Jaceuq 103:5 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Aqyawf, nawq-euq khaqmae-anr yawmuiq jeq bi dzaqdaev naeqlaf-euq mae. Khoermirnae, nawr, khaqdzer lof-aer zaqguq tiq pov par pyeufkhof lar-euq mae.

Akha

⁵ Ngaˇ zaˬ guˬ loꞈ-ehˇ pyeuꞈ-awˇ kʼaˬ dzeˇ loꞈ-ehˇ gʼaˬ kʼaˆ ni, ngaˬ-euˬ tiˬ ziˇ yaw muiˬ jeˬ tiˬ byah biꞈ laꞈ-eu meh.

Jaceuq 103:5 Referans Kwoze

Jaceuq 107:9

Aqjeq mirnae aernar-aq, aqyawf geufmawf-eu nuima saflar nuikhanr bishir-awr; Maef-eu nuima saflar-anr yawmuiq jeq bi dzaqdaev-eu mae.

1 Tiˆmoˇseˬ 6:17

Nawr, heuzir-euq lafkhoer smrmuiq muiq-eu deuq-anr, dawq heulof-aer bif-awq. “Nawmaf nuima taqhuiq. Yawduq maqbaw-eu pyurshuir myawqganq-anr maq noeqtmq-aer, aqdui laqkhaq caerni yawqjeq navluf tiqbyan tiqlof bifnaeq laf-eu, daefluf-eu Miqyaer-anr taef-aer noeqtmq-awq.

2 Gawˇliˬtu 4:16

Khoermirnae, nga’maf nuighaq maqbaq. Nga’maf-euq shiqshaq lafnyir paw cawv-ir luf-eu khawf, lafkhoer paw-euq saflar-aq, tiqnan sair tiqnan yawshuif pyeuflar luf-eu ma.

Jaceuq 63:5

Ngaq-euq nuima saflar, shaqtsur hawr-eu purnmf dzaqdaev-euq lof-aer, Tmqjawvni ghae-awr, laqkhaq caer-eu maeqluq nae, Ngaq-euq khaqmae, nawq-anr jaceuq ma.

Jaceuq 104:28

Nawq nae aqyawf maf-anr bif-euq jeq, aqyawfmaf yuruiq-eu mae. Nawr, nawq-euq aqlaf pyaeq ngae, Aqyawfmaf yawmuiq jeq tiqdaev daev-eu mae.

Jaceuq 23:5

Nawq nae ngaq-anr muir-eu deuq-euq maeqshi, Ngaq-euq gharduq hawqje shardanr naeqlaf-eu mae; Nawr, ngaq-euq uqduq-anr tsir shaevdav naeqlaf-awr, Ngaq-euq khmqmaq byankhar luf-eu mae.

Jaceuq 65:4

Nawq-euq dawqpae bilar-awr nawq-euq nymr-euq povka bijawr-eu laer, Nawq nae tserdov-euq tsawrhaq-aq, guiqlanq huiq-eu mae. Nga’maf, nawq-euq nymr hawr-eu nawq-euq shawr-eu uqduq tanqnymr nymrma-euq yawmuiq jeq-euq baqda’nae nuima tmqjawvni yaghae taef-a.