Gaˬlaˬtiˆ 3:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Gaqlaqtiv-anr jawr-eu aqdzawq argan deuq-or! Yeqsur Kali, lafyaq-euq khoertav bi tafsaef-euq khoer nawmaf-euq myavkhae byacaevni jav-eu khawf, nawmaf yawtsaq yawdawr-anr maq narhaqgeuf paq-aer, aqsur ghaq nae bi shuirtawv-euq le?

Akha

¹ Gaˬlaˬtiˆ miˇ kʼahˬ-ahˇ jawˇ-eu dawˇ ga deuˬ-oˇ. Aˬ suˇ gʼaˬ neh naw maꞈ-ahˇ mehˇ shuiˇ paˇ bi shuiˇ tawˆ teˬ. Yeˬsuˇ Ka li laꞈ yaꞈ kʼoeˇ taˆ kamˇ shiˇ-euˬ gaˇ kawˆ naw maꞈ-euˬ myaˆ kʼeh yaw duˬ duˬ-ehˇ dzawˇ nehˬ gʼaˬ-euˬ maˬ ngeuˇ-a loˇ.

Gaˬlaˬtiˆ 3:1 Referans Kwoze

2 Gawˇliˬtu 11:3

Arlawr, aqyawf-euq jaqmyawf nae Erbav-anr maershuir shuirtawv-euq lof-aer, Kali-euq lafkhoer shawrjaevni ghae-eu nawmaf-euq nuima khoersiq byov-ir gar ngar guv mir-a.

Panmaeq 2:20

Aerkhawf, ngar, nawq-anr aer paq-aer ghae-eu heumyav jeq jav-eu ma. Yawqhar yawqha, Miqyaer gharduq ngaeqdan-eu tsawrhaq ma laer aer-eu zaqmiq aqbur Yeqsaqbeqlar-anr nawr bi jawrluf-eu nga siq. Aqyawf, ngaq-euq ghaqzaq ghaqkhaer-anr banq-awr, khaqmiq sheuni hawr-eu tanqpanq aqma mawrkawr-anr lawrnaeq-euq lawrdzar dzaqni, maeqnaeq tsovnaeq-awr murluf-eu mae.

Gaˬlaˬtiˆ 1:6

Kali-euq guiqlanq yawdzanr-euq lafkhoer nawmaf-anr kur-euq Miqyaer-anr, nawmaf yaw’awr laf-aer byaerdzae-awr, guiqlanqdawq yawqdawq yawq-anr hageuf-euq mirnae, ngar zanq duidui ler nya.

1 Beˬtuˆluˆ 4:17

Aqjeq mirnae aernar-aq, yarkhaq dar-eu aryamq keuvlar-euq mae. Miqyaer, aqyawf-euq nymrkhanq-anr jeqhu yarkhaqdar taef-a. Aqdui-anr jeqhu yarkhaqdar nar-aq, Miqyaer-euq guiqlanq dawq-anr maq narhaq geuf-eu deuq-euq gharduq, arsaq aqjox-aer saq-eu jeq la?

2 Beˬtuˆluˆ 2:18

Aqyawfmaf gardanr maqtsoeq-aer jasae-eu dawq ngaeq-awr, yawbanq-euq lafkhoer daef-euq gar nae caevdzeur-euq deuq-anr, jawflafni ghae-eu jeq hawr-eu shiqshaq-euq nuikhanr deuq nae murtawv luf-eu mae.

HeˬByehˇ 11:8

Aqbyaqhaq jan-eu mirnae, Miqyaer, aqyawf-euq jeqbir pyeuf-eu mirkhanq-anr ir-awq laer aqyawf-anr kur ngae, aqgeugar ya’ir-eu laer maq siqnya-eu khawf, Miqyaer-euq dawq narhaq geuf-awr ir-euq mae.

Eˇpeˇsu 4:14

Khoerngae tiqjawr, aqdui, zaq maqpar pyeuf-eu uqtaf, tsawrhaq-euq tsawrganr hawr-eu jaqmyawf maershuir-euq bawqtov zmq-eu lafkhoer, kharngeur-eu dawqmaeq dawqtsov-euq jaqlaer bawlar ngae, khar bawpyawr ghae-eu paw maqpyawr-ir-ar.

Gaˬlaˬtiˆ 4:9

Nymq-mr nawmaf, Miqyaer-anr siqnya lar-euq mae. Aqdir aernar-aq, Miqyaer, nawmaf-anr siqnya luf-eu mae. Ghaq baq-awr gardanr maqtsoeq-eu deuq jawr-eu paw aqjeq mirnae par ghof-ir-awr, khoerdeuq-euq zaqkhav par geufmawf-eu nya?

Gaˬlaˬtiˆ 3:3

Nawmaf, Yawshawr Saflar-anr ghoe-awr mrdanq baetaq-euq khawf, nymq-mr shiqshaq-anr ghoe-awr arsaq saq-eu ghae le lor? Nawmaf teunav nav-aer laf-eu nya laq?

1 Beˬtuˆluˆ 1:22

Nawmaf, muiq-eu Saflar baqda’nae yawtsaq yawdawr jeq-anr narhaq geuf-awr, nawmaf-euq nuima saflar muiqlar shawrlar-euq mirnae, aqyuif aqnyir yawkaq aqdir gaq-awr, nuima shawrjaevni zifdanni tiqghaq tirghaq gaq-awq.

HeˬByehˇ 5:9

Aqyawf khoerlof-aer byanlar-euq nar-aq, aqyawf-anr narhaq geuf-eu yawqghaq navluf-euq, li-eu maqbawni kakhof-eu jeq-euq dawqpaeq duqpur pyeuflar-euq mae.

Eˇpeˇsu 5:15

Khoermirnae, nawmaf yanryanr-aer daef-awq. Aqdzawq argan lof-aer maqngeur-eu, zaqsiq tsawrganr anr-eu tsawrhaq lof-aer daef-awq.

1 Tiˆmoˇseˬ 6:4

aqyawf-aq, nuima huiq-awr, tiqjeq-iq maq siqnya-eu khawf, dawqdeuq-euq garkawv tsawrpyaer pyaer-awr, jadzaq mawf-eu nuima anr-eu taef mae. Khoermirnae, myavnav nav-eu, caedzaq-eu, jabu jadoer-eu, aqcawq-euq garkawv yawdoer jeq sharnoeq-eu, heudeuq bi dovlar-eu mae.

Gaˬlaˬtiˆ 2:14

Ngar, aqyawfmaf, guiqlanq dawq-euq yawtsaq yawdawr-euq maeqnan dawrcoeni maq cantae-eu gar ya’mawr ngae, aqyawfmaf dawqtawv luf-euq maeqshi Beqtuvluv-anr heulof-aer aernaeq-euq ma, “Nawr, Yurdav tsawrhaq pyeuf-eu khawf, Yurdav tsawrhaq lof-aer maqdaef-aer, aqcawq tsawrjeuq tsawrca lof-aer daef-eu gar nae, aqjeq mirnae, aqcawq tsawrjeuq tsawrca, Yurdav tsawrhaq lof-aer yadaef-eu mae laer katir-eu le?”

1 Gawˇliˬtu 11:26

Aqmyan maqkaq, nawmaf kaqmur heu dzaq-awr khmqmaq heu ciqdawr ngae, nawmaf, Sanqpaq Yeqsur shir-euq garkawv, aqyawf zafkale ngae keuvni, dawqdzawr mr-eu jeq pyeuf-eu mae.

1 Gawˇliˬtu 2:2

Ngar, nawmaf naeq-aer jawr ngae, Yeqsur Kali-euq garkawv hawr-eu, aqyawf, lafyaq-euq khoertav bi tafsaef-euq garkawv maqngeur nar-aq, nuijeq tiqjeq-iq siqnya-eu maqgeuf laer ngar noeqtsaev taq-euq ma.

Lormav 6:17

Dzeurlaf ngae, nawmaf iqbax-euq zaqkhav geuf-euq mae. Aerkhawf, nymq-mr-aq, nawmaf-anr maeqnaeq-euq dawqmaeq dawqtsov-anr nuima nae narhaq geuf-euq mirnae, Miqyaer-euq guiqlanq-anr jaceuq ma.

Lormav 2:8

Aerkhawf, yawqha-euq gharduq taef-aer sharnoeq-eu tsawrhaq hawr-eu yawtsaq yawdawr dawq-anr maq narhaq geuf-aer, maqtsaq maqdawr-eu jeq-anr narhaq geuf-eu tsawrhaq-euq khoertav, Miqyaer nuima dav-awr nuima paer-eu jeq keuvle taef-a.

Gʼaˬkʼehˇ 6:7

Khoernar-aq, Miqyaer-euq dawq gaqdoe-ir-awr, Yeqlursaqlaeq-euq lafkhoer zaqlanr zawr myaqlar-awr, pirma ghawqmya’ni khawf Kali-anr janlar-euq mae.

Panmaeq 18:3

Aqjeq mirnae aernar-aq, mirkhanq yawqkhanq navluf aqyawf-euq banq-awr muv-eu jeq-euq baqda’nae Nuima paer duidui-eu jeq-euq aqgaf dzaruir dawryaef taq-euq mae. Mirtsaq-euq sanqpaq deuq, aqyawf naeq-aer banq-awr muv-euq mae. Aqyawf javmyaq-awr byaeqlaeq shaevdae-aer daef-eu mirnae, mirtsaq-euq khoertav jeqgaf jeqka mr-eu deuq smrmuiq muiqlar-euq mae.”

2 Teˇsaˬloˇni 1:8

Miqyaer-anr maq siqnya-eu tsawrhaq-anr hawr-eu aqdui-euq Sanqpaq Yeqsur-euq guiqlanq dawq-anr maq narhaq geuf-eu tsawrhaq-anr yarkhaq darnaeq taef-a.

Eˇpeˇsu 3:8

Kali-euq lafkhoer anr-eu, maq povmawr jircoerni sanr-eu guiqlanq deuq, aqcawq tsawrjeuq tsawrca-anr dawqmaeq bimaeq-ir-eu gharduq, tsawrshawr dawqtawv luf-anr nae teqdzaeq dzaeq-eu ghaq pyeuf-eu ngaq-anr, guiqlanq yawdzanr khoer bifnaeq laf-euq mae.

2 Gawˇliˬtu 10:5

Yawqhar yawqha ciqgor-awr, Miqyaer-anr siqnya-eu tsawrganr-anr lavtsoeq-eu yawgor yawqjeq navluf hawr-eu, dawqpyaer pyaer-eu jeq-anr nga’maf pyavdzae luf-eu ma. Khoeruqtaf, nuinoeq dawqtawv luf-anr paf-awr, Kali-anr bi narhaq geuf-eu ma.

Lormav 10:16

Aerkhawf, yawqghaq navluf-aer guiqlanq dawq-anr narhaq geuf-eu maqngeur-a. Aqjeq mirnae aernar-aq, Irsaqyar aer-eu, “Sanqpaq Miqyaer-or! Nga’maf-euq dawqdzawr-anr aqsur ghaq jan-eu la?” (Isy 53:1)

Luˇkaꞈ 24:25

Khoerngae, Yeqsur, aqyawf nyaf-anr heulof-aer aernaeq-euq mae, “Aqdzawq argan deuq-or! Nawmaf-aq, Miqyaer gharduq ngaeqdan-eu tsawrhaq nae aertaq-euq dawqtawv luf-anr jan-eu gharduq, nawmaf-euq nuima zawr-aer myaf-eu nga!

Maꞈtehˬ 24:24

Aqjeq mirnae aernar-aq, Kali jaqmyawf deuq hawr-eu Miqyaer gharduq ngaeqdan-eu jaqmyawf deuq dovle-awr, ghaenya nar-aq, Miqyaer nae tserdov taq-euq tsawrhaq deuq-anr sheuqbanq ghaeni, huiq duidui-eu bisiq bimawr-eu jeq hawr-eu zanq duidui ler paq-aer ghae-eu jeq, aqyawfmaf janrmaeq taef-a.

Maꞈtehˬ 7:26

“Ngar maeq-eu dawq heudeuq gaq-euq khawf maq mrcaw-eu aqsur ghaq maqkaq, kharshuif-euq khoertav nymr tsov-euq aqdzawq argan tiq ghaq-anr dur-eu mae.

Gʼaˬkʼehˇ 16:6

Khoerngae, Aqsir mircoer-anr Yaerdawq maqbi maeqni Yawshawr Saflar lavtsoeq-eu mirnae, aqyawfmaf, Puqgir hawr-eu Gaqlaqtiv mirkhanq irpav ghae-euq mae.

Gaˬlaˬtiˆ 1:2

Ngaq naeq-aer jawr-eu aqyuif aqnyir dawqtawvluf naeq-aer Gaqlaqtiv-anr jawr-eu Kalizaq armur deuq-anr sanqbof bofanr laf-eu ma.

Gaˬlaˬtiˆ 5:11

Aqyuif aqnyir deuq-or! Ngar nymq-mr keuvni bawkhov maeqdzaq yaeq-eu zanr tawq-eu garkawv maeqluf-eu lawnmr-aq, aqjeq mirnae khaeq-awr khav-eu gar ya daqluf-eu la? Khoerlof-aer ngeur-eu lawnmr-aq, lafyaq-euq baqda’nae sanqtif tif-eu jeq maqpar jav-eu mae.