Gaˬlaˬtiˆ 4:3 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Khoerlof-aer durni, aqdui, zaq yawnyir pyeuf ngae, mirtsaq-anr taf-eu zanr deuq-euq lafov zaqkhav yageuf-euq ma.

Akha

³ Kʼoeˇ loꞈ-ehˇ duˇ ni, aˬ dui guiˬ lahˬ saꞈ laˇ paw tsawˇ kʼaˆ maˬ kʼaˆ laˇ kʼoeˇ keuˆ ni, boeˬ boeˬ luˆ luˆ-ahˇ uˆ lahˇ luꞈ-eu yaw sahˇ deuˬ-euˬ laꞈ oˆ zaˬ kʼaˆ ya geuꞈ-eu meh.

Gaˬlaˬtiˆ 4:3 Referans Kwoze

Gawˇlawˇsehˇ 2:20

Nawmaf, Kali naeq-aer shir-awr, mirtsaq-euq zanrsanrkhof heudeuq-anr nae ghawq-ir dzeur-euq ngeur nar-aq, aqjeq mirnae mirtsaq-anr taf-eu lof-aer par daefluf-eu le? Nawmaf zanrtaq khoftaq heudeuq-euq uqmov jawrluf-eu le siq laq?

Gawˇlawˇsehˇ 2:8

Tsawrganr siqzaq-euq dawqmaeq hawr-eu gardanr maqtsoeq-eu jaqmyawf maershuir dawqdeuq ngaeqngaeq-aer, nawmaf-anr shuirlar-eu tsawrhaq-anr yanr-awr, tiqghaq nae-iq taqbi shuirtawv. Dawq khoerdeuq-aq, Kali-anr maqtaf-aer, tsawrhaqzaq-euq zanroer-anr taf-eu dawq hawr-eu, mirtsaq-euq zanrsanrkhof-anr taf-eu dawqdeuq mae.

Gaˬlaˬtiˆ 4:9

Nymq-mr nawmaf, Miqyaer-anr siqnya lar-euq mae. Aqdir aernar-aq, Miqyaer, nawmaf-anr siqnya luf-eu mae. Ghaq baq-awr gardanr maqtsoeq-eu deuq jawr-eu paw aqjeq mirnae par ghof-ir-awr, khoerdeuq-euq zaqkhav par geufmawf-eu nya?

Gaˬlaˬtiˆ 2:4

Aqjeq mirnae aernar-aq, tsawrhaq tiqpavnav deuq aqyuif aqnyir janrgeuf-awr, nga’maf-euq lafkhoer urkhoeq lar-euq mae. Aqdui-anr zaqkhav bigeuf-ir-eu laer Yeqsur Kali-euq lafkhoer za-euq buq-ir-eu jeq-anr khoeqsho luf-eu mae.

Gaˬlaˬtiˆ 4:31

Tox-aer ngeur nar-aq, aqyuif aqnyir deuq-or! Aqdui-aq, aqbur zaqkhav ghaq-euq zaq maqngeur-eu, nymrsanr aqma ghaq-euq zaq ma.

Gʼaˬkʼehˇ 15:10

Tox-aer mar-iq, nymq-mr nawmaf aqjeq mirnae Miqyaer-anr tsermr haw-eu le? Aqjeq mirnae aqdui-euq aqpoeq deuq hawr-eu aqduimaf khawf maq daqcoer-eu khavbaev, zaqlanr deuq-euq kawqlanr-anr ciqpi naeq-eu le?

Lormav 8:15

Nawmaf parya guvni zaqkhav-euq saflar zataq-euq maqngeur-a. Nawmaf-aq, zaq sheuqcu-eu, muiq-eu Saflar zataq-euq mae. Khoermirnae, aqdui “Aqba, Aqda-or” laer kur-eu ma.

Yoˇhaˬ 8:31

Khoerngae, Yeqsur, aqyawf-anr jan-eu Yurdav tsawrhaq deuq-anr heulof-aer aernaeq-euq mae, “Nawmaf, ngaq-euq dawq-euq lafkhoer jawr nar-aq, aqdir aqmar ngaq-euq zaqlanr pyeuf-eu mae.

HeˬByehˇ 7:16

Aqyawf, Pirma pyeuflar-euq-aq, shiqshaq-euq zanrtaq khoftaq-anr taf-eu zanrdawq-euq baqda’nae maqngeur-a. Maq lavcawv nya-eu daef-eu jeq-euq baoq baqda’nae pyeuflar-euq mae.

Gaˬlaˬtiˆ 4:25

Haqgaqlar-aq, Aqlarbyaq mirkhanq-anr jav-eu Sirnav gawqjawq mae. Nymq-mr jav-eu Yeqlursaqlaeq-anr aermawf-eu mae. Aqjeq mirnae aernar-aq, Yeqlursaqlaeq hawr-eu aqyawf-euq zaqdeuq khawf zaqkhav geufluf-eu mae.

Gaˬlaˬtiˆ 3:19

Tox-aer ngeur nar-aq, zanrdawq jav-eu aqjeq gardanr tsoeq-eu la? Khoer-aq, aqkar dawqma sarjax za-eu aryoeq khoerghaq maq oekeuv-euq nmrkaq, yawbanq yawlaeq jeq-anr bi siqnya-eu gharduq biftaq-euq mae. Zanrdawq-aq, mqtav ghaqkhaer nae, tsawrkaq geufluf-eu ghaq-euq aqlaf-anr ghoe-awr nae bifnaeq lef-euq mae.

Maꞈtehˬ 11:28

Khavbaev yawkan pi-awr ghaqdoer doer-eu tsawrhaq yawqghaq navluf, ngar jawr-eu gar lar-awq. Ngar, nawmaf-anr ghaqnaq bi’naq ma.

Lormav 7:14

Zanrdawq-aq, saflar-anr taf-eu mae laer aqdui siqnya-eu ma. Aerkhawf, ngar-aq, shiqshaq-anr taf-awr, iqbax-anr bi anqnaeq taq-euq ma.

2 Gawˇliˬtu 11:20

Tsawrhaq tiqghaqnav, nawmaf-anr zaqkhav bigeuf-awr, nawmaf-anr kawfsaef dzaqlar-eu uqtaf, nawmaf-anr myawfdzaq shuirdzaq lar-awr, yawqhar yawqha ciqgor-eu uqtaf, nawmaf-anr naqtaev taevlar-eu khawf, nawmaf daq-awr or-eu nga aerlawq.

Gaˬlaˬtiˆ 4:2

Aqyawf-euq aqda nae aertsaev taq-euq aryamq maq keuvlar-euq khoerkeuvni, aqyawf-anr hawpir-eu ghaq hawr-eu irkanr mrmyawq-anr hawpir-eu ghaq-euq lafov yajawr-eu mae.

Gaˬlaˬtiˆ 4:8

Nawmaf, Miqyaer-anr maq siqnya ngae, aqdirma-aer miqyaer maqngeur-eu deuq-euq zaqkhav geuf-euq mae.

Gaˬlaˬtiˆ 4:24

Garkawv heu-aq, dawqtsuif naf-eu dawq-euq arbar mae: Zaqmiq aqbur heu nyiq ghaq-aq, dawqma sarjax nyiq jeq mae. Tiq ghaq-aq, Sirnav gawqjawq-anr taf-eu Haqgaqlar mae. Aqyawf, zaq baw-euq-aq, zaqkhav bigeuf-eu laer baw-euq mae.

HeˬByehˇ 5:12

Aryamq myanrlar-euq gar sharnoeq nar-aq, nawmaf-aq, maeqnaeq tsovnaeq-eu tsawrhaq pyeuf paq-aer ghae-eu mae. Aerkhawf, Miqyaer-euq dawq-anr taf-eu dzawdanq bae-eu garkawv deuq khawf, aqcawq, nawmaf-anr maeqpovnaeq paq-aer ghae-eu nga siq. Nawmaf-aq, dzar yawzae maq dzaqnya-aer, aqcoer dawrzaq-euq artiv-anr daefluf-eu nga siq.