Jaceuq 11:7 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Aqjeq mirnae aernar-aq, Ya’we Miqyaer-aq, tsaq-awr dawr-awr, aqyawf-aq, tsaq-awr dawr-eu jeq-anr gaq-eu mae. Dawrcoeni daef-eu tsawrhaq, aqyawf-euq myavpyawq-anr ya’mawr taef-a.

Akha

⁷ Tsaˬ-eu dawˇ-eu SahˬpaˬMiˬyehˇ, yaw tsaˬyaw dawˇmˇgaˇgaˬ-awˇ, kʼoeˇloꞈ-ehˇ mˇ-eu tsawˇhaˬdeuˬ, aˬyawꞈmehˬshi ya dehꞈtehꞈ-a.

Jaceuq 11:7 Referans Kwoze

Panmaeq 22:4

Aqyawfmaf, aqyawf-euq myavpyawq-anr ya’mawr-awr, aqyawf-euq tsawrmyanr aqyawf maf-euq narkhawr-anr boftaq taef-a.

Jaceuq 17:15

Aerkhawf, ngar lawnmr-aq, tsaq-awr dawr-eu lafkhoer nawq-euq myavpyawq-anr ya’mawr ma. Ngar noeqlar ngae, nawq-anr dur-eu shaevdzeuf za-euq mirnae, ngaq-euq nuima tmqjawvni ghae taef-a.

1 Beˬtuˆluˆ 3:12

Aqjeq mirnae aernar-aq, Sanqpaq Miqyaer-euq myavnuiv-aq, Tsaq-awr dawr-eu tsawrhaq deuq-anr hawluf-awr, Aqyawf-euq naqbawr-aq, Aqyawf maf-euq guiqlanq shardawq-anr narhaq luf-eu mae. Aerkhawf, yawdoer jeq mr-eu tsawrhaq-anr, Sanqpaq Miqyaer-euq myavpyawq-aq, yawdoer jeq mr-eu deuq-anr lavtsoeq-eu mae.” (Jc 34:12-16)

Jaceuq 45:7

Nawr tsaq-awr dawr-eu jeq-anr gaq-awr yawcawv jeq-anr byae-eu mirnae; Nawq-euq Miqyaer pyeuf-eu Miqyaer, nawq-euq cawqdeuq-anr navmaqtser, Nawq-anr laqkhaq caer-eu tsir shaevdav naeq-euq mae.

1 Yoˇhaˬ 3:2

Ngar zawr gaq-eu cawqdeuq-or! Nymq-mr aqdui-aq, Miqyaer-euq zaq ma. Aqkar aqdui aqjox-aer pyeuflar-eu gar maq panmaeq laf-aq siq. Aerkhawf, Kali dovle ngae, aqdui, aqyawf lof-aer pyeuflar taef-a laer siqnya ma. Aqjeq mirnae aernar-aq, aqyawf aqjox-aer pyeuf-eu gar aqdui byacaevni ya’mawr taef-a.

Jaceuq 42:5

Ngaq-euq nuima saflar-or, Aqjeq ghae-eu mrnyoeq saef-eu le? Aqjeq mirnae, nawr, ngaq-euq lafkhoer maqsar marsar-aer ghaesaef-eu le? Miqyaer-anr noeqtmq-awq. Aqjeq mirnae aernar-aq, Miqyaer, ngaq naeq-aer jawr-awr cawba naeqlaf-eu mirnae, Ngar, aqyawf-anr jaceuq le siq.

Jaceuq 34:15

Ya’we Miqyaer-euq myavnuiv-aq, tsaq-awr dawr-eu tsawrhaq deuq-anr hawluf-awr, Aqyawf-euq naqbawr-aq, aqyawfmaf gur-eu gar narhaq luf-eu mae.

Jaceuq 33:18

Hawsher-eq, Ya’we Miqyaer-euq myavnuiv-aq, aqyawf-anr guv-eu tsawrhaq hawr-eu, Aqyawf ghawqshaq gaq-eu jeq-anr noeqtmq-eu tsawrhaq-anr hawluf-eu mae.

Jaceuq 99:4

Sanqpaq-euq ghaq-aq, yawdawr yawtsaq-anr gaq-awr, Nawq nae tiqkawv dini dar-eu jeq lavzif taq-euq mae. Nawr, Yaqkov-euq lafkhoer tsaq-awr dawr-eu jeq, Hawr-eu dawr-awr tsaq-eu jeq mryaf-euq mae.

Jaceuq 33:5

Miqyaer tsaq-awr dawr-eu jeq hawr-eu dawr-awr tsaq-eu jeq-anr gaq-awr, Mirtsaq-euq khoertav Ya’we Miqyaer-euq yawmuiq jeq byanluf-eu mae.

Jaceuq 21:6

Nawr, aqyawf-anr mqmaq maqbyav yarzir guiqlanq biza duidui-awr; Nawq-euq maeqshi, nawr, aqyawf-anr laqkhaq yawkhav-aer bicaer-euq mae.

Jaceuq 5:12

Aqjeq mirnae aernar-aq, Ya’we Miqyaer-or! Nawr-aq, tsaq-awr dawr-eu tsawrhaq-anr guiqlanq bif-awr, Aqyawf-euq tiqjawq, nawq-euq ghoer mr-eu jeq, daeqdaqduq lof-aer bijav-eu mae.

Jaceuq 146:8

Ya’we Miqyaer, myavbaef-anr bi danrlar-awr; Ya’we Miqyaer, awbyav-eu tsawrhaq-anr ciqtur naeq-eu mae. Ya’we Miqyaer, tsaq-awr dawr-eu tsawrhaq-anr gaq-eu mae.

Jaceuq 7:9

Tsawrcawv-euq yawdoer jeq arsaq bisaq-awr, Dawr-awr tsaq-eu deuq-anr lavzif naeq-awq. Aqjeq mirnae aernar-aq, tsaq-awr dawr-eu Miqyaer-aq, nuima hawr-eu nuinoeq-anr tsermr haw-eu mae.

Jaceuq 7:11

Miqyaer-aq, yarkhaq dawrcoeni dar-awr; Miqyaer, nan-anr nae tsawrcawv-anr nuima paer-eu mae.

Jaceuq 37:28

Ya’we Miqyaer dawr-awr tsaq-eu jeq-anr gaq-eu mirnae, Aqyawf-euq tsawrshawr deuq-anr maq byaerdzae-a; Aqyawf, aqyawf maf-anr mqmaq maqbyav yarzir hawpirnaeq taef-a. Aerkhawf, tsawrcawv-euq aryoeq deuq-aq, yabi deuvtsaevdzae taef-a.

Jaceuq 45:8

Nawq-euq maeqtsoeq dawqtawvluf murlaq, karsiq hawr-eu arjawq tsir yawsaw nae lavsaw taq-awr; Ya’ma-euq juir nae tsovtaq-euq sanqpaq-euq nymr-anr nae, nawr laqkhaq caer-eu jeq dovle taef-a.

Dawqdaq 15:9

Ya’we Miqyaer, tsawrcawv-euq garma-anr nuidav dav-eu mae. Aerkhawf, aqyawf, tsaq-awr dawr-eu jeq-anr cantae-eu tsawrhaq-anr gaq-eu mae.