Jaceuq 10:12 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Ya’we Miqyaer-or, tur-awq! Miqyaer-or, nawq-euq aqlaf bafdir-awq! Yawshaqzaq-anr taqngaer naeqlaf.

Akha

¹² Sahˬpaˬ Miˬyehˇ-oˇ, oe-awˬ. bi kʼehˬ-euˬdeuˬ-ahˇmaˬngehˇni, nawˬ-euˬaˬlaꞈ caw ja leꞈ-awˇ, haiˬ-eu deuˬ-ahˇ nawˇzuiˆle-awˬ.

Jaceuq 10:12 Referans Kwoze

Jaceuq 9:12

Miqyaer, aqyawf maf-anr noeqmawr-awr, shiq lavdov-euq arpoeq janrkhof naeq-eu mae. Aqyawf, yawshaqzaq nae ngoer-euq tersar-anr tiqjawr-iq maqngaer-a.

Jaceuq 94:2

Mirtsaq-anr yarkhaq dar-eu ghaq-or! Turlar-awr; Nuima huiq-eu tsawrhaq-anr geuxni khaeqkhof naeq-awq.

Jaceuq 17:7

Aqcawq tur-awr muirlar-eu mirnae, Nawq-euq lafkhoer caevzaf lar-eu tsawrhaq-anr, Armar laf nae kakhof-eu ghaq-or! Nawq-euq zanqler paq-aer muiq-eu ghawqshaq gaq-eu jeq bimawr naeqlaf-awq.

Jaceuq 77:9

Miqyaer, guiqlanq yawdzanr bif-eu jeq-anr ngaershaw-euq la laq? Aqyawf nuima paer-awr nanqyuni ghawqshaq gaq-eu jeq piqtaeq-aq lor? Sela.

Jaceuq 13:1

Ya’we Miqyaer-or! Nawr, ngaq-anr aqmyan keuvni ngaer-eu laer ghae-eu le? Li-eu maqbawni ngaer-eu laer ma lor? Ngaq-anr nae nawq-euq myavpyawq aqmyan keuvni ciqzaf taq-eu laer ghae-eu le?

Jaceuq 9:19

Ya’we Miqyaer-or! Turlar-awq. Tsawrhaqzaq nae maqbi ghaqler-aer, Tsawrjeuq tsawrca-anr, nawq-euq maeqshi yarkhaq dar-awq.

Jaceuq 7:6

Ya’we Miqyaer-or! Nawr nuima paer-eu lafkhoer tsawqtur-awr, Ngaq-anr muir-eu deuq paerpaer-aer teuvluf-eu gar, nawr yawfdaq naeqlaf-awq. Ngaq-euq gharduq turlar-awr, dawq bif-eu lafkhoer yarkhaq dar-awq.

Jaceuq 3:7

Ya’we Miqyaer-or! Turlar-awq. Ngaq-euq Miqyaer-or! Bibuq-ir naeqlaf-awq. Ngaq-anr kharmuir-eu deuq-euq maeqof taevceuf naeq-awr, Yawcawv deuq-euq seuq diqjuvjir naeq-awq.

Jaceuq 9:13

Ya’we Miqyaer-or! Ngaq-anr ghawqshaq gaqnaeq laf-awq. Ngaq-anr byae-eu deuq nae lavdov naeqlaf-euq gardzaq garkawv jav-eu gar sharnoeq sharsawx naeqlaf-awr, Shir-eu mirkhanq-euq lanrkhaeq-anr nae, ngaq-anr ciqkhof naeqlaf-awq.

Jaceuq 17:13

Ya’we Miqyaer-or! Turlar-awq! Aqyawf-anr ciqdaq-awr, aqyawf-anr deuvghaq-awq! Tsawrcawv-anr nae ngaq-euq nuima saflar-anr, nawq-euq micaer nae bibuq-ir naeqlaf-awq.

Jaceuq 74:19

Nawq-euq khaqkhoeq-euq daefzir, bawrtsanq-euq jeqzaq-anr taq a’naeq; Li-eu maqbawni, nawq-euq irshaqzaq-euq daefzir-anr taq ngaerbyov naeqlaf.