HeˬByehˇ 1:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Arhuba, Miqyaer, aqyawf-euq gharduq ngaeqdan-eu deuq-anr ghoe-awr, aqdui-euq aqpoeq deuq-anr ghawqmya dzerdzaq-anr nae, ghawqmya pov dawq ngaeqcawq-euq mae.

Akha

¹ Aˇ hu ba, Miˬyehˇ gʼaˇ duˬ ngehˬ dah-eu deuˬ-ahˇ gʼoe-eu laꞈ kʼoeˇ, aˬ dui-euˬ aˬ poeˬ aˬ bawˇ deuˬ-ahˇ Miˬyehˇ gʼawˬ mya poˆ, gʼawˬ mya jeˬ dawˬ ngehˬ cawˬ-euˬ meh.

HeˬByehˇ 1:1 Referans Kwoze

Luˇkaꞈ 24:27

Khoernar-aq, aqyawf-euq garkawv boftaq-euq Yaerbof dawqtawvluf, Morseq nae boftaq-euq gar nae danqbae-awr, Miqyaer gharduq ngaeqdan-eu tsawrhaq deuq nae boftaq-euq gar keuvni, aqyawf nyaf-anr dawqtsuif jashaw maeqnaeq-euq mae.

Gʼaˬkʼehˇ 2:30

Daqbir-aq, Miqyaer gharduq ngaeqdan-eu tiq ghaq pyeuf-eu mirnae, aqyawf-euq mawrdo hawr-eu shiqshaq-anr taf-eu arsiq-euq garkawv, Miqyaer sarjax dzaq-awr kamqtaq-euq lof-aer, aqyawf-euq nuirmanq-anr bi nuirlarni, Miqyaer, Kali-anr bi dovlar-eu garkawv siqnya-eu mae. (Jc 132:11)

Luˇkaꞈ 1:55

Khoer-aq, Aqbyaqhaq hawr-eu aqyawf-euq aryoeq-anr mqmaq maqbyav yarzir ghawqshaqgaq ma laer, Aqyawf, aqdui-euq aqpoeq deuq-anr aertaq-euq lof-aer mae.”

Gʼaˬkʼehˇ 13:32

Miqyaer nae aqdui-euq aqpoeq deuq-anr sarjax dzaqtaq-euq lof-aer, nga’nyaf, nawmaf-anr laqkhaq caer-eu guiqlanqdawq heu maeqnaeq-eu ma.

HeˬByehˇ 2:2

Mqtav ghaqkhaer-anr ghoe-awr ngaeq-euq dawq khoer aqdir ngeur nar-aq, mrbanq mrlaeq-awr maq narhaq geuf-euq tsawrhaq dawqtawvluf, yawqha-anr geux-eu mrpoeq lafsawq za-eu mae.

Luˇkaꞈ 1:72

Aqyawf, aqdui-euq aqpoeq deuq-anr ghawqshaq gaq-eu lafkhoer janrnaeq-awr, Aqyawf-euq shawr-eu dawqma sarjax-anr noeqkeuv-euq mae.

Gʼaˬkʼehˇ 28:23

Khoernar-aq, aqyawfmaf, Pawrluv naeq-aer nanpax pax-euq mae. Khoernan keuvlar ngae, tsawrhaq ghawqmya’ni Pawrluv jawr-eu gar uiqlar-euq mae. Pawrluv uqshawq paw nae uqcif pawdzer keuvni, Miqyaer uvlanr-eu garkawv, aqyawf maf-anr sarkir kamqnaeq-awr, aqyawfmaf, Yeqsur-anr taf-eu paw pyawrlarni, Morseq-euq zanrdawq hawr-eu Miqyaer gharduq ngaeqdan-eu tsawrhaq deuq-euq sanqbof-anr ghoeghoe-aer, yawmuiq paq-aer dufyawrni ja’maeq naeq-euq mae.

Yoˇhaˬ 9:29

Miqyaer, Morseq naeq-aer dawq ngaeqcawq-euq mae laer nga’maf siqnya ma. Aerkhawf, tsawrhaq heughaq-aq, aqgeugar nae oe-euq laer nga’maf maq siqnya nya.”

Yoˇhaˬ 7:22

Khoermirnae, Morseq, nawmaf-anr bawkhov maeqdzaq yaeq-eu zanr bijanr-euq mae. Nawmaf, landaw jawrnan ngae nan khawf, zaqyo aqli-anr bawkhov maeqdzaq yaeqnaeq-eu mae. (Zanr heu-aq, Morseq-anr nae ardanq bae-euq maqngeur-a. Aqpoeq aqbawr deuq nae tawqka lef-euq mae).

Luˇkaꞈ 24:44

Khoerngae, Yeqsur, aqyawf maf-anr aernaeq-eu, “Morseq-euq zanrdawq, Miqyaer gharduq ngaeqdan-eu deuq-euq sanqbof hawr-eu, Jaceuq-eu sanqbof-euq lafkhoer, ngaq-euq garkawv khar boftaq-euq dawqtawvluf ya byanlar taef-a laer, ngar, nawmaf naeq-aer jawr ngae, dawq heudeuq aernaeq dzeur-euq ma.”

Yoˇhaˬ 16:13

Aerkhawf, yawtsaq yawdawr-euq Saflar oekeuv ngae, nawmaf yawtsaq yawdawr dawqtawv luf-anr siqnya larni aqyawf sheuqmaeq naeqlaf taef-a. Aqjeq mirnae aernar-aq, aqyawf-aq, aqyawf-euq aryaq zmq-awr maqngaeq-a. Aerkhawf, aqyawf nae kharya gaq-euq jeq aqyawf ngaeq-awr, aqkar pyeuflar-eu garkawv deuq khawf, aqyawf, nawmaf-anr aernaeqlaf taef-a.

Gʼaˬkʼehˇ 3:21

Miqyaer-aq, mqmir bae ngae nae, shawr-eu aqyawf-euq gharduq ngaeqdan-eu deuq-euq khaqmae-anr ghoe-awr aertaq-euq lof-aer, yawqjeq navluf lavmuiqkhof jir ngae keuvni, mqtav mirkhanq, aqyawf-anr yabi jawrtawq taef-a.

HeˬByehˇ 2:3

Aqdui heunav nav-aer huiq-eu kakhof-eu jeq heu-anr maq noeqpoeq nar-aq, aqjox-aer caevdzeurnya nmr-mq? Kakhof-eu jeq heu-anr, ardanqbae ngae-aq, Sanqpaq Yeqsur nae maeqnaeq laf-awr, yagaq-euq tsawrhaq deuq, aqdui-anr aerduq naeqlaf-euq mae.

HeˬByehˇ 3:5

Morseq-aq, aqkar maeqhu paw jagaq le-eu garkawv deuq-anr sarkir kamq-eu gharduq, Miqyaer-euq nymrkhanq dawqtawv luf-euq lafkhoer aqdir sarjax zif-eu kuirlaf zaqkhav tiq ghaq mae.

HeˬByehˇ 4:8

Yorsuv, aqyawf maf-anr ghaqnaq naqduq khoertsanr-anr sheuqur ghae-euq lawnmr-aq, Miqyaer yawqnan yawq-euq garkawv maqpar aerkeuv-ar.

HeˬByehˇ 5:5

Khoerlof-aer durni, Kali khawf Pirma yawhuiq ghaq pyeuflarni, yawqhar yawqha tsaqgeuf-euq maqngeur-a. Aerkhawf, Miqyaer, aqyawf-anr aernaeq-eu, “Nawr-aq, ngaq-euq Zaqyo ma. Iqnan, ngar, nawq-euq Aqda pyeuflar-euq ma.” (Jc 2:7)

HeˬByehˇ 9:19

Aqjeq mirnae aernar-aq, Morseq, zanrdawq-euq lafkhoer boftaq-euq zanrtaq khoftaq yawqdawq navluf, tsawrhaq khoerdeuq dawqtawv luf-anr aernaeq ghaq-euq nar-aq, mawrner mawrgaw hawr-eu cifmyaef-euq shiq, ircuf-anr keuq-awr, nertseuvni ghae-eu yawr cafhm hawr-eu hursor uqnae yur-awr, sanqbof hawr-eu tsawrhaq dawqtawv luf-anr juifshaeq-eu mae.

HeˬByehˇ 11:2

Arhu-euq tsawrhaq deuq jan-eu mirnae, sarkir yawmuiq za-euq mae.

HeˬByehˇ 11:18

Irtsav-euq garkawv Miqyaer aer-eu, “Irtsav ovnae daefle-euq deuq-anr taef-aer nawq-euq aryoeq laer sawx taef-a.” (Adb 21:12)

HeˬByehˇ 12:25

Nawmaf-anr dawq ngaeqcawq lar-eu ghaq-euq dawq-anr maq narhaq-aer maqghaeni yanr-awq. Aqjeq mirnae aernar-aq, mirtsaq-euq khoertav aqyawf maf-anr aernoeq naeq-euq khoerghaq-euq dawq-anr, aqyawfmaf maq narhaq-euq mirnae, maqya dzeur-ir-euq ngeur nar-aq, mq-anr nae aernoeq naeqlaf-euq khoerghaq-euq dawq-anr aqdui maq narhaq nar-aq, ngeurdzaeq aqjox-aer parya dzeur-ir nmr-mq?