Jaceuq 10:14 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Aerkhawf, nawr, gardzaq garkawv jav-awr ghawqshaq-aer ghaeluf-eu gar hawmawr-awr, Sharnoeq sharsawx-eu lafkhoer, nawq-euq aqlaf nae janrkhof naeq-eu mae. Yawhar yawqha maq cawba nya-eu tsawrhaq, nawq-anr ghoe-eu mae. Nawr-aq, aqda maqbaw-eu tsawrhaq-anr cawba-eu ghaq mae.

Akha

¹⁴ Ehˇkʼawꞈkʼehˬ-eu kʼaˆ-eu jeˬ-ahˇ, nawˇsiˬluꞈmawˇluꞈ-eu laꞈkʼoeˇ, aˬmyah luꞈ caw ba nehˬ-eu meh. Nawˬ-ahˇuˬduˬtahˬshaˇlaˇngeh, maˬbyehˇdzeh ni caw ba-euˬmeh.

Jaceuq 10:14 Referans Kwoze

Jaceuq 68:5

Aqyawf-euq shawr-eu jawrduq-anr jawr-eu Miqyaer-aq, Aqda maqbaw-eu murcoeq aqnmr deuq-anr aqda pyeufnaeq-awr, Miqcoeq miqma deuq-anr hawpir naeq-eu ghaq pyeuf-eu mae.

Jaceuq 146:9

Ya’we Miqyaer, boermiq siqkhaq deuq-anr hawpir naeq-awr, Murcoeq aqnmr hawr-eu miqcoeq miqma deuq-anr ngaeqghae naeq-eu mae. Aerkhawf, aqyawf, tsawrcawv-euq garma-anr nanrpov-aer lavpov naeq-eu mae.

Jaceuq 55:22

Nawq-euq khavbaev, Ya’we Miqyaer-anr a’naeq-awq; Aqyawf, nawq-anr hawlanr naeqlaf taef-a. Aqyawf, tsaq-awr dawr-eu tsawrhaq-anr tiqjawr-iq maqbi coq-ir-a.

1 Beˬtuˆluˆ 5:7

Miqyaer, nawmaf-euq gharduq sharnoeq luf-eu mirnae, nawmaf khanqlanr-eu yawqjeq navluf, aqyawf-anr a’naeq-awq.

1 Beˬtuˆluˆ 4:19

Miqyaer nuima tsaq-eu mirnae shaqzanq daqluf-eu tsawrhaq deuq, sarjax zif-eu mqmir bae-euq Yawsanr ghaq-anr nuima saflar a’naeq-awr, yawmuiq jeq mr-awq.

2 Tiˆmoˇseˬ 1:12

Khoer baqda’nae, ngar khaeq-awr khav-eu heudeuq-anr ya daqluf-eu ma. Aerkhawf, ngar maq shafdawr. Aqjeq mirnae aernar-aq, ngar, aqsur ghaq-anr janluf-eu le laer ngar siqnya ma. Ngar, aqyawf-anr khar a’naeq-euq deuq, Arnan khoernan-anr keuvni, aqyawf hawlanr-awr hawpir mae laer ngar janduq taq-euq ma.

Dawqdaq 15:3

Ya’we Miqyaer-euq myavnuiv yawqgar navluf jav-awr, Tsawrmuiq-anr khawf, tsawrdoer-anr khawf hawluf-eu mae.

Jaceuq 35:22

Ya’we Miqyaer-or! Nawr, heu-anr mawrjir taq-euq mae; Ciqcurni taq jawrbyov naeqlaf. Sanqpaq Miqyaer-or! Ngaq-anr nae ghawqmanr-aer taq jawrkaq naeqlaf.

Jaceuq 22:11

Gardzaq garkawv dawqpae javluf-eu mirnae, ngaq-anr nae garmanr taq jawrkaq naeqlaf; Aqjeq mirnae aernar-aq, ngaq-anr cawba naeqlaf-eu tiqghaq-iq maqjawr-a.

HeˬByehˇ 4:13

Khar baetaq-euq yawqjeq navluf, aqyawf-euq maeqshi zaftaq-euq tiqjeq-iq maqjav-a. Yawqjeq navluf aqyawf-euq maeqshi byacaevni pandzae taq-euq mae. Aqkar, aqdui, aqyawf-anr dawqdzawr ya mrnaeq-eu mae.

Jaceuq 31:8

Nawr, ngaq-anr muir-eu deuq-euq aqlaf-euq lafkhoer maqbi anrlerni, Nawr, ngaq-euq aqkuir-anr jerloni ghae-eu jawrduq-anr ciqtaq naeqlaf-euq mae.

Jaceuq 68:6

Miqyaer, yawqha tiq ghaq taef-aer jawr-eu tsawrhaq-anr nymrjir bi bawlar-awr, Shmrcav nae bi paftawf taq-euq deuq-anr, Muiq-awr sanr-eu jawrduq-anr sheuqdov naeq-eu mae. Aerkhawf, puiq-eu tsawrhaq-anr-aq, Guicorni ghae-eu mirtsaq-anr bijawr-eu mae.

Dawqdaq 15:25

Ya’we Miqyaer, nuima huiq-eu tsawrhaq-euq nymr pyavdzae-eu mae. Aerkhawf, miqcoeq miqma-euq mirkaq lavbaw naeq-eu mae.