmq dmq-awr guiqlanq shar-eu lafkhoer aer-eu,

Jaceuq 109:20

Ngaq-anr yawdoer jeq ngaeq-eu deuq hawr-eu ngaq-anr iqbax taq-eu deuq-anr, Ya’we Miqyaer, mrpoeq lafsawq janrkhofnaeq luf-ur.