Jaceuq 102:18 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁸ Maeqhu paw daefle-eu laer ghae-eu tsawrhaq deuq, Ya’we Miqyaer-anr jaceuq nya’ni, Heudeuq aqkar nanqzir-euq gharduq bofanr taq-awq.

Akha

¹⁸ Maˬ dehꞈ le dah-euˬ deuˬ Sahˬpaˬ Miˬyehˇ-ahˇ ja ceuˬ nya ni, aˬ yawꞈ neh mˇ taˬ shaˇ taˬ-euˬ gaˇ deuˬ-ahˇ, aˬ kaˇ kaˇ ziˇ gʼaˇ duˬ boꞈ ahˇ taˬ-awˬ.

Jaceuq 102:18 Referans Kwoze

Lormav 15:4

Arhu nae Yaerbof-euq lafkhoer khar boftaq-euq dawqtawvluf, aqdui-anr maeqnaeq tsovnaeq-eu gharduq mae. Yaerbof-euq lafkhoer maeqtaq-euq lof-aer ornya lar-awr, nuima sar-eu jeq za-eu mirnae, noeqtmq-eu jeq javlar-eu mae.

2 Beˬtuˆluˆ 1:15

Ngar shirdzeur-euq khawf, nawmaf yawqjawr navluf garkawv heudeuq-anr noeqmawr nya’ni, ngar yawmuiq-aer yawduq lavbaw yaf-eu ma.

1 Gawˇliˬtu 10:11

Aqyawf maf-anr pyeuflar-euq garkawv heudeuq dawqtawvluf hawgeufduq pyeufni, arsaq saq-eu arnan aryamq-euq lafkhoer jawr-eu aqdui yanrnya larni boftaq-euq mae.

Eˇpeˇsu 2:10

Aqdui-aq, Miqyaer-euq lafzar ma. Yawbae ngae nae aqdui-anr bimr-eu laer laeqhmq taq-euq yawmuiq jeq-anr, aqdui mrmr-aer daefni, Yeqsur Kali-euq lafkhoer aqdui-anr bae naeqlaf-euq mae.

Yoˇhaˬ 20:31

Aerkhawf, Yeqsur-aq, Kali pyeuf-eu Miqyaer-euq Zaqyo ngar-a laer nawmaf jan-awr, aqyawf-anr jan-eu mirnae, aqyawf-euq tsawrmyanr-euq lafkhoer nawmaf daef-eu jeq za’ni garkawv heudeuq boftaq-euq ma.

Jaceuq 71:18

Nymq-mr ngar mawqle-awr uqduq pyurle-euq mir-a. Nawq-euq ghaq-euq garkawv, ngar heuzir-anr maq dzawrnaeq ghaq-aer, Nawq-euq baoq-euq garkawv ngar, nanqshaev deuq dawqtawv luf-anr, Maq dzawrnaeq ghaq-euq khoerkeuvni, Miqyaer-or! Ngaq-anr taq byaerdzae naeqlaf.

Jaceuq 48:13

Nawq-euq zaq-euq zir-anr keuvni, dzawrmaeq nya’ni, Meuqlanr deuq guitsaqtsov taq-awr, sanqpaq-euq nymrdeuq sharnoeq taq-awq.

Jaceuq 69:34

Mq hawr-eu mirtsaq tanqkhawr-or! Miqyaer-anr jaceuq-awq. Iqmalavshav hawr-eu lafkhoer luvlav mrluf-eu yawqjeq navluf, aqyawf-anr jaceuq-awq.