HeˬByehˇ 1:3 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Aqyawf-aq, Miqyaer-euq yawshaef khanqsaer-euq yawshaef pyeuf-awr, Miqyaer-euq shaevdzeuf byan-eu ghaq pyeuf-eu mae. Aqyawf, aqyawf-euq baoq anr-eu dawq-anr ghoe-awr, dawqtawv luf-anr hawlanr lavsav luf-eu mae. Aqyawf, aqyawf-euq mawrdo nae aqdui-euq iqbax-anr tsiqshawr ghaq-awr, yawgor-anr khanqsaer huiq-eu Ghaq-euq armar paw nuirluf-eu mae.

Akha

³ Aˬ yawꞈ-euˬ laꞈ kʼoeˇ Miˬyehˇ-euˬ yaw shehꞈ kʼahˬ sehˇ bya doˆ luꞈ-awˇ, Miˬyehˇ-ahˇ duˇ duˇ dehꞈ dehꞈ pyeuꞈ-eu meh. Baoˬ huiˬ dui dui-eu aˬ yawꞈ-euˬ dawˬ-ahˇ gʼoe-awˇ, mˬ hawˇ-eu miˇ dawˬ tawˆ luꞈ-ahˇ haw luꞈ pyaˆ luꞈ-eu meh. Tsawˇ haˬ zaˬ-ahˇ Miˬyehˇ iˬ baˇ pyehˬ nehˬ nya ni mˇ gʼaˬ shaˇ gʼaˬ-awˇ, Dawˬ tawˆ kʼoeˇ taˆ Baoˬ huiˬ-eu gʼaˬ pyeuꞈ-eu Miˬyehˇ-euˬ aˇ maˇ paw, mˬ kʼoeˇ taˆ aˬ yawꞈ nuiˇ luꞈ-eu meh.

HeˬByehˇ 1:3 Referans Kwoze

Panmaeq 4:11

“Or, nga’maf-euq Sanqpaq Miqyaer-or! Nawr-aq, yawqjeq navluf-anr bae-awr, Nawr nuima tsaq-eu lof-aer nawq nae bae-euq jeq daefnya javnya-eu mirnae, Yawshaef khanqsaer, taqhuiq taqmanr-eu jeq hawr-eu, baoq dawqtawvluf nawr za-eu geux mae.”

Yoˇhaˬ 1:14

Dawq khoer-aq, shiqshaq pi-awr aqdui naeq-aer jawrle-euq mae. Aqyawf-euq yawshaef khanqsaer-anr aqdui ya’mawr-euq ma. Yawshaef khanqsaer khoer-aq, Aqda-euq Zaqyo tiq ghaq taef-euq yawshaef khanqsaer mae. Zaqyo heughaq-aq, guiqlanq yawdzanr hawr-eu yawtsaq yawdawr jeq byan-eu mae.

2 Gawˇliˬtu 4:4

Maqjan-eu tsawrhaq-anr Miqyaer-euq shaevdzeuf pyeuf-eu Kali-euq yawshaef khanqsaer byadov lef-eu guiqlanqdawq, maqbi bya’naeq-eu gharduq, heuzir-euq miqyaer, aqyawf maf-euq nuima-euq myavnuiv bibaef-ir taq-euq mae.

HeˬByehˇ 12:2

Caevghaeluf ngae, Yeqsur-anr hawtsov taq-awq. Aqyawf-aq, aqdui jan-eu jeq-euq ardanq bae-euq ghaq hawr-eu arsaq saq-eu ghaq pyeuf-eu mae. Aqyawf-euq maeqshi javluf-eu laqkhaq caer-eu jeq-euq baqda’nae, daqga-eu jeq-anr maq sharnoeqni lafyaq-anr daq-euq mae. Nymq-mr aqyawf, Miqyaer-euq nuirmanq armar paw nuirluf-eu mae.

Yoˇhaˬ 1:4

Aqyawf-euq lafkhoer daef-eu jeq anr-eu mae. Daef-eu jeq khoer-aq, tsawrhaq-euq yawshaef mae.

HeˬByehˇ 10:12

Aerkhawf, Kali, iqbax-euq gharduq tiq pov lawr-euq taef khawf, mqmaq maqbyav yarzir luiv-eu jeq lawrnaeq ghaq-euq nar-aq, Miqyaer-euq armar paw nuirler-euq mae.

Yuˇdaˆ 1:25

Yawshaef khanqsaer hawr-eu huiq duidui-eu khanqsaer, Uvlanr-eu baoq hawr-eu aryaq, Nymq-mr nae mqmaq maqbyav yarzir, Aqdui-euq Kakhof-eu ghaq pyeuf-eu, Aqyawf tiq ghaq taef-aer tsawrganr byan-eu Miqyaer-euq pyeuf luf-ur. Aqmeq.

HeˬByehˇ 9:26

Khoerlof-aer ya lawrnaeq lawnmr-aq, mqmir bae-euq taf nar-aq, aqyawf ghawqmya pov shaqzanq yadaq-euq law taef-a. Aerkhawf, aqyawf iqbax yurdzae-eu laer arsaq saq-eu aryamq heu-euq lafkhoer, aqyawf-euq mawrdo lawrnaeq-euq baqda’nae, aqyawf tiq pov dovle-euq taef mae.

1 Yoˇhaˬ 1:7

Miqyaer, yawshaef-euq lafkhoer jawr-eu lof-aer, aqdui khawf yawshaef-euq lafkhoer daef nar-aq, aqdui tiqghaq tirghaq cawq cawqtaf taef-a. Khoeruqtaf, aqyawf-euq Zaqyo, Yeqsur Kali-euq shiq, aqdui-euq iqbax dawqtawv luf-anr tsiqshawr naeqlaf-eu mae.

HeˬByehˇ 4:14

Aqdui, Pirma yawhuiq ghaq jawr-eu ma. Aqyawf-aq, mqtav mirkhanq-anr cantsaev-euq Miqyaer-euq Zaqyo Yeqsur mae. Aqdui nae aerdov-euq jeq-anr aqdui zifdanni nyaeftaeqtaq kar-eur.

1 Yoˇhaˬ 3:5

Iqbax-anr yurdzae-eu laer Kali oe-awr, aqyawf-euq lafkhoer iqbax maqanr-a laer nawmaf siqnya-eu mae.

2 Beˬtuˆluˆ 1:16

Nga’maf, nawmaf-anr aqdui-euq Sanqpaq Yeqsur Kali-euq baoq hawr-eu aqyawf zafka le-eu garkawv bisiq-eu heu-aq, tsawrganr zmq-awr noeqdov-euq garkawv-anr ghoe-awr bisiq-eu maqngeur. Aerkhawf, nga’maf-euq myavnuiv nae aqyawf-euq khanqsaer huiq-eu gar ya’mawr-awr bisiq-eu ma.

1 Beˬtuˆluˆ 3:22

Yeqsur mq-euq khoertav ghofdav ler-awr, Miqyaer-euq armar paw nuirluf-eu mae. Mqtav ghaqkhaer deuq, aryaq jav-eu deuq, baoq huiq-eu deuq, dawqtawvluf, aqyawf-euq lafov jawrluf-eu mae.

1 Beˬtuˆluˆ 1:21

Miqyaer, aqyawf-anr shir-euq gar nae bi ghofdaef lar-awr, yawshaef khanqsaer bifnaeq-euq mirnae, nawmaf-euq jan-eu jeq hawr-eu noeqtmq-eu jeq, Miqyaer-euq lafkhoer anr-eu mae. Nawmaf-aq, Kali-euq baqda’nae Miqyaer-anr janluf-eu mae.

HeˬByehˇ 8:1

Nga’maf aermawf-eu nuinoeq uqdzan-aq heulof-aer ma: aqdui, mq-euq khoertav jawr-awr, dawqtawv luf-anr uvlanr luf-eu, Sanqpaq Miqyaer-euq nuirmanq-euq armar paw nuirluf-eu Pirma yawhuiq ghaq jawr-eu ma.

Maˬkuˆ 16:19

Sanqpaq Yeqsur, aqyawf maf-anr dawq khoerlof-aer ngaeqnaeq ghaq-euq nar-aq, mq-euq khoertav bi sheuqkhofdav lef-awr, Miqyaer-euq armar paw nuir-euq mae.

Jaceuq 75:3

Mirtsaq tanqkhawr hawr-eu mirtsaq-euq khoertav jawr-eu deuq guirbyov-ir luf ngae; Ngar, mirtsaq-euq khawrzeur deuq lavzif ma. Sela.

Panmaeq 3:21

Ngar ghaqler-euq mirnae, ngaqDa-euq nuirmanq-anr ngaqDa naeq-aer tiqkawv lof-aer nuirluf-eu lof-aer, ngar khawf ghaqler-eu tsawrhaq-anr ngaq naeq-aer ngaq-euq nuirmanq-anr binuir ma.

HeˬByehˇ 7:27

Aqyawf-aq, Pirma yawhuiq nuideuq lof-aer, nan-anr nae yawqha-euq iqbax-euq gharduq jeqhu lawr-awr, aqcawq-euq iqbax-euq gharduq lawrnaeq-eu laer maqya ghae-a. Aqjeq mirnae aernar-aq, aqyawf-euq mawrdo lawrnaeq-euq khoer-aq, dawqtawv luf-euq gharduq tiqpov taef-aer lawrluiv jir-euq jeq pyeuf-eu mae.

Gʼaˬkʼehˇ 2:33

Miqyaer-euq armar paw aqyawf-anr taqhuiq taqmanr-awr, Yawshawr Saflar bif ma laer Miqyaer nae sarjax dzaqtaq-euq lof-aer, aqyawf za-euq mae. Nymq-mr nawmaf yagaq ya’mawr luf-eu lof-aer, aqyawf shaevdav naeqlef-euq mae.

Yoˇhaˬ 1:29

Nishawq ngae nan, aqyawf jawr-eu paw Yeqsur oeluf-eu gar Yorhaq ya’mawr ngae, heulof-aer aer-eu mae, “Mirtsaqzaq-euq iqbax-anr pidzae-eu Miqyaer-euq Yawrzaq-anr hawsher-eq!

Gawˇlawˇsehˇ 3:1

Nawmaf aqdir Kali naeq-aer tiqkawv lof-aer ghofdaef lar-euq ngeur nar-aq, yawgor-anr jav-eu jeq-anr sharpov-eu tsaq mae. Kali-aq, khoergar Miqyaer-euq armar paw nuirluf-eu mae.

Lormav 8:34

Aqyawfmaf yawlaeq mae laer yarkhaq darnya-eu aqsur ghaq la? Yeqsur Kali-aq, shir-euq khawf ghofdaef lar-awr, nymq-mr Miqyaer-euq armar paw jawr-awr nae aqdui-euq gharduq guiqlanq shardan luf-eu mae.

Gʼaˬkʼehˇ 7:56

aer-eu, “Hawsher-eq! Mq pantaq-awr, Tsawrhaq-euq Zaqyo, Miqyaer-euq armar paw yawfluf-eu gar ngar mawrluf-eu ma!”

Jaceuq 110:1

Ya’we Miqyaer, ngaq-euq Sanqpaq-anr aernaeq-eu, “Ngar, nawq-anr muir-eu deuq, Nawq-euq aqkuir cawqtaqduq maqbi pyeuflar-euq khoerkeuvni, Ngaq-euq armar paw nuir-awq.”

Lormav 1:16

Ngar, Kali-euq guiqlanqdawq gharduq maq shafdawr. Aqjeq mirnae aernar-aq, guiqlanq dawq-aq, jan-eu tsawrhaq yawqghaq navluf-anr bibuq-ir nya-eu Miqyaer-euq baoq pyeuf-eu mae. Yurdav tsawrhaq-anr nae bae-awr, Heqlaqsar tsawrhaq-anr khawf bibuq-ir-eu mae.

HeˬByehˇ 9:16

Jeqbir bif-eu sanqbof jav nar-aq, jeqbir sanqbof bif-eu ghaq shir-euq yawduq yabi baw-eu mae.

Maꞈtehˬ 22:24

“Saqlaq-or! Morseq aertaq-euq, ‘Tsawrhaq tiq ghaq, zaq maq jawrle-euq minav-aer shir-euq nar-aq, ardov ghaq-euq tsuif maqya danq-ir ni, aqnyir ghaq, aqyawf-euq miqzaq-anr yasheuq-eu mae.’ (Dm 25:5)

Tiˇtuˆ 2:14

Aqyawf-euq mawrdo lawrnaeq-euq khoer-aq, zanrdawq-anr leur-eu yawqjeq navluf-anr nae aqdui-anr kakhof naeqlaf-awr, aqyawf-euq gharduq aqdui-anr lavmuiq lavshawr-awr, yawmuiq jeq mr-eu gar nuima keuv duidui-eu aqyawf-euq tsawrjeuq bipyeuf-eu gharduq mae.

HeˬByehˇ 1:13

Aerkhawf, Miqyaer, mqtav ghaqkhaer aqgeu ghaq-anr heulof-aer aernaeq haw-euq la? “Ngar, nawq-anr muir-eu deuq, Nawq-euq aqkuir cawqtaqduq maqbi pyeuflar-euq khoerkeuvni, Ngaq-euq armar paw nuir-awq.” (Jc 110:1)

2 Beˬtuˆluˆ 1:17

Byan duidui-eu yawshaef khanqsaer-euq lafkhoer nae, ngaeqdov lef-euq tersar aer-eu, “Heughaq-aq, ngar zawr gaq-eu ngaq-euq Zaqyo ma. Ngar, aqyawf-anr nuikhanrshir duidui ma.” Khoerngae, aqyawf, Aqda Miqyaer-euq taqhuiq taqmanr-eu jeq hawr-eu yawshaef khanqsaer-anr za-euq mae.