HeˬByehˇ 1:14 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Kuirlaf zaqkhav pyeuf-eu saflar dawqtawvluf, kakhof-eu jeq jeqbir lof-aer za-eu tsawrhaq deuq-anr bi cawba-eu laer, Miqyaer nae khaerghae lef-euq maqngeur-a lor?

Akha

¹⁴ Toˆ-ehˇ ngeuˇ naˇ, mˬ taˆ gʼaˬ kʼehˇ deuˬ aˬ jeˬ-a. Aˬ yawꞈ maꞈ-aˬ, ka kʼoꞈ-eu jeˬ za-eu tsawˇ haˬ deuˬ-ahˇ bi caw ba-eu gʼaˇ duˬ Miˬyehˇ neh kʼehˇ gʼeh leꞈ-euˬ, aˬ yawꞈ-euˬ gaˇ mˇ-eu yaw sahˇ deuˬ pyeuꞈ-eu meh.

HeˬByehˇ 1:14 Referans Kwoze

Jaceuq 34:7

Ya’we Miqyaer-euq mqtav ghaqkhaer, Miqyaer-anr guv-eu deuq-euq tiqjawq lofjawq taq-awr, Aqyawf maf-anr bibuq-ir-eu mae.

Maꞈtehˬ 18:10

“Nawmaf, zaq yawnyir heudeuq-euq lafkhoer tiqghaq-anr-iq yaeqbawq saerlu-aer maqya ghaeni yanr-awq. Ngar, nawmaf-anr aernaeq nyar, aqyawf maf-euq mqtav ghaqkhaer, mq-euq khoertav jawr-awr, aqmyanluf ngaqDa-euq myavpyawq-anr mawrluf-eu mae.

Gʼaˬkʼehˇ 27:23

Aqjeq mirnae aernar-aq, ngaq-anr uvlanr-awr, ngar uqduq tanqluf-eu Miqyaer-euq mqtav ghaqkhaer, mircif ngaq-euq dawqpae yawfle-awr,

Gʼaˬkʼehˇ 5:19

Aerkhawf, uqcif paw Sanqpaq Miqyaer-euq mqtav ghaqkhaer tiq ghaq, kuv-euq larghov deuq panle-awr, aqyawf maf-anr sheuqdov ghae-awr aer-eu,

Gʼaˬkʼehˇ 12:7

Khoerngae, Sanqpaq Miqyaer-euq mqtav ghaqkhaer tiq ghaq Beqtuvluv-euq gardzer yawfle-awr, kuv-euq arlawv-euq lafkhoer yawshaef byalar-euq mae. Aqyawf, Beqtuvluv-euq byaghar-anr taevtaev-aer kurnoeq-eu, “Yawkawr-aer tur-awq.” Khoerngae, shmrcav deuq aqyawf-euq aqlaf-anr nae galaev jir-euq mae.

Luˇkaꞈ 1:19

Khoerngae, mqtav ghaqkhaer khoerghaq heulof-aer aerkhof naeq-euq mae, “Ngar-aq, Miqyaer-euq maeqshi yawfluf-eu Gaqbeqlar ma. Aqyawf, ngaq-anr khaer-awr laqkhaq caerlar paq-aer ghae-eu garkawv heu, nawq-anr bi tsafgaq le-euq mae.

Maꞈtehˬ 1:20

Yorsaev khoerlof-aer sharnoeqluf ngae, aqyawf yufmav mav-eu lafkhoer, Sanqpaq Miqyaer-euq mqtav ghaqkhaer dovle-awr heulof-aer aer-eu mae: “Daqbir-euq zaqyo Yorsaev-or, nawq nae aertsaev taq-euq Maqliv-anr sheuqdanq dzaq-eu taq noeqshaq. Aqjeq mirnae aernar-aq, aqyawf piluf-eu zaq-aq, Yawshawr Saflar-euq baqda’nae tsaevler-euq mae.

Luˇkaꞈ 16:22

“Tiqnan keuvlar ngae, hawqshar shardzaq-eu heughaq shir-awr, mqtav ghaqkhaer deuq nae Aqbyaqhaq-euq bawkhanr-anr sheuqkeuv naeqler-euq mae. Smrmuiq smrbaw khoerghaq khawf shir-awr, bafpanq-euq mae.

Gʼaˬkʼehˇ 12:23

Khoerngae, Heqlor, Miqyaer-anr maq ciqhuiq maq ciqmanr-eu mirnae, Sanqpaq Miqyaer-euq mqtav ghaqkhaer japyuqni tanqghae lef-awr aqyawf-anr arboeq armawr deuq nae bidzaq-awr, aqyawf saf tsaev-euq mae.

Luˇkaꞈ 2:9

Khoerngae, Sanqpaq Miqyaer-euq mqtav ghaqkhaer dovle-awr aqyawf maf-euq dawqpae yawfluf-eu mae. Sanqpaq Miqyaer-euq yawshaef khanqsaer aqyawf maf-euq tiqjawq byale-awr, yawr bo-eu deuq guv duidui-ir-euq mae.

Luˇkaꞈ 2:13

Khoernar-aq, mqtav-euq guirzaq, baqmaf purjeq-aer japyuqni dovle-awr, mqtav ghaqkhaer khoerghaq naeq-aer Miqyaer-anr jaceuq-eu,

Jaceuq 104:4

Aqyawf, jaqlaer-anr ghaqkhaer bipyeuf-awr; Aqyawf, miqdzaq miqlmr-anr gar mrzaq bipyeuf-euq mae.

Maꞈtehˬ 2:13

Aqyawfmaf ghof-ir dzeur-euq nar-aq, Sanqpaq Miqyaer-euq mqtav ghaqkhaer tiq ghaq, Yorsaev yufmav mav-eu lafkhoer dovle-awr aer-eu, “Tur-awr, aqlizaq hawr-eu aqyawf-euq aqma sheuq-awr Irjirtuv-anr caevjawr-ir-awq. Ngar, nawq-anr aernaeqlaf ngae keuvni khoergar jawr-awq. Aqjeq mirnae aernar-aq, Heqlor, aqlizaq-anr saef-eu laer pov taef-a.”

Tiˇtuˆ 3:7

Aqyawf-euq guiqlanq yawdzanr baqda’nae, aqdui tsaq-awr dawr-eu tsawrhaq pyeuflar-awr, mqmaq maqbyav yarzir daef-eu jeq-anr noeqtmqkhar za-eu aqyawf-euq jeqbir of-eu tsawrhaq ma.

Panmaeq 5:6

Khoerngae, ngar, aqyuif aqtsu deuq-euq ghanrcae, nuirmanq hawr-eu yawdaef jeq khoer oeq mawr-euq yawkaq-anr Yawrzaq yawfluf-eu gar ya’mawr-euq ma. Yawrzaq-aq, saef-euq gar yadaq-euq lof-aer dur-eu mae. Aqyawf-aq, uqcoer shif coer tsof-awr, myavnuiv shif nuiv tsof-eu mae. Myavnuiv khoer shif nuiv-aq, mirtsaq-euq khoertav doeni Miqyaer nae bi irbyan taq-euq Miqyaer-euq Saflar shif lar mae.

1 Beˬtuˆluˆ 1:12

Miqyaer gharduq ngaeqdan-eu khoerdeuq, aqyawfmaf gar mr-eu-aq, yawqha-euq gharduq mr-eu maqngeur-aer, aqdui-euq gharduq mr-eu mae laer Miqyaer, aqyawf maf-anr panmaeq naeq-euq mae. Mq-anr nae bi’oe-euq Yawshawr Saflar, aqyawf maf-anr panmaeq naeq-euq mirnae, nymq-mr aqyawfmaf guiqlanqdawq khoerdeuq, nawmaf-anr maeqnaeq luf-eu mae. Mqtav ghaqkhaer deuq khawf, khoerdeuq-anr mawrmawf duidui-eu mae.

Maꞈtehˬ 25:34

Khoernar-aq, Sanqpaq, armar paw jawr-eu deuq-anr heulof-aer aernaeq taef-a: ‘NgaqDa-euq guiqlanq za-euq tsawrhaq deuq-or! Lar-awq. Mqbae mirbae bae ngae nae, nawmaf-anr of-eu jeqbir pyeuf-eu mirkhanq-anr jawrlar-awq.

Yuˇdaˆ 1:14

Aqdaq-anr nae guikalef ngae, shiftsuif tiqtsuif-anr jawr-eu Ernov khawf aqyawf maf-euq garkawv, Miqyaer gharduq heulof-aer ngaeqdan taq-euq mae, “Hawde-eq. Sanqpaq Miqyaer, aqyawf-euq tsawrshawr armyaer arjuirghaq sheuq-awr oe taef-a.

1 Beˬtuˆluˆ 1:4

Khoermirnae, Miqyaer nae nawmaf-euq gharduq maqcawv-ir nya-aer, maqjawf-ir nya-eu uqtaf, maqpeuq-ir nya-eu jeqbir, mq-euq khoertav jeqhmq taq-euq mae.

HeˬByehˇ 6:17

Khoernav maqtser, Miqyaer nae jeqbir of-eu tsawrhaq deuq-anr maq parlar nya-eu sarjax dzaq-euq khoer, byacaevni bi mawrmawf-eu mirnae, aqyawf noeqtsaev-awr kamqtaq-euq mae.

2 Teˇsaˬloˇni 1:7

nuima maqsar-aer ya daqluf-eu nawmaf-anr nga’maf naeq-aer ghaqnaq binaq-eu tsaq mae laer Miqyaer noeqtaq-euq mae. Khoerngae, miqdzaq miqlmr-euq lafkhoer Sanqpaq Yeqsur hawr-eu baoq huiq-eu aqyawf-euq mqtav ghaqkhaer deuq naeq-aer mq-anr nae bi dovle-awr,

Piˇliˇpiˆ 2:25

Ngaq-euq maernmr Irbaqpawqdir-anr nawmaf jawr-eu gar bighofle-eu tsaq-eu paq laer khawf ngar sharnoeq luf-eu ma. Aqyawf-aq, ngaq-euq gar mrcawq hawr-eu, saflar paw-euq guirdeuv deuvcawq mae. Nawmaf nae ngar mawf-eu jeq-anr bi cawba-eu laer khaerlef-euq tiq ghaq khawf pyeuf-eu mae.

2 Gawˇliˬtu 9:12

Aqjeq mirnae aernar-aq, guiqlanq-euq gar heu-aq, tsawrshawr deuq mawf-eu jeq-anr cawba-eu taef-aer maqngeur-eu, tsawrhaq ghawqmya’ni Miqyaer-euq guiqlanq-anr jaceuq duidui-eu jeq khawf dovlar-eu mae.

Lormav 15:27

Khoer-aq, aqyawf maf-anr aqdir nuikhanr bi shirler-euq mae. Khoeruqtaf, aqyawfmaf dzirdzov tsoeqnaeq-eu laer khawf aernya-eu mae. Aqjeq mirnae aernar-aq, aqcawq tsawrjeuq tsawrca deuq, saflar paw Yurdav tsawrhaq naeq-aer tiqkawv lof-aer guiqlanq za-euq ngeur nar-aq, shiqshaq paw-euq myawqganq Yurdav tsawrhaq-anr bifnaeq-eu-aq, aqyawfmaf ya’mr-eu gar pyeuf-eu mae.

Lormav 15:16

ngar, aqcawq tsawrjeuq tsawrca-euq gharduq Yeqsur Kali-euq gar mrzaq geuf-awr, Miqyaer-euq guiqlanq dawq-euq gar mrluf-eu ma. Yawshawr Saflar nae aqcawq tsawrjeuq tsawrca-anr lavshawr-euq nar-aq, aqyawf maf-anr yur-awr lawrnaeq-eu jeq lof-aer lawrnaeq ngae, Miqyaer hageuf paq-aer ngar mrluf-eu ma.

Lormav 13:6

Heu-euq baqda’nae, nawmaf khawf jeq dovluf-eu mae. Aqjeq mirnae aernar-aq, aqyawfmaf, Miqyaer-euq gar mrzaq pyeuf-awr, aqmyanluf gar khoerdeuq mrluf-eu mae.

Gʼaˬkʼehˇ 13:2

Aqyawfmaf, Sanqpaq Miqyaer-anr uqduq tanqtanq-aer dzardzaq sheuqluf ngae, Yawshawr Saflar, aqyawf maf-anr aernaeq-eu, “Ngaq nae aqyawf nyaf-anr kurtaq-awr bi mr-eu laer ghaer-eu gar deuq-anr mrni, ngaq-euq gharduq Baqnaqbar hawr-eu Sawrluv-anr tserpavdov taq-awq.”

Gʼaˬkʼehˇ 11:22

Garkawv heudeuq, Yeqlursaqlaeq-anr jawr-eu Kali-anr jan-eu armur deuq-euq naqbawr-anr gaqkeuv ler-awr, aqyawfmaf, Baqnaqbar-anr khaer-awr, Aqdirawq meuq-anr bi’ir-euq mae.

Luˇkaꞈ 1:23

Aqyawf, uqduq tanq-eu gar ya’mr-eu arnan aryamq jir-euq nar-aq, irkanr ghof-ir-euq mae.

Maꞈtehˬ 24:31

Khoerngae, darhae yawkhav-aer baw-awr, aqyawf, mqtav ghaqkhaer deuq-anr khaerghae-awr nae, mirma oeqcoer oeqbawq-anr luf, mq heudzer-anr nae khoerdzer-anr dovni, aqyawf nae tserdov taq-euq tsawrhaq deuq-anr bi kuruiqlaf taef-a.

Maꞈtehˬ 13:41

Tsawrhaq-euq Zaqyo, aqyawf-euq mqtav ghaqkhaer deuq-anr khaerlef-awr, aqcawq-anr sanqtif bi tiflar-eu yawqjeq navluf hawr-eu zanrdawq-anr leur-eu jeq mr-eu tsawrhaq dawqtawv luf-anr, aqyawf-euq uvlanr-eu jeq-euq lafkhoer nae yurdovdzae taef-a.

1 Beˬtuˆluˆ 3:7

Khoerlof-aer durni, khaqdzerzaq deuq khawf, yawqha-euq miqzaq-anr ghovshaw-awr daeftaf jawrtaf-awq. Aqyawf, nawq-euq navmaqtser yawnanq nanqdzaeq-eu khawf, nawq naeq-aer tiqkawv lof-aer daefzir-euq guiqlanq yawdzanr jeqbir za-eu mirnae, aqyawf-anr taqhuiq taqmanr-awq. Khoerlof-aer janr nar-aq, nawmaf guiqlanq shar-eu gar lavtsoeq-eu jeq maqjav-ar.

Yaˬkoˆ 2:5

Ngar zawr gaq-eu aqyuif aqnyir deuq-or! Narhaq sher-eq. Miqyaer, mirtsaq-euq khoertav jawr-eu irshaqzaq-anr jan-eu paw smrmuiq muiqlarni, aqyawf maf-anr tserdov-awr aqyawf-anr gaq-eu tsawrhaq jeqbir of-awr, Miqyaer uvlanr-eu lafkhoer bijawr ma laer sarjax dzaqtaq-euq tsawrhaq maqngeur-a lor?

HeˬByehˇ 10:11

Pirma yawqghaq navluf, yawqnan navluf yawf-awr, uqduq tanq-eu gardeuq ya’mr-eu mae. Aqyawfmaf, lawrnaeq-eu aqyawf tiqjeq taef-aer ghawqmya pov yalawr-eu khawf, lawrnaeq-eu khoer-aq, iqbax-anr maq yurdzae nya-a.

HeˬByehˇ 8:6

Aerkhawf, nymq-mr aqyawf-aq, poeqdzaeq muiqdzaeq-eu guiqlanq-euq gar zataq-euq mae. Khoerlof-aer durni, aqyawf-aq, muiqdzaeq-eu sarjax-euq khoertav jav-eu muiqdzaeq-eu dawqma sarjax-euq tsawrkaq pyeuf-eu mae.

HeˬByehˇ 6:12

Khoermirnae, nymrgawq yawdoer tsawrhaq maqya pyeufni, jan-awr or-eu lafkhoer, Miqyaer nae sarjax dzaqtaq-euq jeq-anr za-euq tsawrhaq deuq-anr mrcaw-awq.

HeˬByehˇ 5:9

Aqyawf khoerlof-aer byanlar-euq nar-aq, aqyawf-anr narhaq geuf-eu yawqghaq navluf-euq, li-eu maqbawni kakhof-eu jeq-euq dawqpaeq duqpur pyeuflar-euq mae.

Piˇliˇpiˆ 2:17

Nawmaf-euq jan-eu jeq-anr taf-eu uqduq tanq-eu gar hawr-eu, lawrnaeq-eu jeq-euq khoertav ngaq-euq mawrdo shaevdav-awr, lawr-eu jeq lof-aer yabi shaevdav-eu law khawf, ngar laqkhaq caer-awr, nawmaf dawqtawvluf naeq-aer laqkhaq cawcaer ma.

Eˇpeˇsu 3:6

Zaftaq-euq khoer-aq heulof-aer mae: guiqlanqdawq baqda’nae aqcawq tsawrjeuq tsawrca khawf, Kali-euq lafkhoer Yurdav tsawrhaq naeq-aer tiqkawv lof-aer jeqbir of-awr, mawrdo tiq do taef-aer pyeuflar-euq uqtaf, aqyawf-euq sarjax-anr khawf tiqkawv lof-aer za-euq mae.

Gaˬlaˬtiˆ 3:29

Nawmaf Kali-anr taf-eu tsawrhaq ngeur nar-aq, Aqbyaqhaq-euq aryoeq pyeuf-awr, dawqma sarjax aertaq-euq lof-aer jeqbir of-eu tsawrhaq mae.

Gaˬlaˬtiˆ 3:9

Khoermirnae, jan-eu jeq anr-eu tsawrhaq-aq, nuijan anr-eu Aqbyaqhaq naeq-aer tiqkawv lof-aer guiqlanq za taef-a.

Gaˬlaˬtiˆ 3:7

Khoermirnae, jan-eu jeq anr-eu tsawrhaq deuq-aq, Aqbyaqhaq-euq zaqdeuq mae laer nawmaf siqnya-awq.

Lormav 8:17

Aqyawf-euq zaq pyeuf-eu ngeur nar-aq, jeqbir of-eu tsawrhaq khawf pyeuf-eu mae. Kali naeq-aer tiqkawv lof-aer yawshaef khanqsaer za’ni, aqdui, aqyawf naeq-aer shaqzanq daq nar-aq, aqdui khawf Miqyaer-euq jeqbir of-eu tsawrhaq pyeuf-awr, Kali naeq-aer tiqkawv lof-aer jeqbir of-eu tsawrhaq pyeuf taef-a.

Gʼaˬkʼehˇ 16:26

Khoerngae, mirluvluv duidui lar-awr, kuv-euq dawqpaeq-anr keuvni nyaelar-euq mae. Tiqpov taef-aer kuv-euq larghov dawqtawvluf panlar jir-awr, kuv-anr ur-eu tsawrhaq deuq-anr paftaq-euq shmrcav galaev jir-euq mae.

Maꞈtehˬ 4:11

Khoerngae, naef sanqpaq, Yeqsur jawr-eu gar nae dov-ir-euq mae. Khoernar-aq, mqtav ghaqkhaer deuq oe-awr, aqyawf-anr ngaeqghae le-euq mae.

Maˬkuˆ 10:17

Khoernar-aq, Yeqsur garma dov-ir-eu laer luv-ir ngae, tsawrhaq tiq ghaq caevghae laf-awr, aqyawf-euq maeqshi pawqtsuif pawqdmq gadmq-awr nae Yeqsur-anr narhaq-eu, “Muiq-eu saqlaq-or! Ngar mqmaq maqbyav yarzir daef-eu jeqbir za’ni aqjeq yajanr-eu la?”

Lormav 11:14

Ngar heulof-aer mr-eu mirnae, ngaq-anr shiqshaq taf-eu tsawrhaq myavnav navlar-awr, aqyawfmaf tiqpavnav deuq-anr bibuq-ir nya’ni ngar noeqtmq luf-eu ma.

1 Gawˇliˬtu 1:21

Miqyaer, aqyawf-euq zaqsiq tsawrganr-euq lafkhoer noeqtsaev taq-euq lof-aer nar-aq, mirtsaqzaq, yawqha-euq zaqsiq tsawrganr-anr ghoe-awr nae Miqyaer-anr siqnya larni maqngeur-a. Zaqsiq tsawrganq maqanr-eu gar dur-eu, guiqlanqdawq maeq-eu gar jan-eu tsawrhaq deuq-anr kakhof-eu Miqyaer nuikhanr shir-eu mae.

HeˬByehˇ 2:3

Aqdui heunav nav-aer huiq-eu kakhof-eu jeq heu-anr maq noeqpoeq nar-aq, aqjox-aer caevdzeurnya nmr-mq? Kakhof-eu jeq heu-anr, ardanqbae ngae-aq, Sanqpaq Yeqsur nae maeqnaeq laf-awr, yagaq-euq tsawrhaq deuq, aqdui-anr aerduq naeqlaf-euq mae.

HeˬByehˇ 9:28

Khoerlof-aer durni, Kali, tsawrhaq ghawqmya ni-euq iqbax-anr pidzae-eu laer tiq pov lawrnaeq-euq taef mae. Aqyawf nyiq pov tiqpov dovle ngae, iqbax naeq-aer tiqjeq-iq maqpar taf-aer, aqyawf-anr lofluf-eu tsawrhaq deuq-anr bibuq-ir-eu laer oe-eu mae.